Clubs de lectura

Tivemos a sorte de recibir no noso Clube de Lectura á escritora galega Paula Carballeira. O encontro tivo lugar o pasado luns 29 de xaneiro antes da sesión de Contacontos.

Aproveitamos a súa visita para falar con ela sobre o seu libro "13 avisos. Contos para escoitar pola noite": alguhas historias dan moito medo e compartimos con ela as nosas sensacións. Tamén firmou algún libro da biblioteca, así que anímate a coller algunha obra de Paula Carballeira a ver si tes sorte e podes ler un libro con autógrafo.

Antes de rematar a tarde, Paula Carballeira pasou pola radio e foi entrevistada por Águeda, alumna de 4º ESO A. Foi moi interesante, explicounos o que sentiu cando gañou o Premio Nacional de Literatura Dramática e que quería transmitir con "As alumnas".

Cidade de Letras é o novo nome do noso Club de Lectura. Inspirámonos no título de Ciudad de Humo, un dos libros preferidos do curso pasado. Este ano, Cidade de Letras xa quedou inaugurado no mes de novembro coa novela Unha Estrela no vento de Ledicia Costas, é unha das autoras máis recoñecidas e traducidas da literatura galega e os seus libros son constantemente reeditados. Falamos sobre a novela, sobre o noso protagonista Miguel, un estudiante dun instituto de Vigo de dezasete anos. E coma sempre, tivemos tempo para xogar. Nesta ocasión tocou un xogo de pistas na biblioteca en procura de estrelas e tamén houbo algunha preguntiña de ciencias, aproveitando o día da Ciencia en Galego, o 17 de novembro. Sabías que Venus é o astro máis brillante despois da Lúa.

Xa está listo o Club de Manga para seguir con novos encontros e diversións. Este ano terá lugar os mércores durante o recreo. Se che gusta o mundo do Manga, non dubides en apuntarte a nosa primera cita, este mércores á 11:30 na biblioteca.

O pasado luns 29 de maio, tivemos o último encontro 2022-23 co IES Paralaia para falar do libro Jules Verne e a vida secreta das mulleres plantas de Ledicia Costas: o famoso escritor francés chegou a Vigo a bordo do seu iate.

O novelista levaba moito tempo atrás da pista das mulleres plantas e, o noso alumnado estivo tras as pistas dos lugares importantes da novela ambientada en Vigo. O punto de partida foi a famosa escultura de Jules Verne. Rematamos nas islas Cíes onde houbo xogos e momentos de gran diversión.