Séguenos nas redes sociais: Facebook Teis

Curso 2016-2017

Visita á zona de Brainport en Eindhoven (Holanda)

Alumnado na escola vendo a demostración

Do 5 ó 9 de Xullo de 2017 a coordinadora de Proxectos Internacionais do IES de Teis, dona Patricia González Pardo, realizou unha visita á zona de Brainport en Eindhoven para coñecer “in situ” a situación económica, académica e laboral dos Paises Baixos co obxectivo de analizar a posibilidade de ampliar o número de mobilidades no ámbito da FCT dos nosos alumnos do departamento de Informática dentro do proxecto Erasmus+ e así como establecer de proxectos conxuntos a nivel académico e traballo.

Concretamente visitou o departamento de ICT (Tecnoloxías de Información e Comunicación), que escolariza a alumnos dende os niveis 1 (FP Básica) ata o nivel 4 (Ciclos Superiores) pertenecente ao centro de FP de Eindhoven Summa College (https://www.summacollege.nl/) no que se aúnan tódalas ramas de FP da área nunha única organización e que forma a máis de 14.000 alumnos.

Charla da policía sobre os riscos de Internet

A policía dando a charla no salón de actos

O mércores 7 de xuño contamos coa visita do inspector de policía de Vigo encargado de dar as charlas educativas acerca dos riscos da rede Internet.

Dentro das actividades do Plan Director para a convivencia nos centros, o departamento de orientación xunto cos titores de 2º ESO organizou dita charla, impartida para os dous grupos deste nivel no salón de actos do IES.

Foi moi interesante e coñecimos de primeira man que se debe e non se debe facer cando empregamos dita rede

Deixámosvos coas fotos do evento

Saída ó Monte da Madroa 1º ESO IES de Teis e 6º Primaria dos colexios San Salvador e San Fermín

Como ven sendo costume o IES de Teis participa nunha saída co alumnado o monte da Madroa. A actividade está organizada pola Comunidade de Montes da Madroa e o Plan Comunitario de Teis, con esta actividade preténdense dar unha educación ambiental o alumnado, concienciando da importancia de preservar o monte que temos máis próximo e destacando os problemas ambientais que pode levar a súa desaparición así como as medidas adoptadas para conservalo.

Nesta ocasión o IES de Teis quixo compartir a saída cos alumnos de 6º de primaria do Colexio San Salvador e San Fermín facendo da xornada educativa tamén un espazo de convivencia e integración entre o alumnado que xa está no centro e o alumnado que o ano que ven estará no IES de Teis cursando 1º ESO.

Durante a saída, o alumnado percorreu unha senda botánica na que se podían observar as principais árbores do bosque autóctono de Galicia, tamén puideron atender a explicación do proxecto de conservación da vacaloura, recoñecer especies de árbores invasoras, disfrutar da auga dos manantiais, e como premio final repartiuse auga entre os nenos e puideron disfrutar dunha merenda na que probaron a mel feita nas colmeas instaladas no monte da Madroa.

Deixámosvos coas fotos do evento

Clases sen fume

O alumnado de 1ºESO elaborou este estupendo cómic títulado "Que tu vida no se esfume. NO FUMES!" que vos mostramos a continuación.

Distribuir contido