Enviado por admin o Sáb, 07/09/2024 - 10:26
Son Lola Recarey, profesora no Ciclo Superior de Estética. O pasado mes de xuño participei nun programa Erasmus do noso centro, concretamente visitei Chipre. Alí tiven a oportunidade de coñecer as instalacións dunha fabulosa clínica, Bellisimo Clinic, en Lárnaca. O equipo recibeume marabillosamente e durante días compartimos coñecementos de cosmética e aparatoloxía, técnicas de tratamentos e diferentes experiencias laborais. A mobilidade foi moi gratificante e satisfactoria. Ademais , puden acadar varios contactos en diferentes cidades do país, para as prácticas no estranxeiro do noso alumnado. Unha experiencia moi recomendable.
