No día de hoxe, venres 12 de febreiro, tivo lugar no IES Río Cabe a representación teatral en inglés de dúas obras de teatro para o alumnado de ESO e Bacharelato.

A compañía "Moving on Theatre Company" escenificou para o alumnado de 2º, 3º e 4º da ESO a obra co título "You can't stop my dream" e no caso do alumnado de 1º e 2º de Bacharelato "One way ticket".

Nas dúas representacións tiveron ocasión os alumnos e alumnas de sair ao escenario para participar activamente na representación e de paso practicar algo de inglés cos dous actores da compañía, Bob e Harry. O pasaron xenial e decatáronse que foron capaces de comprender a maior parte dos diálogos dos actores nativos.

Facendo click na imaxe podese acceder a unha pequena gaería de fotos da actividade:

Unha vez máis, e como vén sendo habitual, o alumnado do noso centro acudiu á súa cita anual co teatro na lingua de Shakespeare. Nesta ocasión tratouse de dúas obras clásicas adaptadas en dous niveis: The Thirty-nine Steps, para alumnado de 1º,2º e 3º de ESO e The Great Gatsby para 4º ESO, 1º e 2º de BAC, representacións que tiveron lugar o día 27 de abril no centro multiúsos de Monforte. Os estudantes puideron gozar dunhas obras nas que ademais de como espectadores participaron como actores ocasionais, se ben algúns, máis ben "sufriron" a devandita participación.

Facendo click na imaxe podedes acceder a unha pequena mostra de fotos da actvidade: