Curso 2021/22
“Educación para a saúde: prevención de condutas adictivas”
O IES Río Cabe ten o pracer de convidalos á charla “Educación para a saúde: prevención de condutas adictivas” que terá luga o próximo mércores, 8 de xuño, ás 20:00h no salón de actos do centro. A charla será impartida por Luísa Astray, educadora social da Unidade Asistencial de Drogodependencias de Monforte de Lemos.
Exames EOI alumnado CUALE B1 convocatoria ordinaria
A continuación tedes datas e horas dos exames das diferentes destrezas das Probas de Certificación B1 convocatoria ordinaria da EOI de Monforte.
- Publicación das notas en Centrosnet NIVEL B1............... 3 de xuño.
- Revisión das probas NIVEL B1.................. 6 dexuño de 10:00 a 13:00h,
Charla no ensino secundario para adultos
O pasado luns día 16 de maio o alumnado do ensino secundario para adultos disfrutou dunha didáctica charla da man da nosa orientadora Andrea Vieira. Nela coñeceron os distintos camiños a tomar unha vez rematada a ESA e resolveron todas as súas dúbidas.
Moitas grazas Andrea pola túa boa disposición e por adicarnos un ratiño do teu tempo!
Un paseo polo Lugo Romano
O alumnado de Latín e Cultura Clásica do Río Cabe, acompañados de dous dos seus profesores, visitaron o pasado xoves 4 de maio a cidade de Lugo e parte do seu patrimonio cultural. Unha excursión do máis didáctica cuns alumnos dos que estar orgullosos.Ide ó seguinte enlace para un paseo por parte da cultura lucense.
IIIConcurso de Microrrelatos
O departamento de Lengua Española convoca por terceiro ano consecutivo o III Concurso de Microrrelatos, que esta vez coincidirá coa celebración do Día das Letras Galegas. Animámosvos a participar, sexades membros da comunidade educativa do centro ou non. Os relatos gañadores recibirán un premio e serán publicados na páxina web do centro.
Atoparedes as bases do concurso aquí.
III Edición Concurso de Microrrelatos do Río Cabe
Por terceiro ano consecutivo, e nesta ocasión para celebrar o Día das Letras Galegas, no Río Cabe convócase o III Concurso de Microrrelatos, no que pode participar
Os mellores relatos sairán publicados na web do centro.
Ánimo a todos e a participar!!
Visita ó Ecomuseo de Arxeriz - 3º Eso
O pasado xoves 28 de abril os alumnos/as de 3º ESO realizaron unha excursión a Arxeriz, onde visitamos o Ecomuseo, o Pazo e o Castro. Esta actividade enmárcase dentro Plan Proxecta “Patrimonio Etnográfico da Ribeira Sacra” no que están a traballar. O obxectivo era coñecer un pouquiño máis a Ribeira Sacra… e conseguímolo!!
Ao chegar ao Ecomuseo fomos recibidos por Mar e Sonia que nos explicaron como se vivía nesa zona da Ribeira Sacra en épocas pasadas. Moito foi o que aprendemos: o papel tan importante que tiñan as barcas do río, os tipos de barcas, os apeiros usados na pesca, as pontes que había sobre o Miño, os pobos que quedaron mergullados pola construción dos encoros dos ríos Miño e Sil, como era o traballo nas viñas (como se facía a poda ou se daba o sulfato, como se vendimiaba e trasladaba a uva nos culeiros ou cestos), como eran as cubas, para que se usaban os alambiques…. Despois visitamos o Pazo, a súa cociña (con pezas curiosas como o meleiro ou o sacaleites, como facían para fregar, etc ) e, finalmente, desprazámonos ata o Castro, onde coñecemos como eran as vivendas, a muralla e o foso que o arrodeaban, etc. Dende o alto do castro puidemos contemplar unhas impresionantes vistas do meandro que describe o Miño no lugar coñecido como O Cabo do Mundo. Abofé, unha forma ben fermosa de rematar a nosa visita.
Agradecemos a Mar e a Sonia as súas explicacións, paciencia e amabilidade.
Podedes atopar máis fotos na galería
Calendario exames finais 2º bacharelato adultos
Se queres obter información sobre as datas e horas dos exames finais de 2º bacharelato semipresencial preme no seguinte enlace:
Charla de Semente Ribeira Sacra na Educación para Adultos
O xoves 7 de abril parte do alumnado das ensinanzas para adultos asistiu á charla impartida por Pilar López e Severino Rodríguez, integrantes da asociación Semente Ribeira Sacra.
Nela informáronnos da convocatoria da VIII Edición Concurso de Proxectos Empresariais, certame que naceu alá polo ano 2014 co obxectivo de impulsar a creatividade en novos proxectos de empresa. Faláronnos, tamén, dos distintos proxectos gañadores de edicións pasadas e animaron a todo o alumnado que teña unha idea empresarial a presentarse.
Do 1 de marzo ao 31 de maio estará aberto o prazo de presentación de ideas, a través da web sementeribeirasacra.org.
Convocados premios extraordinarios Bacharelato correspondentes ao curso 21/22
Onte 25 de abril publicouse a Orde do 31 de marzo de 2022 pola que se convocan os premios extraordinarios de bacharelato correspondentes ao curso 2021/22.
Pódese acceder á información desta convocatoria na sede electrónica da Xunta de Galicia (https://sede.xunta.gal), introducindo na caixa de busca o código de procedemento ED311A.
O prazo de presentación de solicitudes será dun mes; comezará o día 26 de abril de 2022 e rematará o día 25 de maio de 2022.