Curso 2019/20

Máis premios para o Cabe

Premios do VI Certame de divulgación Mulleres de Lemos

Esta fin de semana, dentro da conmemoración do Día da Biblioteca e organizado polo colectivo Lemos Le, fíxose entrega dos premios do VI CERTAME DE DIVULGACIÓN MULLERES DE LEMOS: INÉS FERNÁNDEZ, ABADESA DE EIRÉ. O evento, que tivo lugar na Rectoral de Castillón, serviu para reunir aos galardoados nas dúas categorías do certame (banda deseñada e divulgación) .

Cinco alumnas do Río Cabe resultaron premiadas na categoría de Banda Deseñada. Sara Rodríguez Rodríguez  e Alicia Soto Pallares levaron o primeiro premio e un dos dous accésits (empatados) foron para Zeltia Pérez Barrientos, Claudia Pérez Barrientos e Ariadna Valdés Fernández.  Noraboa a todas elas e que sigan co seu traballo e bo facer.

Despedida - Homenaxe no Río Cabe

O pasado venres 18, máis de sesenta compañeiros e excompañeiros do Río Cabe reunímonos a xantar para homenaxear a tres compañeiras que se xubilan despois de moitos anos de servicio no centro.

Trinidad Álvarez, do departamento de Matemáticas , Mª José Fajardo e Pilar Fernández, do servizo de limpeza, comezan una nova etapa sabendo que, aínda que non andarán polo instituto a diario, para sempre serán Riocabenses de pro e ben seguro levarán consigo  miles de recordos do seu paso polo centro  á vez que, e por méritos propios,  permanecerán para sempre nos nosos corazóns. A comunidade educativa do Cabe deséxalles a mellor das sortes e que sigan compartindo connosco moitos momentos de lecer.

HORARIOS ENSINANZAS DE ADULTOS 2019/2020

A continuación, facendo click no curso correspondente, podedes descargar o horario do mesmo:

 ESA I-II      ESA III-IV A      ESA III-IV B

 

1º BAC      2º BAC

 

CS Turismo

 

Respecto ao horario do CUALE, as ensinanzas do idioma inglés desenvolveranse no seguinte horario:

A1

Martes e Mércores: 16:30 a 17:45 horas

B1

Xoves: 17:15 a 18:30 horas

Venres: 16:00 a 17:15 horas

O horario do idioma Francés B1 é:

Xoves: 16:00 a 17:15 horas

Venres: 17:15 a 18:30 horas

Castelán e galego para estranxeiros:

Castelán: Mércores de 16:00 a 16:50 horas

Galego: Mércores de 16:50 a 17:40 horas

Por último, as clases do Nivel II de Fútbol impártense os Luns, Mércores e Xoves pola tarde. O Mércores os módulos correspondentes ao Bloque Común e o resto dos módulos os outros dous días da semana.

Reunións Familias - Titores

 

REUNIÓNS DAS FAMILIAS COS TITORES/AS

 

mércores, 9 de outubro, terán lugar

as reunións das familias cos titores/as, no salón de actos do

centro, co seguinte horario:

 

18:00 horas Familias do alumnado de 1º e 2º de ESO

18:30 horas Familias do alumnado de 3º e 4º de ESO

19:00 horas Familias do alumnado de 1º de BAC

19:30 horas Familias do alumnado de 2º de BAC

 

Posteriormente, ás 20:30h, a ANPA do centro se reunirá coas familias do alumnado dos distintos cursos.

Comida de Benvida ao alumnado de 1º BAC

Un ano máis celebramos no Río Cabe unha comida de benvida ao alumnado que comeza novo ciclo de estudos. Alumn@s novos e outr@s veteráns no centro son recibidos cun xantar de confraternización para que se poidan coñecer e compartan momentos fóra do ámbito escolar.

Así o fixemos o día 26 de setembro no Clube Fluvial de Monforte, onde profesor@s e alumn@s compartimos un agradable xantar e sobremesa.

Presentación Ensinanzas de Adultos

O pasado día 23 de outubro tivo lugar,no salón de actos do IES Río Cabe, a presentación das Ensinanzas para persoas adultas que se poden cursar no noso centro.

O director, Carlos Parada, e demais membros do equipo directivo deron a benvida aos alumnos e alumnas que comezan este novo ano e animáronos  e felicitáronos pola decisión de ter elixido unha traxectoria non sempre doada  xa que se trata, en moitos casos,  de alumnos que ademais de estudar, traballan e teñen familias ao seu cargo .

Posteriormente a Xefa de Estudos de nocturno, Patricia Barrientos, fixo unha exposición sobre  as  distintas ensinanzas que o centro oferta,  como son a Secundaria e o Bacharelato (semipresencial) para persoas adultas,  así como os ciclos medios de Fútbol e  superior de Turismo, o Programa Cuale de Inglés e Francés e como novidade este ano Castelán e Galego para estranxeiros.

Un grupo de ex-alumnos deu unha emocionada e agradecida visión do seu paso polo Río Cabe, contando como lles fixeron medrar, persoal e profesionalmente, os estudos retomados tras anos de alonxamento dos libros,  e animou  ao alumnado que agora comeza a ser constantes e a non abandoar a “aventura” académica.

Houbo tamén un sentido recordo  para Ramón Rodríguez, alumno de Turismo, que tristemente nos abandoou o pasado verán, e que  sempre permanecerá na nosa memoria pola súa inmensa valía persoal, xenerosidade e profesionalidade. 

 

A súa titora, Sol González, foi a creadora do cartel que  na súa memoria permanecerá exposto na aula de Turismo.

Horario cuale

HORARIO CUALE CURSO 19/20
 INGLÉS
 A1…………………… 
MARTES      16:30-17:45
                                  MÉRCORES 16:30-17:45
  
B1…………………..   XOVES 17:15-18:30
                                  VENRES 16:00-17:15
  FRANCÉS
 B1……………………..       XOVES 16:00-17:15
                                        VENRES 17:15-18:30
  

CASTELÁN  E GALEGO ESTRANXEIROS
CASTELÁN………..MÉRCORES 16:00-16:50
 
GALEGO………….MÉRCORES 16:50-17:40


Presentación Ensinanzas de Adultos 19/20

DATAS PRESENTACIÓN ADULTOS E COMEZO ACTIVIDADE LECTIVA

O día 23 de setembro, luns, ás 18:30h terá lugar, no salón de actos do centro, a presentación do novo curso escolar nas Ensinanzas de Adultos,co  equipo directivo e os  profesores  que imparten nos respectivos niveis.

Ó rematar os alumnos e mailos titores xuntaranse nas respectivas aulas onde se lles fará entrega  dos horarios e responderán ás dúbidas que poidan xurdir.

As clases comezarán ó día seguinte, 24  martes,  para a Educación Secundaria Adultos niveis I e III , Castelán e Galego para estranxeiros, CUALE Inglés e  Francés e Ciclo de Turismo no horario fixado. As  de Bacharelato Semipresencial e Técnico deportivo de fútbol comezarán o día 30 de setembro, luns.

HORARIO DE COMEZO DE CURSO EN DIÚRNO

HORARIO DE COMEZO DO CURSO EN DIÚRNO

 

LUNS DÍA 16 DE SETEMBRO DE 2019

 

09:00h: PRESENTACIÓN ESO

 

ESO 1º

- 9:00h :  Benvida do director, cos titores, no salón de actos ao alumnado e familias.

- 9:20h - 9:30h: Reunión do equipo directivo cos pais de 1º ESO

- 9:20 h:Presentación do alumnado cos titores nas clases

 

ESO 2º, 3º E 4º

- 9:00 h: Presentación cos titores nas aulas

- 10.00h: Benvida do director, cos titores, no salón de actos

 

-10:30h: Regreso dos autobuses, que acercarán ó alumnado aos seus domicilios

 

O transporte levará aos alumnos ás horas indicadas

 

13:00h: PRESENTACIÓN BAC

 

            -13:00h: Benvida do director, cos titores, ao alumnado no salón de actos

            -13:30h: Presentación cos titores nas aulas

 

O martes 17 de setembro as clases serán no horario habitual (8:45 a 14:15)

O  transporte e o comedor funcionarán con normalidade

Premios Inspiraciencia

O día 6 de setembro a alumna Sandra Rodríguez Macía, que rematará os seus estudos de Bacharelato no noso centro este próximo curso, participou no Aquarium de Donostia na entrega de premios da novena edición do prestixioso "Concurso de Relatos de Inspiración Científica Inspiraciencia", convocado polo CSIC. A pesar de que nesta edición a competencia era moita, pois presentáranse 377 obras escritas en catalán, castelán, éuskaro e galego, o seu relato “A fantástica formación da Lúa” foi merecente na categoría xuvenil en galego do segundo premio. O xurado destacou a súa orixinalidade, calidade artística e contido científico.

O galardón está dotado cun diploma, un certificado, un completo e variado lote de libros da editorial Galaxia, ademais de material escolar. Dende o CSIC puxeron tamén á súa disposición unha bolsa de 400€ co fin de sufragar os gastos da súa viaxe e a dunha persoa acompañante.

Dende o centro reiteramos unha vez máis os nosos parabéns, agardando seguir acompañando a Sandra nos seus éxitos non só literarios.

Distribuir contido