Seguimos de celebración, neste caso o San Brais. Aproveitamos o día e as súas típicas roscas para obter

algún diñeiro para a excursión dos rapaces de 4º ESO a Roma, a fin de curso . Un éxito total!! Parabéns @s

reposteir@s!!

O pasado xoves, 2 de febreiro, celebramos no Cabe a festividade de “La Chandeleur”. En Francia é costume celebrar esta data comendo “crêpes” en familia e entre amigos; eso mesmo quixo facer o alumnado de 4º ESO da asignatura de Francés, acompañado da súa profesora Pilar, polo que convidaron a compañeiros e profesorado con esta doce delicia.

Esta mañá celebramos no Cabe o 30 de xaneiro, Día Internacional da Paz.

Reunímonos na Biblioteca co alumnado de distintos cursos da ESO e BAC para recibir a unha familia de refuxiados ucranianos que reside actualmente en Ferreira de Pantón, que nos veu falar da súa experiencia como cidadáns dun país que se atopa inmerso nunha guerra, como todas as guerras, inhumana e inxusta.

Tivemos de tradutora a Olga, alumna de 4º, que nos deu tamén a súa opinión sobre o conflito e a quen agradecemos de corazón a súa colaboración, nun asunto no que ten, lóxicamente, implicacións emocionais.

Comezamos a celebración coa banda do instituto, encabezada por Xurxo Labrador e as alumnas Ariadna, Ximena e Estefanía, quenes cantaron cancións que son himnos de paz  e de non á violencia. Tivemos de presentador a Miguel e de entrevistadores a Alicia, Anxo, Demetrio, Gabriela, Iara e Xurxo. 

Moitas grazas a todos eles e tamén a Xaquín, traballador social de Ferreira de Pantón,  por axudarmos a lembrar que a paz é tan necesaria como inútiles as guerras.

Xurxo González Rodríguez, alumno de 4º ESO no noso centro, foi gañador do terceiro posto, logo de obter o primero posto no Certame de Microrrelatos María Casares,  no concurso de Poesía de Nadal 2022 do Concello de Monforte que se fallou o pasado martes 10 de xaneiro, na categoría de 12 a 15 anos.

Noraboa, Xurxo, polo teu talento, esforzo e capacidade de traballo e moita sorte en próximas convocatorias.

A finais do primeiro trimestre o alumnado de música  de 4º Eso e 1º Bac  do Cabe tivo a oportunidade de presenciar, xunto coa súas profesoras Eva Dios e Rocío López, un ensaio da Orquesta Sinfónica de Galicia na cidade de A Coruña. Un pracer que repetiremos sempre que haxa a ocasión. Despois foron ó MUNCYT, Museo Nacional de Ciencia e Tecnología, adicado á divulgación científica e tecnolóxica e á conservación.

Na mesma viaxe, alumnado de 4º Eso das asignaturas de Latín e Cultura Clásica visitaron a Casa- Museo Casares Quiroga coa súa profesora, Noelia Besteiro e posteriormente asistiron á recollida de premios do Concurso de Microrrelatos María Casares, que organizou o Xornal El Ideal Gallego con motivo do centenario do nacemento da actriz de cine e teatro Galega. A nosa máis sincera noraboa ó gañador Xurxo González, e ás finalistas Carmen López e Lucía de la Iglesia.

Está aberto o período de inscrición para probas de acceso a ciclos formativos de grao superior, do 23 de xaneiro ao 3 de febreiro de 2023, ambos incluídos.

Podes consultar a Orde do 5 de decembro de 2022 pola que se regulan as probas de acceso aos ciclos formativos de grao medio e de grao superior de formación profesional do sistema educativo, e se convocan para o ano 2023 (códigos de procedemento ED312C e ED312D) na seguinte ligazón:

Orde do 5 de decembro de 2022

Para máis información:

Probas de acceso a ciclo formativo de grao superior

Os exames finais dos niveis 1 e 3 do ensino secundario para adultos celebraranse a semana próxima os días 30, 31 de xaneiro e 1 de febreiro. A avaliación final ordinaria realizarase o día 2 de febreiro.

Tedes toda a información no seguinte enlace.

As clases dos niveis 2 e 4 comezarán o día 6 de febreiro no horario establecido. Podedes descargar os horarios:

Nivel 2         Nivel 4

O CS DE Guías, información e asistencia turísticas comezamos as actividades de 2023 da mellor maneira posible, viaxando a Madrid para asistir a FITUR ‐Feria Internacional de Turismo‐ e ao tempo facer outras actividades como visitar a exposición inmersiva,Tutankamon, ir ao teatro, facer unha visita guiada pola cidade ou visitar unha axencia de viaxes referente a nivel nacional.

 Despois dunha entretida viaxe en tren chegamos a Madrid, desprazamos ao hotel onde nosaloxábamos ‐preto da Praza Maior‐, fixemos o check in e saímos hacia Matadero Madrid para ver a unha chea de tesouros, tumbas, templos e misterios do antigo Exipto. Trátabase dunha exposición inmersiva con experiencias fantásticas de realidade virtual, xogos interactivos de realidade aumentada, unha animación de 360º que cobre as catro paredes e o chan, paneisinformativos,…; todo elo tendo como protagonista ao Faraón Neno, Tuntankamon, no Exipto do 1300 a. C.

O xoves 19 de decembro tocaba FITUR!!!

A 43ª edición dunha das feiras turísticas máis importantes que este ano mostrábase optimista por poder viaxar sin restricións. O lema, “Viaja al Centro… del Turismo”.

A primeira visita foi a Galicia. O noso lema, “Unha viaxe enogastronómica e sostible”. Esa é a aposta da Xunta de Galicia para consolidar a nosa Comunidade como destino de referencia.

O pasado luns 16 de xaneiro, o alumnado de 4º de ESO asistiu a unha charla incluida dentro do plan Proxecta  “Por 365 días de respecto e igualdade” sobre violencia de xénero na mocidade, no salón de actos do Río Cabe. A poñente foi Rosa, terapeuta ocupacional no centro de recuperación integral  dependente da Consellería de Emprego e Igualdade, e o obxectivo da actividade foi proporcionar ás rapazas e rapaces desde a escola, formación e ferramentas que lles permitan coñecer e recoñecer a violencia contra as mulleres, e actuar na súa prevención, fomentando a autoestima, a autonomía, o coñecemento da construción social das súas identidades sexuais  e a asignación de roles, o que permitirá traballar na eliminación de estereotipos sexistas e de falsas crenzas.

Miguel Vega López, alumno de 2º de Bacharelato, acaba de proclamarse subcampión do VIII concurso Talento na Bolsa. Esta competición ten como patrocinadores a “Renta4banco” e ao “Instituto de Estudios Bursátiles” (IEB), formando parte do Plan de Educación Financeira elaborado pola CNMV e o Banco de España. O seu obxectivo é buscar e premiar o talento sostible, xa que procura demostrar que os investimentos en Bolsa poden ser sostibles, seguros, socialmente responsables e que axuden a xerar coñecemento real das finanzas. Ademais, con este concurso preténdese contribuír á mellora da cultura financeira do alumnado de bacharelato, dotándolles de ferramentas, habilidades e coñecementos para adoptar decisións financeiras informadas e apropiadas ao longo da súa vida.

O primeiro clasificado neste concurso obtivo unha rendibilidade do 49%, recaendo a segunda posición en Miguel Vega López, alumno do IES Río Cabe, cunha rendibilidade do 36,87 %. Ao redor de 600 alumnos/as de bacharelato de toda España participaron na edición deste ano. Os premios repártense entre os oito primeiros clasificados e consisten en cheques para realizar compras en amazon ademais de bolsas para estudar no IEB, concretamente Miguel, como 2º clasificiado, recibiu unha tarxeta de 250 euros, unha bolsa do 50% para cursar un grao ou un máster universitario e un diploma acreditativo do posto alcanzado.

Ao longo do xogo da bolsa, que durou do 18 de outubro ao 20 de decembro de 2022, os alumnos de bacharelato competiron entre si para tentar obter a maior rendibilidade e a carteira de investimento mellor valorada ao final do prazo, seguindo os parámetros reais do mercado bolsista español. Desta forma, os participantes deberon obter a máxima rendibilidade dun capital ficticio de 30.000 euros co que partían ao comezo deste xogo. Neste sentido, e segundo recollían as bases do concurso, os ‘bróker’ ficticios puideron realizar as operacións que considerasen oportunas coa cantidade que tiñan asignada en valores do Ibex35 e do Mercado Continuo Español.