Visita de 2º Bac a Santiago
O alumnado de 2º BAC do Río Cabe visitou hoxe, acompañado de tres das súas profesoras, Fina, Ángeles e Ana, a capital de Galicia. O obxectivo era dobre: por una parte, coñecer o Parlamento e a Catedral en profundidade, e por outra, descansar da rutina diaria das clases, despois dunha primeira avaliación intensa.
A primeira escala foi no parque da Alameda, onde viron as estatuas das Dúas Marías e a do escritor galego Valle Inclán, así como as espectaculares panorámicas da cidade.
Despois visitaron o Parlamento, onde tras escoitar a explicación sobre o seu funcionamento, tiveron a ocasión de asiostir a parte dunha sesión plenaria. Á saída, o presidente da Xunta, Alfonso Rueda, tivo a amabilidade de posar cos alumnos para unha foto.
A terceira escala foi a catedral; entraron pola Porta Santa, viron o interior e visitaron a Capela de A Corticela, adicada a peregrinos e estranxeiros, e onde os alumnos escribiron un desexo nun papel; por último, subiron ós tellados da catedral, onde se poden distinguir as distintas etapas de construción do templo e gozar das inmellorables perspectivas das prazas monumentais.
Despois dunha parada para comer, foron visitar o Pórtico da Gloria. Tanto ali, como nas fachadas da igrexa, os alumnos de arte fixeron de guía dos seus compañeiros e reafirmaron o aprendido nas súas clases teóricas.
Un día completo ó que acompañou un tempo moi bo, ideal para a visita á histórica cidade.
Charla "Rutas de inicio ó xogo online"
Mañá martes, 29 de novembro, ás 20:00h, Luísa Astray, educadora social no Concello de Monforte, impartirá a charla “Rutas de inicio ó xogo online”, destinada ás familias do alumnado do centro. Dende o equipo directivo do Río Cabe, insistimos na importancia da súa presencia .
11 de novembro - San Martiño
Como ven sendo tradición, no Cabe quixemos celebrar o San Martiño reunindo a toda a comunidade escolar. Fixémolo o luns 14,en lugar do propio día, venres 11, xa que a xuntanza adaptábase mellor a esa xornada, por razón de horarios.
Nos recreos da mañá e da tarde, o alumnado, profesorado e personal non docente disfrutamos dos tradicionais bolos preñados, bica e chocolate quente, mentras escoitabamos a un grupo de alumnos de 1º Bac, que acompañados do novo profesor de música, Martín, nos amenizaron a pausa.
Parabéns a todos eles pola súa actuación ; grazas a todos os que se uniron á celebración e sobre todo, grazas ó personal da cafetería pola colaboración e axuda prestada.
Candidatos/as provisionais ao Consello Escolar
No taboleiro da secretaría do centro está publicada a listaxe de candidatos/as provisionais ao Consello Escolar. Entre o 16 e o 17 de novembro poderase interpoñer reclamación a dita proclamación.
- APIs de Blogue
V Andaina polo camiño de inverno
Onte xoves, 10 de novembro, o alumnado de 3º e 4º de ESO, xunto con cinco das súas profesoras, participou na V Andaina polo Camiño de Inverno, que organizou a ASOCIACIÓN CAMIÑOS A SANTIAGO POLA RIBEIRA SACRA. Xunto con rapaces de todos os colexios e institutos de Monforte, disfrutaron dunha xornada diferente cunha camiñata de nove km ,no seu caso; saíron de Cereixa, déronlles un refrixerio a medio camiño, e remataron no Parque dos Condes, onde tamén interviron no programa de radio que conduce Manola Porto.
Dende o Cabe queremos felicitar ós organizadores da actividade pola súa boa xestión; sen dúbida participaremos en futuras convocatorias.
Xubilación de compañeiros
O pasado venres, 4 de novembro, celebramos a despedida por xubilación dos nosos compañeiros Ana Silva,
profesora do departamento de Lingua Galega, Manuel Castro , do departamento de Matemáticas, e Carlos
Rodríguez, do departamento de Xeografía e Historia. A ocasión reuniu a máis de sesenta compañeiros e ex-
compañeiros, que quixeron compartir con eles un momento de ledicia e emoción a partes iguais.
Coñecendo ao sétimo Conde de Lemos
O pasado xoves, arroupados pola escuridade, o alumnado de adultos encamiñouse hacia o Castelo de San Vicente para desfrutar dunha cita moi especial. Alí estábanos esperando Don Pedro Fernández de Castro, Andrade y Portugal , VII conde de Lemos, IV marqués de Sarria, VI conde de Villalba, V conde de Andrade e Grande de España.
Logo de facer as presentacións o ilustre monfortino contounos un poco da súa vida e da súa man visitamos algunhas estancias da que foi a súa residencia o Palacio Condal.
Para rematar acompañounos polo maxestuoso claustro do Mosteiro de San Vicente do Pino actualmente Parador de Monforte recordando numerosas anécdotas da súa intensa vida.
Agrademos á nosa profesora de Historia, Fina Vázquez, a idea e organización da visita e ao VII Conde de Lemos, Alfonso Rodríguez, a súa espléndida teatralización. Voltaremos!
Se queres ver máis fotos visita a nosa Galería.
Conxurando en Samaín
Hoxe venres, 28 de outubro, celebramos no Cabe a festa do Samaín, con nenos e profesores disfrazados de vivos e non tan vivos; Flor e Xurxo ambientaron a biblioteca, organizaron un concurso de narracións e unha exposición de debuxos, (cos que decoraron o centro) así como o visionado de cortos de terror , que incluía un realizado polos nosos alumnos, e cos que disfrutamos nun fantasmagórico ambiente. Un grupo de profesoras tivo a idea de sacar os “medos afora” por medio de tarxetas nas que escribimos sobre as cousas que nos asustan.
Grazas a todos, alumnos e profesores pola vosa “terrorífica” colaboración.
Fondo pesar
A comunidade educativa do IES Río Cabe lamenta profundamente o suceso acaecido nas últimas horas no IES Julio Prieto Nespereira de Ourense e solidarízarse coa dor da familia e de toda a comunidade educativa.
Alumnado de Turismo en Termatalia- Ourense
O CS de Guías, información e asistencia turísticas comezamos os contactos co sector turístico, neste curso 2022-2023, viaxando a Ourense para asistir a 20ª Feira Internacional do Turismo Termal, Saúde e Benestar.
Na visita á Feira coñecimos os destinos termais nacionais e internacionais alí presentes, ademais dunha ampla oferta de balnearios, talasos e centros de spa de todo o mundo.
A actividade incluíu a asistencia a unha Mesa redonda sobre a xestión da Auga: Perspectiva Turística e de Xestión.
Voltamos ás aulas con moito relax despois de practicar ioga e de relaxarnos co sonido e as vibracións do gong.
Tamén catamos augas! E podemos contar que nin son inodoras nin insaboras!
- « primeira
- ‹ anterior
- …
- 26
- 27
- 28
- 29
- 30
- 31
- 32
- 33
- 34
- …
- seguinte ›
- última »
![IES Río Cabe RSS Distribuir contido](/centros/iesriocabe/misc/feed.png)