A profesora de Bioloxía Beatriz Lastra, organizou para o alumnado de 1º ESO unha conferencia a cargo do ponente Marcos Parente, membro de ACOPO, na que os alumnos e alumnas tiveron a oportunidade de coñecer, entre outros aspectos, o ciclo vital, costumes, xerarquía, especies, distribución, etc deste mamífero.

Mantivo ao auditorio moi atento xa que lles explicou a súa experiencia persoal co lobo e como conseguiu seguir a unha manada a partir das pegadas e os excrementos. Foi quen de transmitir a importancia de conservar a este animal, ao que o home limita cada vez máis o seu hábitat.