Este mércores, 4 de novembro, no IES Pazo da Mercé viñemos tod@s con saia para reivindicar a liberdade de vestir como nós queiramos, máis alá do que marquen os estereotipos de xénero.
O Comando Igualdade e diversidade propúxonos secundar esta iniciativa para apoiar a Mikel, un alumno vasco, que foi obrigado a saír da clase o día que decidiu ir con saia ao seu instituto.
Por iso, nas Neves queremos deixar claro que a roupa non ten xénero e ningunha persoa debe ser discriminada pola roupa que poña.
