O pasado xoves 14 de febreiro de 2019, o alumnado de 3º da ESO participou nun Obradoiro de Educación afectivo – sexual impartido por unha psicóloga dos centros Quérote + (Dirección Xeral de Xuventude, Participación e Voluntariado).
O obxectivo dos centros Quérote + é prestar un servizo de información e asesoramento á xuventude galega naquelas áreas nas que se poida aportar un maior entendemento social e que se facilite o crecemento persoal. Están situados nas principais cidades galegas e en 11 concellos dentro dos seus Espazos Xoves.
A través deste obradoiro preténdese:
Transmitir a concepción da sexualidade dun xeito plural, de respectar á diversidade, de aceptar a igualdade dentro da diferenza, a explorar os nosos medos e a potenciar as nosas fortalezas, os noso desexos, de buscar o pracer de xeito construtivo e duradeiro, e ser responsables das nosas condutas.
Promover o respecto á diversidade, o dereito á diferencia sexual, o respecto polos sexos e a valoración positiva dos mesmos.
Apoiar e asesorar na resolución das dificultades no eido da sexualidade que actualmente inciden na sociedade (embarazos non desexados, infeccións de transmisión sexual, homofobia, transfobia, situacións de desigualdade, etc.)
Promover as habilidades que fomenten a convivencia entre os sexos.
