CHARLA-COLOQUIO CON JOSEP BURGAYA

 

 

Venres, 19 de febreiro, no salón de actos do noso instituto

O alumnado de 1º de BAC terá a oportunidade de asistir a unha charla do Doutor en Historia Comtemporánea da Universidade Autónoma de Barcelona Josep Burgaya.

No 2015 publicou "La economía del absurdo", libro sobre o efecto do funcionamento actual das multinacionais e a sús repercursión na sociedade española.

 

PLAN PARA A CONVIVENCIA: "AS REDES SOCIAIS"

 

XOVES, 18 DE FEBREIRO DE 2016

17:00H. NO SALÓN DE ACTOS DO INSTITUTO

A Garda Civil impartirá unha charla sobre "Redes sociais" destinada ás  familias do alumnado á que quedan todas/os convidadas/os.

Este é un dos temas incluídos no Plan director para a convivencia e mellora da seguridade nos centros educativos e os seus entornos. 

Dende o 15 ata o 22 deste mes de febreiro haberá charlas para os distintos cursos de secundaria e de bacharelato. 

 1º/2º ESO: Acoso escolar e redes sociais

 3º/4º ESO: Drogodependencia.

1º/2º BAC: Violencia sobre a muller, discriminación por razóns de sexo ou orientación sexual.

 

ROSALÍA, A ROSA DE CEN FOLLAS

                                                                                                                                

 

 

 Luns, 15 de febreiro, o alumnado de  4º de ESO e de 2º BAC terá a oportunidade de asistir á   obra teatral  "Rosalía, a rosa de cen follas". A representación correrá a cargo da compañía Galeatro. Será no cine Alovi ás 11:20 h.

 

 

 

 

VISITA AO INSTITUTO DE CERÁMICA DE GALICIA

 

O alumnado do Ciclo Superior "Laboratorio de análise e control de calidade" realizou unha actividade complementaria (venres , 12 de febreiro) da asignatura de  Ensaios Físicos. Visitaron o "Instituto de Cerámica de Galicia"

Se queres saber máis sobre todo o relacionado con este instituto debes PREMER na imaxe.

 REPORTAXE DA VISITA

 

 

ENTROIDO 2016

 

IMAXES DA CELEBRACIÓN

 

 PREME NA IMAXE PARA VER O PROGRAMA

 

Venres, 5 de febreiro, "Festival de Entroido".

As catro primeiras sesións haberá clase . Ás 12:10, recreo, será a degustación dos freixós e a continuación comezará  o festival.

 

 

 

CHARLA SOBRE O UNIVERSO

 

                                             

 

O día 3 de febreiro tivemos no Centro unha conferencia sobre o Universo, organizada polo Departamento de Bioloxía e Xeoloxía.

Contamos coa presencia de Paulino Gasalla, responsable do Programa "Coñecendo o Universo" da Sociedade Galega de Historia Natural.

A activide foi dirixida aos alumnos de 1º de ESO de Bioloxía e Xeoloxía e 1º BAC de Ciencias. A charla dividiuse en dúas partes, nas que se foron desenvolvendo contidos de astronomía, información sobre os planetas, as estrelas, cometas, as galaxias,....

1ª Parte.- Cun programa informático, realizouse un percorrido polo ceo correspondente á nosa latitude. Comezando por situar a estrela Polar axudadeos, na súa localización, pola Osa Maior, simulouse o que observaríamos en 24 horas nesta época do ano. Continuando coas principais constelacións zodiacais como o Touro, os Xemelgos. Vimos as Pleiades, a Nebulosa de Orión, ou estrelas destacadas como Sirio.

2ª Parte.- Unha viaxe espacial polo noso Sistema Solar e máis aló del. Observamos as características dos distintos planetas e satélites. Vimos a Xúpiter e as súas lúas, mares e cráteres da Lúa, monte Olimpo en Marte,...

Deixamos a nosa galaxia, A Vía Láctea, e percorremos outras como a Gran Galaxia de Andrómeda. Rematouse cunha rolda de preguntas, ás que o conferenciante deu resposta; satisfacendo así as dúbidas ou curiosidades sobre o Universo, do alumnado participante, que mostrou moito interese polo tema.

 

CHARLA-COLOQUIO EX PARLAMENTARIOS

 

 

O martes, 26 de xaneiro, no salón de actos tivo lugar unha interesante charla de exparlamentarios de Galicia. Asistiron os ex deputados: Angel Ramón Mesa Torreiro (PPdeG), Natividad González Laso (PSdeG-PSE) e Xesús Veiga Buxán (BNG); os espectadores foron  alumnas/os de 4º de ESO e de 1º BAC.

O obxectivo desta charla é que os estudantes de Bacharelato e da ESO  coñezan de preto o traballo que se desenvolve no Parlamento de Galicia.

A charla compleméntase visualizando un  DVD explicativo da composición, órganos, funcións,... do Parlamento de Galicia. Seguidamente abriuse un coloquio para resolver dúbidas e curiosidades dos participantes.

 

 

1ª SEMANA DA FROITA 2015/2016

 

 

Esta  semana (do 25 ao 29 de xaneiro)  teremos froita de tempada nos recreos.

 

XI OLIMPÍADA DE BIOLOXÍA

O venres 15 de Xaneiro do 2016, catro alumnas de 2º bacharelato A ( Laura Gregorio Dopico, Nerea Martínez Corral, Enma Pereira Bouza e Beatriz Prieto Soto) participaron na XI Olimpíada de Bioloxía ( Fase galega) que se celebrou na Facultade de Ciencias da Universidade da Coruña. Foi unha intensa xornada que comezou coa realización do exame teórico e do exame práctico pola mañá, e despois de comer tiveron talleres experimentais nos laboratorios da facultade sobre zooloxía, botánica, microscopía e bioquímica, así como conferencias sobre bioluminiscencia, bacterias e a memoria dos animais. Posteriormente fixéronlles entrega dos diplomas acreditativos pola súa participación. A olimpíada de Bioloxía é unha actividade que ten como obxectivo estimular e implicar aos estudantes de Bacharelato no desenvolvemento desta Ciencia, á vez que resaltar a súa importancia no mundo actual, promovendo o seu progreso e a súa divulgación. Na olimpíada participaron 24 centros de educación secundaria de toda a comunidade galega, 89 alumnos e só tres representarán a Galicia na fase nacional. Segundo palabras das propias participantes foi unha experiencia moi enriquecedora e permitíulles coñecer a moz@s que, como a elas, encántalles a Bioloxía. Parabéns ás participantes que xa son OLÍMPICAS.

 

VISITA LABORATORIO DE METALOGRAFÍA (ENDESA)

 

O 18 de decembro de 2015, o alumnado do CS "Laboratorio de análise e de control de calidade" realizou como actividade complementaria unha visita ao laboratorio de metalografía de Endesa (As Pontes).

 

 Preme na imaxe para ver as fotos da visita didáctica.

 

Distribuir contido