FCT DO ALUMNADO DO C.S. DE LABORATORIO

 

 

O noso alumnado do ciclo formativo de grao superior de LABORATORIO DE ANÁLISE E CONTROL DE CALIDADE ven de incorporarse aos centros de traballo das Empresas colaboradoras, que, para o presente curso, están situadas nas provincias de Pontevedra e A Coruña; neles deberán complementar a súa formación ata o 10 de xuño, nun total de 384 horas, durante as que tamén desenvolverán, de xeito simultáneo, o módulo de Proxecto, para finalizar os dous cursos académicos de duración da titulación de Técnico Superior. Unha vez rematados, poderán participar no programa ERASMUS, ata un máximo dun ano.

 

 Dende a Comunidade Educativa do IES Moncho Valcarce queremos facer público o noso agradecemento a todas as Empresas participantes pola súa necesaria e imprescindíbel colaboración.

 

 

 

VISITA AO MUSEO DE HISTORIA NATURAL E A AQUACIENCIA

 

 

 O Mércores 20 de Abril tódolos alumnos e alumnas de 1º de E.S.O.  desprazáronse a Ferrol para visitar o Museo de Historia Natural da SGHN e Aquaciencia. A actividade foi organizada polo Departamento de Bioloxía e Xeoloxía.

No Museo fixeron un percorrido por distintas seccións: observando esqueletos dende o dunha pitón a outros de mamíferos e aves, coleccións de insectos, rochas, fósiles… pasando por unha sala con especies abisais como a lura xegante ou quenllas,  para chegar á colección de cetáceos onde destaca por suposto o esqueleto dunha balea de 18 metros de lonxitude.

 En Aquaciencia, xardín didáctico sobre a temática da Auga, os rapaces estiveron acompañados por un monitor que lles foi explicando o funcionamento das distintas máquinas ou artiluxios expostos: reloxio de auga, central hidroeléctrica, a bóla de auga e o transbordador entre outros.

 

 

EXPOSICIÓN PROXECTOS DE TECNOLOXÍA

 

 

                                                                                                                                                                                     

                  

 O alumnado de 2º ESO A realizou estes proxectos coa unidade de estruturas na materia de Tecnoloxía.

Así, podemos ver entre os expostos:

  • Unha estrutura entramada, típica das vivendas actuais, cos seus pilares, trabes,....
  • Unha estutura triangulada, polo tanto indeformable, neste caso unha grúa que soporta un certo peso.
  • Unha estrutura abovedada que tamén actua como muíño de vento.
  • Unha estrutura masiva que é unha réplica do muíño do Eume.
  • E por último unha estrutura colgante, unha ponte prevista de cordas a modo de tensores que lle aportan rixidez á estrutura.

Todos eles estarán expostos durante a semana no recibidor do Instituto.

 

MERCADIÑO SOLIDARIO 2016

 

 

Como todos os anos e dentro das actividades propias da "Semana do Libro" (18-26 de abril), celebraremos o Mercado Solidario do libro vello.

 

Este ano a nosa colaboración será coa ONG Proactiva Open Arms, adicada ao salvamento marítimo dos refuxiados sirios na illa grega de Lesbos.

 

 

  

  

TEATRO GRECOLATINO EN OURENSE

 

 

 

 

 

 

 

 

O mércores, 13 de abril, o alumnado de Cultura Clásica de 3º de ESO e Latín e Grego de  1º e 2º de BAC asistiron á representación da comedia "Xemelgos" de Plauto no auditorio municipal de Ourense. Ademais visitaron a casa de Otero Pedraio en Trasalba e as Termas de Outariz, onde tomaron uns baños relaxantes.

 

 

 

 

 

 

 

 

 

ENCONTRO CON ANDREA MACEIRAS

           O vindeiro martes, 19 de abril ,o alumnado de 2º e 4º de ESO terá a oportunidade de asistir a unha conferencia  de    Andrea Maceiras.

        Ás 10:30 h. falará sobre "Volverás, golfiño" e os asistentes serán os alumnos e alumnas de 2º de ESO A e B.

        Ás 12:30 h. será sobre o libro "Europa Express" e asistirán os alumnos e alumnas de 4º ESO A.

        Esta é unha proposta do Departamento de Galego.

        

 

                           

ROTEIRO CULTURAL A CELANOVA

 

 

Alumnado de 2º e 3º da ESO, o 6 de abril, fixeron unha saída didáctica a Celanova. Despois de tres horas de viaxe, chegamos á casa de Curros Enríquez e alí tivemos a ocasión de ver libros, fotos e demais obxectos orixinais do autor.

A continuación visitamos o Mosteiro de San Salvador e a capela mozárabe de S. Miguel  do século X (o que queda do primixenio mosteiro), logo foi o concerto de órgano no que o alumnado participou interpretando as pezas "Herba de namorar" e "Máis vale trocar".

Xa pola tarde, voltamos ao mosteiro onde se atopa o IES do concello. Alí puidemos disfrutar da biblioteca do instituto e recitar poesías de Curros e de Celso Emilio Ferreiro.

Para rematar a xornada visitamos Vilanova dos Infantes ,onde naceu S. Rosendo que foi o fundador do mosteiro e  tamén fomos ao castro de Castromao.

 

                             

                                                    

 

Alumnado admitido para 2016-2017 (ESO e bacharelato)

 Lista de alumnado admitido

O alumnado de 6.º curso de educación primaria dos centros adscritos ao Instituto Moncho Valcarce (CEIP Plurilingüe Santa María, CEIP Plurilingüe A Magdalena, CEIP da Igrexa, das Somozas, e CEIP Mosteiro de Caaveiro, da Capela) que reservou praza está admitido para 1.º ESO 2016-2017 (non ten que solicitar a admisión).

 Impreso solicitude axudas libros texto / fondo solidario 2016-2017 (último día: 23 de xuño)

VISITA Á CASA-MUSEO DE MANUEL MARÍA

 

    O alumnado colaborador do ENDL visita a Casa-Museo

  de Manuel Mª en Outeiro de Rei o luns 14 de marzo.

  O grupo está formado por alumnado de:

  2º ESO, 4º ESO, 4º PDC e 2º BAC.

  Ademais, farán un roteiro ata as Penas de Rodas.

 

 

 

IMAXES DA VISITA

 

CINE: "A PRAIA DOS AFOGADOS"

 

 

   

 

   Por iniciativa do Departamento de Galego e deferencia do Concello, o alumnado de 2º de BAC ten a oportunidade de visualizar o film "A praia dos afogados". Adaptación cinematográfica do libro do mesmo nome de Domingo Villar. A proxección é o venres, 11 de marzo.

 

 

 

 

Distribuir contido