Conmemoración Día Internacional da Muller (8M)
Enviado por Silviabarja o Ven, 08/03/2024 - 14:13O IES Indalecio Pérez Tizón conmemora o Día Internacional da Muller (8M) deseñando e montando a instalación “PONTE NOS MEUS ZAPATOS” que visibiliza: (I) o difícil percorrido que tiveron que realizar as mulleres para alcanzar os seus dereitos e (II) o camiño que aínda queda por percorrer ata alcanzar a igualdade libre de estereotipos de xénero na sociedade actual e no futuro.
Os zapatos simbolizan o elemento esencial co cal as mulleres percorreron o seu camiño e a espiral simboliza as dificultades coas que se atoparon ao longo deste camiño.
Ademais fíxose a inauguración do taboleiro de igualdade, convivencia e benestar!
PROBA ABAU E ACCESO A UNIVERSIDADE
Enviado por anonimo o Mér, 06/03/2024 - 10:22Clicando NESTA LIGAZÓN podedes acceder á información sobre a proba ABAU e o proceso de acceso á Universidade.
PROCESO DE ADMISIÓN CURSO 2024-2025
Enviado por Irene Mera o Ven, 01/03/2024 - 17:00Premendo no documento que se xunta pode consultar as vacantes do IES Indalecio Pérez Tizón para o curso 2024-2025.
CONVOCADAS AS PROBAS DE ADMISIÓN AO INEFG
Enviado por Irene Mera o Xov, 29/02/2024 - 10:28Convocatoria das probas específicas de acceso aos estudos de grado en Ciencias da actividade física e do deporte, da facultade de Ciencias do deporte e da educación física da Universidade de A Coruña (UDC) para o curso acedémico 2024-2025.
Información sobre a convocatoria e a inscrición nas probas de admisión NESTA LIGAZÓN.
CALENDARIO DE EXAMES DOS MÓDULOS PENDENTES DE CICLOS FORMATIVOS. CURSO 2023 - 2024
Enviado por Irene Mera o Mér, 21/02/2024 - 22:24Publícase o calendario de exames correspondente aos módulos pendentes dos ciclos formativos, curso 2023 - 2024.Podedes consultalo no documento adxunto.
CHARLA SOBRE NOVAS ADICCIÓNS: VIDEOXOGOS E APOSTAS ONLINE. 6 DE MARZO. 19:00
Enviado por Irene Mera o Mar, 20/02/2024 - 13:02No marco do Plan Director para a convivencia e a mellora da seguridade nos centros educativos e na súa contorna ofértase esta charla orientada a alumnado da ESA, familias e profesorado e que abordará a problemática e riscos das novas adiccións tales como os videoxogos ou as apostas online.
A charla será impartida por persoal experto pertencente ás forzas de seguridade do estado e terá lugar no salón de actos do noso centro o mércores 6 de marzo ás 19:00 horas (entrada ata completar aforo).
AXUDAS PARA A REALIZACIÓN DE ACTIVIDADES DE FORMACIÓN EN LINGUAS EXTRANXEIRAS 2024
Enviado por Irene Mera o Ven, 16/02/2024 - 13:21A Consellería de Cultura, Educación, Formación Profesional e Universidades convoca 645 axudas para realizar actividades de formación en linguas estranxeiras no ano 2024.
Prazo de solicitude: do 13/02/2024 ao 12/03/2024.
Poderá solicitar estas axudas o alumnado de centros sostidos con fondos públicos da Comunidade Autónoma de Galicia dos cursos do bacharelato.
Para máis información consultade a seguinte ligazón:
I Concurso Recital Poético Rosalía de Castro
Enviado por Alberto Valverde o Mér, 07/02/2024 - 11:30Este ano queremos celebrar o día de Rosalía de Castro cun concurso de recitado de textos.
Escolle un poema en galego e achégate ao Salón de Actos do centro no primeiro recreo do venres 23 de febreiro.
Imos pasalo xenial!!
FORMAR AO PROFESORADO EN COMO XESTIONAR AS EMOCIÓNS É IMPRESCINDIBLE!
Enviado por Silviabarja o Mér, 24/01/2024 - 22:30Un grupo de 18 docentes participa no seminario “A saúde mental na adolescencia no IES Indalecio Pérez Tizón” (Plan de Formación Permanente do Profesorado) impartido por Olegaria Mosqueda Bueno, psicóloga educativa e membro do GIPCE (Grupo de Intervención Psicolóxica en Catástrofes e Emerxencias) do Colexio Oficial de Psicoloxía de Galicia, e coordinado pola profesora Silvia Barja Fernández (departamento de bioloxía-xeoloxía e coordinación de igualdade).