Xa se pode consultar na Aula Virtual (categoría: Biblioteca; curso: "usuarios") e no blog da Biblioteca Aloia o catálogo de películas en préstamo da Biblioteca:

Estimada comunidade educativa:

Dende o equipo directivo do IES Indalecio Pérez Tizón lamentamos enormemente a publicación, onte domingo 8 de novembro, dun artigo de prensa, no que se recolle un bulo publicado nas redes sociais e que terxiversa uns feitos acaecidos neste IES. Dar credibilidade e facerse eco de falsas noticias que corren polas redes sociais é un erro que todos podemos cometer, pero a profesionalidade xornalística, esixe que antes de publicar un artigo, se deben contrastar as fontes de información, coa finalidade de acadar unha veracidade obxectiva.

Puntualizamos que en ningún momento se lle recriminou a ningún alumno deste centro a vestimenta por razóns de xénero e, moito menos, que se lle puxese ningunha falta de conduta nin se ameazase cunha expulsión por tal motivo. A inexactitude no relato dos feitos descritos neste artigo e o xeito no que se desvirtúa a realidade do acaecido, atenta tanto contra a dignidade deste equipo directivo, como contra a de toda a comunidade educativa deste IES.

Desafortunadamente, deformar situacións que se poden dar a diario nun centro educativo, onde é habitual reprender condutas que nada teñen que ver co relatado neste artigo, embaza e desmerece o traballo dun colectivo que neste momento está sendo obxecto dunha difamación. Artigos como este, lonxe de fomentar valores como a convivencia, a igualdade, o respecto e a responsabilidade individual e colectiva, que é o que tratamos de trasladar ao noso alumnado e ofrecerlles de exemplo, acrecentan odios e enfrontamentos que non representan en absoluto os valores defendidos e practicados por este centro.

O equipo directivo.

Tui, 9 de novembro de 2020

Xa están publicadas as bases do concurso de relatos de terror Edgar Allan Poe que dende hai uns anos a Biblioteca convoca para celebrar o Samaín. Se queredes participar, lede con atención as bases da convocatoria que están no blog da biblioteca, ao que podedes acceder dende a ligazón que figura á dereita da páxina ou directamente en bibliotecaaloia.blogspot.com.

Animádevos e partipade no certame!!!

Premede na ligazón que figura a continuación para coñecer o horario e instrucións da Hora de Ler deste curso académico:

Nesta entrada achégase un comunicado da ANPA Concordia dirixida a todos os pais e nais con fillos/as estudantes no IES Indalecio Pérez Tizón:

O pasado curso académico o IES Indalecio Pérez Tizón inaugurou un novo concurso para conmemorar o 8 de marzo: Portas cara á igualdade, un concurso que consistía en decorar a porta da clase cunha mensaxe en pro da igualdade de xéneros.

O certo é que, por mor do confinamento, quedou sen proclamar a clase gañadora.

O 20 de outubro de 2020, o xurado do concurso determina que:

1. Dada a calidade e esforzo do alumnado na execución do traballo, aumentarase a tres o número de clases premiadas.
2. As titorías gañadoras do curso 2019-2020 son:

 Finalmente, o xurado quere dar a noraboa a todos os participantes do concurso e, especialmente, aos gañadores do mesmo.

Dadas as singulares circunstancias deste curso escolar propiciadas pola COVID-19, lémbrase ás familias a importancia de darse de alta no servizo ABALAR MÓBIL, xa que é unha canle de comunicación fundamental entre as familias e o centro. A continuación, móstranse as instrucións para activalo para todas aquelas familias que aínda non fan uso do mesmo:

1º Entrar nalgunha aplicación de descargas como  "Play Store", por exemplo.
2º Poñer no buscador: AbalarMóbil 
3º Picar no icono.
4º Picar instalar.
5º Ao abrir a aplicación pediranlle un número de teléfono móbil (aquí está o truco, e por isto aparecen a maioría de problemas coa aplicación). Este número de teléfono ten que ser o que está como principal nos datos de matrícula, que comunicaron ao centro cando matricularon aos seus fillos.
6º Ingresar o número de teléfono.
7º Despois recibirán un sms cun código.
8º Ingresar ese código.
9º Operación rematada