O vindeiro curso académico o IES Indalecio Pérez Tizón ofrecerá cursos de formación complementaria en Linguas estranxeiras (CUALE): francés, inglés e portugués. Trátase de cursos gratuítos e voluntarios, orientados a alumnado de 4º ESO, Ciclos Formativos e Bacharelato. No arquivo adxunto tedes dispoñible a folla de inscrición.

O pasado 14 e 16 de marzo celebráronse, un ano máis, no IES INDALECIO PÉREZ TIZÓN as probas para acreditación da competencia lingüística nos niveis B1, B2 e C1 en Lingua Inglesa a través da empresa TRINITY.

O alumnado seleccionado tivo que demostrar as súas destrezas orais e escritas na lingua inglesa cunhas probas de comprensión oral, expresión oral, comprensión escrita e expresión escrita.

Este programa financiado enteiramente pola Consellería de Cultura, Educación, Formación Profesional e Universidades permitiu ao noso alumnado presentarse a ditas probas TRINITY de forma gratuíta.

Unha vez rematado o proceso de corrección das probas, damos os nosos PARABÉNS ao 80% dos alumnos que superaron as probas de forma satisfactoria e que xa poden acreditar cun Título Oficial de TRINITY a súa competencia en Lingua Inglesa.

Convocatoria das probas específicas de acceso aos estudos de grado en Ciencias da actividade física e do deporte, da facultade de Ciencias do deporte e da educación física da Universidade de A Coruña (UDC) para o curso acedémico 2024-2025.

Información sobre a convocatoria e a inscrición nas probas de admisión NESTA LIGAZÓN.

Publícase o calendario de exames correspondente aos módulos pendentes dos ciclos formativos, curso 2023 - 2024.Podedes consultalo no documento adxunto.

Fase de reserva de prazas en centros de adscrición

De conformidade coa disposición adicional primeira da Orde da Consellería de Cultura, Educación, Formación Profesional e Universidades do 21 de outubro de 2022, que regula o procedemento de admisión de alumnado en centros docentes sostidos con fondos públicos, o próximo día 15 de xaneiro de 2024 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.

O prazo de presentación de solicitudes abranguerá do 15 de xaneiro ao 5 de febreiro do 2024, ambos incluídos.

Tanto a presentación das solicitudes como a consulta das listaxes de admitidos, que se publicarán o día 22 de febreiro, deberán realizarse no centro no que está matriculado o alumnado no presente curso ou a través da aplicación admisionalumnado (https://www.edu.xunta.gal/admisionalumnado/)

Pode consultar o Manual de Usuario para Familias

Normativa de aplicación:

• DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación. https://www.xunta.gal/dog/Publicados/2022/20220211/AnuncioG0598-040222-0004_gl.html
• ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C). https://www.xunta.gal/dog/Publicados/2022/20221108/AnuncioG0655-281022-0001_gl.html

O Departamento de Orientación elaborou uns recursos para explicar ao alumnado na aula as posibilidades e opcións que se lles abren unha vez rematen a ESO. Co fin de que poidades velas na casa e afondar xunto aos vosos fillos e fillas sobre o seu contido, deixámosvolas nas seguntes ligazóns para que as consultedes.

• ORIENTACIÓN VOCACIONAL I

• ORIENTACIÓN VOCACIONAL II

Se tedes dúbidas podedes comentalas con Sara, a nosa orientadora, que vos atenderá encantada.

O equipo da Biblioteca Aloia preparou unhas mochilas cheas de libros marabillosos e lecturas moi atractivas para gozar con elas no Nadal. Na seguinte ligazón tedes  toda a informa sobre esta actividade.

http://bibliotecaaloia.blogspot.com/2023/12/mochilas-tematicas.html

Foi publicada a resolución definitiva coa relación de centros con programas seleccionados dentro do Plan Proxecta+. De acordo con esta resolución, neste curso desenvolveranse no IES Indalecio Pérez Tizón tres programas educativos Proxecta+: Nutriescolas (Saúde e benestar), Donas de si (Igualdade) e Proxecto ríos (Medio ambiente/sostibilidade).

Consulta a convocatoria e a resolución premendo nesta LIGAZÓN. 

Prema nesta LIGAZÓN para consultar a Instrución 10/2023 da Dirección Xeral de Ordenación e Innovación Educativa pola que se establecen para o curso 2023/24 os prazos e o procedemento para as reclamacións das cualificacións finais no segundo curso de bacharelato ou da decisión de titulación nesta etapa educativa. Podes tamén consultar esta información na pestana de Documentos para o alumnado desta mesta páxina web.

O vindeiro venres, 8 de setembro, haberá unha reunión de acollida e informativa para as familias do alumnado novo no centro, nas seguintes quendas:

Benvidos ao noso centro.

O equipo directivo