O IES Indalecio Pérez Tizón conmemora o Día Internacional contra o Acoso Escolar sumándose ao lema do Colexío Oficial de Psicólogos de Galicia: 

O venres 10 de maio o alumnado de 4ºESO e 1ºBacharelato participará na xornada "Donas de si" (Plan Proxecta Donas de si), que ten como finalidade visibilizar e pór en valor a participación e a produción das mulleres como pezas fundamentais no desenvolvemento da sociedade.

O alumnado de 1ºBach na charla da investigadora sanitaria Saida Ortolano (Hospital Álvaro Cunqueiro): 

O alumnado de 1ºBach na charla da concelleira Ana Mª Núñez Álvarez (Concello Tui): 

O alumnado de 4ºESO na charla da profesora Raquel Orozco da Escola de Enxeñaría de Minas (Universidade de Vigo): 

O alumnado de 4ºESO na charla da profesora Belén Vaz Araújo da Facultade de Química (Universidade de Vigo): 

O alumnado de 4ºESO na charla da médica de familia e Federación Española Laura Cabaleiro Castro: 

O IES Indalecio Pérez Tizón conmemora o Día Internacional da Muller (8M) deseñando e montando a instalación “PONTE NOS MEUS ZAPATOS” que visibiliza: (I) o difícil percorrido que tiveron que realizar as mulleres para alcanzar os seus dereitos e (II) o camiño que aínda queda por percorrer ata alcanzar a igualdade libre de estereotipos de xénero na sociedade actual e no futuro.

Os zapatos simbolizan o elemento esencial co cal as mulleres percorreron o seu camiño e a espiral simboliza as dificultades coas que se atoparon ao longo deste camiño. 

Ademais fíxose a inauguración do taboleiro de igualdade, convivencia e benestar!

O alumnado de 3ºESO das materias de bioloxía-xeoloxia e física-química deseñou un "Escape room" sobre mulleres científicas extraordinarias co gallo de conmemorar o día internacional da muller e nena na ciencia. 

Exposición sobre as mulleres que foron galardonadas cun premio Nobel en diferentes ámbitos: paz, economía, fisioloxía e medicina, química, física e literatura. 

Actividade organizada a través dos departamentos de Bioloxía e Xeoloxía, Física e Química, Relixión e os Equipos da Bibliotreca e de Igualdade, coa finalidade de visibilizar o desequilibrio existente entre os homes nobel e as mulleres nobel. 

Exposición dispoñible durante todo o mes de febreiro no salón de actos. 

Este ano queremos celebrar o día de Rosalía de Castro cun concurso de recitado de textos.

Escolle un poema en galego e achégate ao Salón de Actos do centro no primeiro recreo do venres 23 de febreiro.

Imos pasalo xenial!!

Esta semana o grupo de 18 docentes participantes no seminario “Saúde mental na adolescencia no IES Indalecio Pérez Tizón” (Plan de Formación Permanente do Profesorado) recibe formación impartida por José Eduardo Rodríguez Otero, psicólogo da unidade de prevención do suicidio (UPS) do Hospital Álvaro Cunqueiro de Vigo.

O IES Indalecio Pérez Tizón conmemora o Dia da Paz e da Non Violencia co lema "A guerra é a saída dos cobardes". 

Deséñase un mapa mundi onde se mostran as rexións do mundo que viven en diferentes tipos de conflitos (armados, de dereitos LGTBIQ+, de xénero e paz, e tensións). 

 No segundo recreo celebrouse un acto co que reivindicamos a educación en e para a tolerancia, a solidariedade, a concordia, o respecto aos Dereitos Humanos, a non violencia e a paz. Como simboloxía levamos unha prenda de cor branca visible na parte superior do corpo. No acto leuse un manifesto escrito por unha alumna e fíxose 1 minuto de silencio.

Un grupo de 18 docentes participa no seminario “A saúde mental na adolescencia no IES Indalecio Pérez Tizón” (Plan de Formación Permanente do Profesorado) impartido por Olegaria Mosqueda Bueno, psicóloga educativa e membro do GIPCE (Grupo de Intervención Psicolóxica en Catástrofes e Emerxencias) do Colexio Oficial de Psicoloxía de Galicia, e coordinado pola profesora Silvia Barja Fernández (departamento de bioloxía-xeoloxía e coordinación de igualdade).