O Ministerio de Educación acaba de publicar a orde que regula as directrices de cara a terceira avaliación. Máis información en:

Orden EFP/365/2020, de 22 de abril, por la que se establecen el marco y las directrices de actuación para el tercer trimestre del curso 2019-2020 y el inicio del curso 2020-2021, ante la situación de crisis ocasionada por el COVID-19

Acaba de saír publicado o BOE que especifica as características das ABAU para este curso 2019-2020. Pinchade no enlace para máis información:

BOE DO 23 DE ABRIL DE 2020

Infórmase ao profesorado de que a Xunta de Galicia acaba de aprazar as oposicións convocadas para este ano:

Estamos a vivir unha situación excepcional: nunca pasou pola nosa mente que experimentaríamos semellante circunstancia. De aí que haxa decisións, indicacións, ou instrucións, que, ás veces, poden resultar contraditorias entre elas. A isto engádese un cúmulo de bulos e novas falsas, que da como resultado un estado de incerteza, inquedanza, mesmo anguria, que afecta a toda a comunidade escolar. Por iso, aínda que todo o profesorado entende o voso sentir, desacougarse a día de hoxe é adiantarse aos acontecementos: sabemos que non é doado, pero tedes que ter paciencia e estar tranquilos ata que se dean instrucións firmes e precisas sobre o que resta do desenvolvemento do curso.

Os vosos profesores/as somos conscientes de todas estas incertezas, dúbidas e do voso malestar, e moitos estamos máis que dispostos a escoitarvos e axudarvos na medida das nosas posibilidades, aínda que sexa a través do frío correo electrónico.

O teletraballo puxo en evidencia que non é o mesmo un ordenador que unha persoa. Probablemente vós botedes en falta un profesor/a que resolva as vosas dúbidas, académicas ou persoais, de forma inmediata, e que vos dea pautas precisas e claras á hora de facer as tarefas. E nós, os profesores/as, tamén precisamos da vosa guía: na clase é doado comprobar se non facedes as actividades por falta de traballo, por falta de tempo ou por falta de comprensión da materia. Estamos detrás dun ordenador, non nos vemos, e case ningún de nós traballou nunca de forma telemática. Mesmo, pode darse a circunstancia de que nalgún momento esteamos a dar paus de cego: mandamos actividades pensando que tedes tempo de sobra para realizalas, pero ás veces non somos conscientes de que non todos vós dispoñedes dos medios axeitados para seguir unha clase ou facer un exercicio online; ou que algúns poidades ter dificultades á hora de enfrontarvos a un procesador de textos ou outros programas informáticos aos que non estades acostumados. Por iso deberiades contactar cos profesores/as e cos titores/as cando vos vexades sobresaturados de traballo e, entre todos, axustar mellor os tempos para un ensino máis eficaz.

Pedimos a mesma paciencia aos pais. Nuns días, esperamos que sexa o máis cedo posible, as autoridades definirán as pautas a seguir nesta terceira avaliación. E, en caso de dúbida, pódense poñer en contacto co equipo directivo, titores/as, e docentes a través dos correos electrónicos que están dispoñibles na web do instituto.

Seguide atentos ás publicacións da páxina web do centro (tamén Facebook e Twitter), onde publicaremos as novas respecto a esta excepcional situación. E, sobre todo, coidádevos e mantervos tranquilos nas vosas casas.

Unha aperta a todos/as.

O equipo directivo.

O Colexio de Psicoloxía de Galicia fixo chegar ao centro a seguinte infografía cunha serie de informacións de interese para superar o confinamento. Esperamos que vos sexa de utilidade:

AXENDA PARA ADOLESCENTES CONFINADOS/AS

A páxina web da Consellería de Educación da Xunta de Galicia notificou o acordo entre a Consellería e a CIUG sobre as datas das ABAU da convocatoria ordinaria: 7, 8 e 9 de xullo. A información atópase no seguinte enlace:

ABAU 2020

Tras a reunión mantida, houbo consenso xeneralizado en manter o calendario escolar. Acordouse:

- Avaliar o segundo trimestre co traballo desenvolvido ata a interrupción das clases presenciais.

- Modificar os contidos e competencias básicas previstas para o terceiro trimestre. Estas modificacións abordaranse nunha xuntanza en abril.

- Suspender este curso as probas de avaliación diagnóstica.

- Respecto ás ABAU:

• Aprazar as ABAU:  as datas para a convocatoria ordinaria se situarán entre o 22 de xuño e o 10 de xullo, con marxe para publicar os resultados ata o 17 de xullo, e para a extraordinaria antes do 10 de setembro, coa publicación de resultados antes do 18 dese mesmo mes
• Manter o modelo de exame proposto polo Ministerio: un modelo similar ao actual, cos mesmos tempos de realización, e aumentar a opcionalidade.
• A conselleira avanzou que convocará proximamente a CIUG para abordar este tema.

Formación Profesional

O Ministerio anunciou a publicación dunha norma que vai fundir nun único módulo os actuais de Formación en Centros de Traballo (FCT) e de Proxecto. No caso dos ciclos de grao medio e na FP Básica establecerase un traballo final.

 PINCHADE AQUÍ PARA MÁIS INFORMACIÓN

A todas aquelas familias que non dispoñen nin de ordenador nin de impresora na casa, recomendámoslles que fagan uso do teléfono móbil: o alumnado pode descargar as tarefas nas súas terminais, e facer os exercicios nas súas libretas. Unha vez rematado o exercicio, poden facer unha foto delas e envialas aos correos electrónicos facilitados polo profesorado.

ENDEREZOS DE CORREO ELECTRÓNICO PARA CONTACTAR CO PROFESORADO

CURSO 2020-2021

 DEPARTAMENTO DE ORIENTACIÓN