Dende o ano 1979, levamos impartindo docencia, primeiro como centro de FP e logo como centro de ensino secundario con bacharelatos e ciclos de comercio e electricidade. Varias xeracións pasaron polas nosas instalacións e pensamos que non o debemos facer tan mal dado que agora xa nos están enviando ós seus fillos e ás súas fillas. A todos eles grazas por confiar en nós.

Instrucións fondo de libros. Curso 22-23

Instrucións da Dirección Xeral de Centros e Recursos Humanos sobre a Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/2023, que saíu publicada no Diario Oficial de Galicia o día 18 de maio de 2022.

INSTRUCIÓNS FONDO DE LIBROS DE TEXTO 22-23

 

Listaxe provisional de alumnado seleccionado e suplente das axudas para a realización de actividades de formación en linguas estranxeiras no ano 2022, destinadas ao alumnado dos centros docentes sostidos con fondos públicos

Publicada a listaxe provisional de alumnado seleccionado e suplente, segundo o establecido no artigo 16.3 da Orde do 11 de xaneiro de 2022 pola que se convocan axudas para a realización de actividades de formación en linguas estranxeiras no ano 2022, destinadas ao alumnado dos centros docentes sostidos con fondos públicos, en réxime de concorrencia competitiva. (DOG do 31/01/2022).

Estas listaxes foron publicadas na páxina web do programa: https://www.edu.xunta.gal/axudasle/

 

Pode consultar as devanditas listaxes na páxina da consellería de educación ou na seguinte ligazón: LISTAXES PROVISIONAIS

Concurso Que sabes das Letras?

O equipo de Biblioteca convídanos a participar neste concurso para conmemorar o Día das Letras Galegas que, como sabedes, festexamos o 17 de maio. Premede o seguinte enlace ou mirade o blog da biblioteca Aloia onde está toda a información:

CONCURSO QUE SABES DAS LETRAS?

 

Saída o río Delque

O alumnado de 4º ESO de Bioloxía acudiu o pasado 12 de maio ao río Delque como actividade do Proxecto Ríos. Entre outras cousas, analizaron as súas augas e estudaron a súa botánica e zooloxía, como se ve nestas imaxes:

 

FOTOGRAFÍAS DA SAÍDA AO RÍO DELQUE

4º ESO. CURSO 21-22

Imaxes e audio do intercambio entre o Indalecio e Vila Real

Como xa sabedes, este ano o profesorado de portugués do Departamento de Lingua Galega e Literatura desenvolveu un intercambio entre o noso alumnado e o Colégio Camilo Castelo Branco de Vila Real. Premede na imaxe que vén a continuación para ver as imaxes do evento: 

FOTOGRAFÍAS DO INTERCAMBIO

 A través desta outra ligazón poderedes escoitar a explicación desta actividade na radio:

O INTERCAMBIO CON VILA REAL NA RADIO

 

Prazo de solicitude de bolsas do MECD

Recordámosvos que o 12 de maio de 2022 remata o prazo de presentación das solicitudes das Bolsas do Ministerio de Educación e Formación Profesional para estudantes que cursen ensinanzas postobrigatorias no vindeiro curso académico 2022/2023.

 

Semana Internacional da Compostaxe

O 5 de maio de 2022 o noso alumnado de 3º ESO PMAR participou na Xornada de Divulgación da Compostaxe organizada polo concello de Tui:

 

Para máis información, preme na seguinte ligazón: INFOMIÑO

Imaxes do intercambio co alumnado de Lisboa 21-22

Premede na imaxe que tedes a continuación para ver as fotos do intercambio co alumnado de Lisboa:

Carta Eche

Convocatoria PRACTICUM DEPO 2021 (ErasmusPRO)

Ábrese a convocatoria para que o alumnado interesado presente a súa candidatura para a realización de prácticas nun país europeo, ao abeiro do proxecto PRACTICUM DEPO 2021.

1.      

Características da mobilidade

Mobilidade de longa duración para alumnado recentemente titulado a realizar durante o curso 2022/23

2.      

Destinatarios:

Alumnado de este centro de CM e FPB que, no momento de facer a mobilidade, teña aprobados todos os módulos do ciclo correspondente, incluído o módulo de FCT e máis de 18 anos.

3.      

Criterios de selección:

Os criterios de selección aplicables a este proceso son os que figuran no Anexo I que se publica xunto a esta convocatoria.

Pódese atopar toda a información sobre o mesmo proceso na páxina da Deputación de Pontevedra.

4.      

Presentación de solicitudes:

As persoas solicitantes enviarán os seguintes documentos:

  • Unha solicitude
  • Unha carta de motivación
  • Un CV actualizado

A ausencia dalgún deste documentos conlevará a non selección do candidato/a

Ademais, os solicidantes poderán entregar  toda aquela documentación que acredite as distintas competencias a ter en conta para este proceso de selección (segundo o Anexo I) ao enderezo de correo seguinte: erasmus@iesindaleciopereztizon.eu

5.      

Prazo para a presentación de solicitudes:

O prazo de presentación de solicitudes será do día 6 ao 13 de maio, ambos incluídos.

CRITERIOS SELECCIÓN ALUMNOS/AS PRACTICUM DEPO 2021

 

Distribuir contido