Skip to Content

Emma Pedreira Lombardía

 

O Día do Libro (tamén denominado Día Mundial do Libro e o Dereito de Autor, Día Internacional do Libro e Día Mundial do Libro) é un acontecemento anual que se celebra o 23 de abril. A festa celebrouse por primeira vez baixo os auspicios da UNESCO en 1995 coa idea de fomentar a lectura, a edición e publicacións impresas e os dereitos de autor. (Fonte: wikipedia)

No IES DAVID BUJÁN  imos celebrar a data coa presenza da escritora Emma Pedreira Lombardía, autora  de libros referencias da literatura galega recente.  A actividade inscríbese, e é financiada polo  Ministerio de Cultura e Deporte, dentro das Actividades de Promoción das Letras.

A escritora terá un primeira encontro co alumnado de 1º da ESO onde, acompañada dunha maleta, falará de libros. Despois será a quenda  do alumnado de 2º da ESO,  cos que falará da súa obra.

Feliz día do libro

Visita ao Museo Didáctico das Telecomunicacións

O 17 de abril de 2023, o alumnado de Tecnoloxía e enxeñaría de 1º bacharelato realizou unha visita ao Museo Didáctico das Telecomunicacións da Coruña. O persoal do museo -traballadores xubilados de Telefónica- explicou a evolución das tecnoloxías máis relevantes do ámbito das telecomunicacións (telefonía, telegrafía, radiocomunicación...) dende as súas orixes, hai máis de 150 anos, ata os dispositivos dixitais da actualidade. O máis asombroso deste museo é que moitos dos equipos están plenamente operativos a pesar da súa antigüedade. Tamén é salientable a cantidade de paneis que, mediante o uso de leds, explican os procesos que se levan a cabo nas redes de comunicacións.

Tanto o alumnado participante na visita coma o profesorado acompañante queren agradecer aos anfitrións o excelente trato recibido e animalos para que continúen coa increíble e sacrificada labor de mantemento que veñen realizando no museo.

ACTIVIDADES DÍA DO LIBRO

Para a última semana deste mes de abril, a biblioteca traballa na preparación das seguintes actividades:

-III Concurso Fotográfico "O Pracer de Ler".

-Elaboración de vídeos onde as familias do noso centro amosen as súas bibliotecas, explicando  que tipo de libros teñen, como os teñen ordenados, cales son os seus favoritos, etc.

-Encontro de exalumnas do instituto que son escritoras.

-Exposicións bibliográficas dos premios Cervantes.

Agardamos a vosa colaboración e suxestións.

 

 

MUSIGAL 2023

Comeza o Musigal para escoller a canción do 2022 que máis nos gustou.

Participa propoñendo cancións para seren incluídas nas roldas clasificatorias. Manda as túas proposta ao edlg@iesdavidbujan.gal ( co asunto "Musigal 2022") ou informa o  profesorado de LG ou do EDLG. Podes conseguir puntos do EDLG

Tamén podes participar votando as cancións xa propostas, dende a túa sesión (coa conta do centro). Só podes votar unha vez por eliminatoria.

Para seleccionar as finalistas faranse tantas roldas como cancións se propoñan. Sortearase unha camiseta, bocatas e  puntos do EDLG entre os que voten.  

Embaixo irán aparecendo todas as elimatorias

  

XXIX Certame Literario Xoán Díaz

O IES David Buján, O IES Afonso X O Sabio e o Concello de Cambre convocan unha  nova edición  do Certame Literario Xoán Díaz.  Ata o día 15 de abril está aberto o prazo para presentar traballos de poesía, narración e microteatro nas tres categorías (de 12 a 14, de 15 a 18 e de 19 a 26). 

PARTICIPA!!

Consulta as bases

Ficha de inscrición

Viaxe a Almagro 1º bacharelato

O alumnado de 1º bacharelato viaxou, entre os días 12 e 16 de marzo, a Almagro para asistir a unha representación teatral no Corral de Comedias. Tameń se visitaron os muíños de vento de Consuegra e, xa en Madrid, realizáronse outras actividades culturais: teatro, visitas a museos (Thyssen-Bornemisza, Prado e Reina Sofía) e un percorrido interpretativo pola arte urbana de Lavapiés cun taller de graffiti. No traxecto de volta, aínda deu tempo de visitar o Mosteiro de San Lorenzo del Escorial.

Natalia Gómez Orgeira, gañadora das Olimpíadas Galegas de Economía

Natalia Gómez Orgeira, alumna de 2º bacharelato do noso centro é a gañadora das XIII Olimpíadas Galegas de Economía, celebradas na Facultade de Ciencias Económicas e Empresariais da Universidade de Vigo o pasado 16 de marzo. O seu 1º premio concédelle o dereito a participar na XIV Olimpiada Española de Economía que se celebrará en Sevilla, organizada pola Facultade de Ciencias Económicas e Empresariais da Universidade de Sevilla, do 19 ao 21 de xuño de 2023. Moitos parabéns!

Evan Eiriksson Schimmelman, gañador das Olimpíadas de Xeografía de Galicia

Os nosos alumnos Evan Eiriksson Schimmelman, Laura Pena Muñoz e Nicolás López Méndez participaron nas XIV Olimpíadas de Xeografía de Galicia, que se celebraron o 9 de marzo de 2023 na Facultade de Xeografía e Historia da Universidade de Santiago de Compostela.

A grande noticia é que Evan gañou o 1º premio desta fase, así que nos días 21 e 22 de abril viaxará a Murcia para a fase final estatal. Moitos parabéns!

Distribuir contido


by Dr. Radut