Tecnoloxía

O 26 de xaneiro de 2024 recibimos a visita de María Martínez Pérez, profesora do departamento de Ciencias da Computación e Tecnoloxías da Información na UDC. Dentro do programa de charlas de divulgación científica da UDC, coa conferencia RFID para todo e para tod@s, a realtora explicou ao alumnado de 1º bacharelato das materias Tecnoloxía e Enxeñaría I, TIC I e Tecnoloxías Intelixentes as diferentes funcionalidades (procesos, vantaxes e inconvenientes) que se poden levar a cabo coa tecnología RFID (Identificación por Radiofrecuencia) en distintos sectores (educación, sanidade, seguridade, ocio, etc.).

Agradecemos a María a súa visita ao noso centro e esperamos vela de novo en máis ocasións.

O día 16 de outubro desenvolveuse unha visita ás instalacións de Applus+ na N-VI (Sada). A actividade contou coa participación do alumnado de Física e Química de 1º de bacharelato e o alumnado que cursa Tecnoloxía e Enxeñería en 1º e 2º de bacharelato.

A visita aos laboratorios de ensaios de materiais incluíu demostracións e explicacións de ensaios de tracción, compresión, microscopía e ensaios non destrutivos.

Agradecemos a Applus+ a súa disposición para ofrecerlle ao noso alumnado a posibilidade de realizar esta visita didáctica.

O 17 de abril de 2023, o alumnado de Tecnoloxía e enxeñaría de 1º bacharelato realizou unha visita ao Museo Didáctico das Telecomunicacións da Coruña. O persoal do museo -traballadores xubilados de Telefónica- explicou a evolución das tecnoloxías máis relevantes do ámbito das telecomunicacións (telefonía, telegrafía, radiocomunicación...) dende as súas orixes, hai máis de 150 anos, ata os dispositivos dixitais da actualidade. O máis asombroso deste museo é que moitos dos equipos están plenamente operativos a pesar da súa antigüedade. Tamén é salientable a cantidade de paneis que, mediante o uso de leds, explican os procesos que se levan a cabo nas redes de comunicacións.

Tanto o alumnado participante na visita coma o profesorado acompañante queren agradecer aos anfitrións o excelente trato recibido e animalos para que continúen coa increíble e sacrificada labor de mantemento que veñen realizando no museo.