Educación física

Fase intercomarcal da competición de campo a través

O pasado sábado, 17 de xaneiro de 2023, o alumnado clasificado acudiu ao Parque Deportivo de Acea de Ama para participar na fase intercomarcal da competición de campo a través do programa Xogade, organizado pola Secretaría Xeral para o Deporte da Xunta de Galicia en colaboración coa Federación Galega de Atletismo.

Campo a través

O pasado venres, 16 de decembro de 2022, o departamento de Educación Física levou o alumnado de 1º, 2º e 3º de ESO ao Parque Deportivo de Acea de Ama para participar na competición de campo a través do programa Xogade, organizado pola Secretaría Xeral para o Deporte da Xunta de Galicia en colaboración coa Federación Galega de Atletismo.

Ao reunir alumnado de 1º e 3º de ESO, esta actividade tamén formou parte do Programa TEI (Titoría entre iguais), para establecer vínculos e fomentar a relación entre as parellas de estudantes.

Campionato multideportivo

O pasado martes, 20 de decembro de 2022, o departamento de Educación Física do IES David Buján organizou un campionato multideportivo. Ao longo de toda a mañá, o alumnado de 1º de bacharelato do noso centro competiu en diversas modalidades deportivas co alumnado do IES Afonso X o Sabio.

Magosto 2022: xogos populares

O 4 de novembro celebramos o noso magosto. Ademais de probar as castañas asadas e de entregar os premios de varios concursos, houbo xogos populares, organizados polo departamento de Educación Física coa colaboración do concello de Cambre e do CEIP Emilio González López.