Como en cursos anteriores, o departamento de Educación Física organizou unha viaxe para que o alumnado de 3º de ESO 2023/2024 pasase unha semana de xaneiro esquiando no Pireneo aragonés e coñecendo lugares de interese na zona, como a antiga estación ferroviaria de Canfranc, hoxe reconvertida en hotel.
O pasado mércores, 21 de xuño, último día das clases do curso 2022/2023, o departamento de Educación Física organizou outra vez unha mañá de xogos na praia de Bastiagueiro, onde estudantes de 1º de bacharelato monitorizaron actividades de alumnado de 1º, 2º e 3º de ESO.
O 18 de maio de 2023, o alumnado de 2º ESO realizou un bautismo de surf na praia de Barrañán. A pesar de que as condicións do mar no eran as mellores, a experiencia resultou moi satisfactoria. Pasouse unha mañá ao aire libre, nun entorno magnífico, disfrutando dunha actividade deportiva moi divertida.
O pasado sábado, 17 de xaneiro de 2023, o alumnado clasificado acudiu ao Parque Deportivo de Acea de Ama para participar na fase intercomarcal da competición de campo a través do programa Xogade, organizado pola Secretaría Xeral para o Deporte da Xunta de Galicia en colaboración coa Federación Galega de Atletismo.
O pasado venres, 16 de decembro de 2022, o departamento de Educación Física levou o alumnado de 1º, 2º e 3º de ESO ao Parque Deportivo de Acea de Ama para participar na competición de campo a través do programa Xogade, organizado pola Secretaría Xeral para o Deporte da Xunta de Galicia en colaboración coa Federación Galega de Atletismo.
Ao reunir alumnado de 1º e 3º de ESO, esta actividade tamén formou parte do Programa TEI (Titoría entre iguais), para establecer vínculos e fomentar a relación entre as parellas de estudantes.
O pasado martes, 20 de decembro de 2022, o departamento de Educación Física do IES David Buján organizou un campionato multideportivo. Ao longo de toda a mañá, o alumnado de 1º de bacharelato do noso centro competiu en diversas modalidades deportivas co alumnado do IES Afonso X o Sabio.
O 4 de novembro celebramos o noso magosto. Ademais de probar as castañas asadas e de entregar os premios de varios concursos, houbo xogos populares, organizados polo departamento de Educación Física coa colaboración do concello de Cambre e do CEIP Emilio González López.