Información xeral

A equipa Café de Pota visita a Radio Galega

A equipa Café de Pota visitou a Radio Galega despois de gañar o concurso de Radio na Biblio con este episodio de Exóticas sobre Xela Arias.

Tendes o programa de radio detallando a visita aquí https://go.ivoox.com/rf/107581896 e as fotos no Genialy.

Volven as Lecturas Viaxeiras - edición de verán

Volve unha nova edición das...

 Lecturas Viaxeiras.

Antes dos períodos non lectivos máis longos: Semana Santa, verán... na mesa central da Biblioteca hai unhas bolsiñas por linguas e niveis para que fagades o empréstito e levedes convosco nas vosas vacacións. A dinámica é ben sinxela. Pasade pola sala de lectura da Biblioteca, e levade un libro compañeiro de viaxe!

 Nesta edición, lembrade que o último día para poder facer o empréstito é o 26 de maio, xa que logo a Biblioteca permanecerá aberta únicamente como consulta en sala.

Bulide e non vos quededes sen as vosas lecturas!

Concurso fotográfico "A primavera a foto altera" - Fotos gañadoras

 

Velaquí as fotos gañadoras do concurso fotográfico "A primavera a foto altera". Parabéns ás persoas agraciadas e moitas grazas a todos/as os/as participantes.

A primavera a foto altera

Durante semanas os participantes deste concurso fotográfico alterástesnos gratamente coas vosas imaxes primaverais. Aquí podedes ver en conxunto todas as 12 fotos presentadas por alumnado do curso 2022/23. O luns 8 de maio publicaremos os gañadores desta actividade organizada este Equipo de Dinamización da Lingua Galega.

 

 

 Para ler os textos en galego que acompañan a cada unha das imaxes premer en Ler máis aquí debaixo:

 

1. Mes das froles

Nasín cando as prantas nasen,

no mes das froles nasín,

nunha alborada mainiña,

Presentación do libro Firegarden/Jardín-de-fuego de Gail Langstroth

 Presentación do libro Firegarden/Jardín-de-fuego de Gail Langstroth

Tras varios intentos, pandemia por medio, onte por fin puidemos gozar da presencia de Gail Langstroth, poetisa trilingüe e euritmista, para presentar na EOI de Vilagarcía o seu libro firegarden/Jardín-de-fuego. 

A súa actuación mesturou o amor de Gail polas linguas, polo movemento e pola poesía, achegando a súa arte ao alumnado e profesorado da Escola, que quedou cautivado pola súa representación. 

Encontros agardados tras moitos anos de correos electrónicos, e tamén reencontros inesperados entre o público!, firma de libros e flores, puxeron tamén de si para que a xornada fora moi especial. 

Na Biblioteca da EOI de Vilagarcía quedaron cinco exemplares do libro de poesía bilingüe para o voso desfrute. 

 

 

E-LBE.2: Lectura dixital para as bibliotecas escolares - itinerario formativo

Coñecedes a plataforma de préstamo dixital E-LBE.2?

Sabedes que cada usuario/a da biblioteca ten ao seu dispor unha colección de máis de 3000 fondos (libros, audiolibros, podcast…) en formato dixital e dispoñibles nunha plataforma de préstamo?

Os centros educativos integrados no PLAMBE contan con este servizo, que complementa a colección física, e pode ampliar as posibilidades de lectura para o alumnado, profesorado e familias. Os fondos de E-LBE.2 están en constante actualización e inclúen unha importante selección de lecturas en galego, tamén en castelán, inglés, francés ou portugués. Recentemente puidemos incorporar unha selección de lectura fácil, e un amplo número de fondos con complementos audiovisuais (libros ilustrados, álbum, cómic, e libros con música).

Distribuir contido