Actividades

Día do Libro en Radio Maré - 23 de abril

Para conmemorar o Día Internacional do Libro, 23.04.2021 a Biblioteca organiza unha serie de entrevistas colaborativas para Radio Maré.

Contamos coa túa participación!!

As entrevistas terán lugar ao final da semana da conmemoración, dúas serán en diferido (Xose Luis Mosquera Camba e Xesús Fraga) e unha en streaming (Lola Rontano). Esa mesma semana farémosvos chegar a ligazón para participardes na emisión en vivo como entrevistadorxs que sodes! Para participar nos programas gravados pica nas ligazóns!
cartaz dia do libro

 

n/d

Exóticas

Galileo, Homero, Platón, Newton, Kapuściński, Kant, Cervantes, Fleming, Aristóteles, Lorca, Marx, Pulitzer, Tesla, Kant… e poderiamos seguir enumerando a homes que ateigan os libros de historia… 

Agora ben.. esta historia, sen mulleres, está incompleta.

E para enchela de científicas, pensadoras, mestras, artistas… de mulleres, en definitiva, desde este novo espazo animámosvos a redescubrir connosco, neste e en vindeiros episodios, algunhas das figuras femininas máis relevantes desa historia que as silenciou e as desterrou ás sombras.

Hoxe, comezamos nós.

EXÓTICAS

Episodio 1- Sofía Casanova

Gañadora do primeiro concurso do Tupper da Radio da Biblioteca

 

Xa temos a primeira persoa gañadora da serie de concursos do programa Tupper da Radio da Biblioteca, producido íntegramente polo alumnado.

Parabéns á gañadora! E ás persoas organizadoras!

E aos demais, aínda tendes tempo para enviar as vosas propostas para o concurso do segundo programa do Tupper:

Que nome lle daremos á nosa Radio da Biblioteca?

Para vos inspirar, mirade o novo apartado da web da Biblioteca, onde podedes ver o noso proxecto de mellora Plambe 'Linguas nas Ondas', facendo alusión ás ondas do mar de Arousa e ás ondas da difusión das linguas na radio. Un proxecto precioso que agardamos vos inspire na busca do nome.

Grazas a tod@s pola vosa impliación.

Día Mundial da Radio 13 de febreiro 3/3

 

Como colofón da nosa serie de entrevistas, hoxe, no Día Mundial da Radio, traemos a derradeira entrevista realizada por Arousa Si Radio Salnés no noso ciclo de entrevistas desta semna. Hoxe con Austin Moore. 

Austin é un californiano afincado en Vilagarcía desde fai máis dun lustro. Foi exalumno da escola e agora traballa como auxiliar de lingua inglesa na nosa escola, grazas ao Programa de Auxiliares de Conversa da Consellería. 

Que levou a Austin a vir a Vilagarcía? E a matricularse na Escola? Cambiaría a súa percepción do centro agora que é máis docente que alumno?

Escoitádeo e subscribídeos! go.ivoox.com/rf/65387108

 

Día Mundial da Radio 13 de febreiro 2/3

   

Seguimos na semana do Día Mundial da Radio, na que tres persoas da comunidade educativa nos contarán, grazas a Arousa Si Radio Salnés, a súa experiencia na Escola Oficial de Idiomas de Vilagarcía.

Hoxe traémosvos a segunda entrevista, con Mar Durán García, alumna de moitos anos na EOI e locutora colaboradora no programa da radio da biblioteca 'O Tupper'.

Mar é unha alumna que pasou por moitas das linguas que ensinamos na EOI e segue a día de hoxe matriculada.

Como credes que foi e está sendo a súa experiencia? Que a motiva a seguir participando na Escola despois de tantos anos?

Subscribídeos!

https://go.ivoox.com/rf/65295354

Día Mundial da Radio 13 de febreiro 1/3

    Nesta semana do Día Mundial da Radio, tres persoas da comunidade educativa nos contarán, grazas a Arousa Si Radio Salnés, a súa experiencia na Escola Oficial de Idiomas de Vilagarcía.

Hoxe a primeira entrevista foi con José Manuel Pérez, representante do alumnado no Consello escolar. Qué nos terá que contar?

Subscribídeos!

https://go.ivoox.com/rf/65174850

 

Servizos da biblioteca

A biblioteca da EOI de Vilagarcía de Arousa ofrece na actualidade os servizos de:

  • Empréstito a domicilio de libros de leitura, de texto, CD's e DVD's.
  • Empréstito en sala de libros e outros materiais audiovisuais ou de consulta.
  • Leitura en sala de prensa periódica en galego e nas linguas impartidas na EOI.
  • Computadores de uso libre con ligazón á internet.
  • Rede wifi aberta e gratuita.

A biblioteca está pensada para uso do alumnado da EOI, con carné de usuario/a, tamén poderán facer uso da biblioteca os membros da asociación de alumnos e ex-alumnos da EOI “Linguarousa”,  os usuarios da Biblioteca Municipal de Vilagarcía (sempre que posúan un documento identificativo adecuado) e os alumnos do programa That's English! da Escola.

O rexistro de libros dispoñibles na Biblioteca da EOI pódese consultar a través de internet na páxina web da Rede de Bibliotecas de Galicia.

Distribuir contido