Outros cursos

A EOI de Vilagarcía ten abertos os seguintes prazos de inscrición para realizar cursos de linguas dos Departamentos de alemán, galego, inglés e italiano.

A oferta educativa dos Departamentos de Alemán e Italiano inclúe para o segundo cuadrimestre os seguintes cursos de Destrezas de Práctica Comunicativa. Prema nesta ligazón para máis información.

A oferta educativa do Departamento de Inglés inclúe para o segundo cuadrimestre dous Cursos de Actualización Lingüística e Comunicativa dirixidos ao profesorado da Consellería de Educación. O prazo de inscrición estará aberto até o 13 de xaneiro e deberá realizarse a través do Sistema de Xestión de Formación do Profesorado (https://www.edu.xunta.gal/fprofe/).

Estes cursos están enfocados á práctica e mellora das destrezas comunicativas. Constan de dúas sesións semanais de dúas horas cada unha. Abranguen un total de 60 horas nun cuadrimestre. Ao rematar, expídese un certificado segundo o recollido na respectiva programación.

No curso 2022-2023, impartiranse os seguintes cursos:

• Alemán B2 (primeiro cuadrimestre) e C1 (segundo cuadrimestre)
• Inglés B2 (primeiro cuadrimestre) e C1 (primeiro cuadrimestre)
• Italiano C1 (primeiro e segundo cuadrimestre).

Para matricularse, as persoas candidatas deben acreditar ter superado o nivel de certificación inmediatamente anterior ou acreditar acceso directo (ver titulacións).

O prazo de matrícula para os cursos do segundo cuadrimestre abrangue do 19 de decembro ao 19 de xaneiro de 2023 ás 12:00, nesta aplicación en liña.

Deberán achegar a seguinte documentación:

• Copia do DNI por ambas caras.
• Xustificante de pago das taxas e/ou xustificación da exención. Comprobe a información sobre as taxas.
• Documentación de acceso ao nivel (so alumnado non matriculado nesta eoi, se xa consta)

Unha vez entregada a documentación, confirmarase a matrícula no curso.

A consellería competente en materia de educación publica cada ano a correspondente convocatoria para a celebración, con carácter gratuito, de cursos de linguaxe administrativa galega e cursos preparatorios para os certificados de lingua galega, CELGA.

• Os cursos de linguaxe administrativa galega realízanse en liña e teñen unha duración de 75 horas.
• Os cursos preparatorios para os certificados CELGA teñen unha duración de 60 horas lectivas.

As persoas que desexen participar nos cursos convocados nesta resolución deberán cubrir o formulario de inscrición telemática no enderezo www.eoidigital.com/preinslinguagalega, que estará activo nos seguintes prazos establecidos para a presentación das solicitudes:

• Cursos do 1º cuadrimestre: do 1 ao 10 de setembro de 2022
• Cursos do 2º cuadrimestre: do 3 ao 13 de xaneiro de 2022

Os prazos de presentación de solicitudes, o procedemento e demais detalles, inclúense na resolución da convocatoria que poden consultar aquí:

Resolución do 24 de xullo de 2022