A “Guía da Sala Castelao” do Museo de Pontevedra, elaborada polo alumnado de Galego da EOI de Pontevedra, acaba de ser actualizada con máis de 360 ligazóns de imaxes e fotografías que permiten ver as obras comentadas. Anímate a consultala! https://guiacastelao.home.blog/

Aproveita este tempo na casa para practicar a túa lingua de estudo. Nesta sección de AUTOAPRENDIZAXE podes atopar páxinas e recursos escolmados polos distintos departamentos. 

O Financial Times escolle Pontevedra como modelo de cidade con baixo nivel de polución. O alumnado da Escola foi entrevistado polo xornalista Peter Wise para explicar as vantaxes de vivir nunha cidade peonil. Escoita o podcast.

SUSPENDIDO ATA NOVO AVISO

O EDLG da EOI en colaboración coa Concellaría de Normalización Lingüística do Concello de Pontevedra organiza o XI Certame de Microrrelato en galego EOI de Pontevedra. Nesta edición vimos cargados de novidades: A escritora Ledicia Costas, a xornalista Susana Pedreira e o poeta e contador de historias Lois Pérez colaboran connosco propoñendo unha palabra que deberedes incluír nos vosos relatos. Consulta aquí toda a información sobre esta edición e participa o vindeiro 26 de marzo ás 19.30. Pon a proba as túas destrezas literarias!

SUSPENDIDA ATA NOVO AVISO

Apetéceche unha visita guiada pola Sala Castelao? Temos un xogo de preguntas preparado para ti. Bótalle unha ollada á presentación para ver se es quen de responder as preguntas. Anímate a participar!

O profesorado do Departamento de Italiano convídavos a participar nun obradoiro de máscaras para xente cativa o vindeiro martes 10 de marzo ás 17.15 no salón do libro de Pontevedra.

Non perdas a oportunidade de escoitar unha vez máis as historias de Simone Negrin o vindeiro 5 de marzo no salón de actos. Actividade organizada polo Departamento de Italiano.

Non perdas a vindeira charla que ofrece o departamento de inglés ao abeiro do noso proxecto de INTERCULTURALIDADE: venres 28 febreiro ás 10.30. Agardámoste!

Velaquí os resultados das impresións que compartimos cos representantes do alumnado nas xuntazas da pasada semana. Graciñas a todos e todas os que tendes participado. A vosa opinión conta!