CEP Plurilingüe Pedro Caselles Beltrán
O portal do Colexio Pedro Caselles Beltrán, antes Colexio do Mosteiro

Blogues

QUEBRARTE

Seguimos a traballar a arte dende a biblioteca!

Despois de Retrátate con gusto que tivo un gran éxito comezamos con Quebrarte. En qué consiste esta actividade? Partimos da obra El Puchero de legumbres de Giuseppe Arcimboldo.

Unha vez que os nenos coñeceron este cadro, fixeron a súa propia obra, decorándoa o seu gusto. Cando estivo rematada crearon un crebacabezas coa mesma. Por último, intercambiáronse os crebacabezas para intentar completalos.

 

 Ó igual que a anterior, esta actividade desenvolveuse durante os recreos.

 

VOLUNTARIOS NA BIBLIOTECA

Dende a biblioteca estamos levando a cabo un proxecto de voluntariado. Alumnos de 5º e 6º, distribuídos por grupos, encárganse das diferentes actividades que se desenvolven no Momento Lector.

Unha destas actividades son as Lecturas Compartidas que están a ter un gran éxito. Os nenos, supervisados por dúas mestras, prepararon ditas lecturas xunto con diferentes actividades.Todas elas do máis motivador e dinámico.  

Así, os alumnos de 1º puideron disfrutar do conto A que sabe a Lúa.

Os nenos de 2º escoitaron a lectura do libro Salvaje.

 

Os compañeiros de 3º disfrutaron do conto Blancanieves y los siete enanitos con representación incluída.

E por último, os alumnos de 4º deleitáronse co libro El viaje.

 Para ver todas as imaxes, prema aquí.

Como dicíamos anteriormente, estas actividades están a ter un grandísimo éxito, polo que se repetirán ó longo de Febreiro con outros grupos.

ACTO POLA PAZ 2020

O 30 de xaneiro conmemoramos o día da Paz, e cada ano no CEP Pedro Caselles facemos un acto pola paz. Este ano o mal tempo obrigounos a aprazar a actividade ao luns 3 de febreiro.

Nenas e nenos saíron ao patio armados con desexos de paz para conmemorar este día. O alumnado situouse facendo un gran semicírculo arredor dun burato feito no patio para plantar unha árbore.

Primeiro cada nena e neno depositou un desexo de paz nunhas caixiñas metálicas, que foron enterradas a carón da árbore que se plantou.

Logo membros do grupo ecolóxico procederon a plantar un carballo, unha emblemática árbore da que non temos ningún exemplar no noso recinto. Esta árbore foi plantada en homenaxe a Puri, unha profe do noso cole que nos deixou para sempre o ano pasado.

E como remate Nadim, Unay e Alfredo tocaron o himno da alegría coas súas frautas.

Dende o CEP Plurilingüe Pedro Caselles Beltrán queremos agradecer a Comunidade de Montes da Parroquia de Tomiño a súa colaboración neste acto, pois puxeron a nosa disposición persoal para preparar o terreo e fixeron a donación do carballo.

Para ver máis imaxes, preme na foto.

CUMPLEUNCAS

Este mes de Xaneiro celebramos o aniversario de varios compañeiros.

Moitos parabéns!

Aliméntate con Arte

Dende a Biblioteca estamos a traballar a arte durante os recreos. Unha das actividades que se están a levar a cabo é Retrátate con gusto. Todos aqueles nenos que o desexen poden transformar o seu retrato, empregando diferentes alimentos, en auténticas obras de arte como as seguintes.

 

Para ver todas as imaxes, prema aquí.

Aínda estades a tempo de apuntarvos e realizar o voso

Retrato con Gusto.

Animádevos!

 

FESTIVAL DE NADAL 2019

Xa rematou o noso primeiro trimestre de traballo, xa vai chegando o Nadal e as vacacións, ben merecidas, por certo, e como despedida de trimestre o noso Festival de Nadal.

Festival cheo de música, baile, teatro e humor. Nenas e nenos de tódolos cursos subiron ao escenario e deron o mellor de si mesmos.

Por certo, sorpresa antes do Festival, pois recibimos a visita de Papa Noel, foron as mamás da directiva da ANPA Mosteiro as que o deron convencido de que viñera ata o Caselles a saudarnos e a recoller persoalmente as nosas cartas. Moitas grazas ANPA Mosteiro, que sorte temos de tervos!

E para rematar, chocolate e rosca para todos e todas.

Se queres ver tódalas fotos do día, preme na imaxe.

 

COCIÑA CON CIENCIA

Debido ó gran éxito que tiveron os experimentos na biblioteca durante o pasado mes, en decembro  continuamos con esta actividade. Ademais de divertirnos, aprendemos multitude de propiedades que conteñen os alimentos.

Moitas grazas a todos os participantes!

Para ver todas as imaxes, prema aquí.

 

 

CUMPLEUNCAS

Este mes temos de aniversario a estos magníficos compañeiros e compañeiras.Moitos parabéns!

CARTA AOS REIS MAGOS

Hoxe as nenas e nenos do Caselles fixeron unha pequena andaina ata o Seixo para levarlle as súas cartas aos Reis Magos e a Papá Noel. Fomos ata a oficina de correos, e alí na caixa de correo fomos metendo as nosas cartas. Logo unha moza de correos deunos un agasallo e caramelos. Para rematar a mañá fomos ata a bóla de Nadal da praza do Seixo para sacarnos unha foto. Para ver máis fotos, preme na imaxe.

Distribuir contido