CEP Plurilingüe Pedro Caselles Beltrán
O portal do Colexio Pedro Caselles Beltrán, antes Colexio do Mosteiro

Actividades Complementarias

Distribución de froita e leite na escola

Distribución de froita e leite na escola.

Este curso iniciamos a campaña de distribución de leite e froita na escola a partir do luns, 23 de xaneiro.

Repartirase unha ración de froita e un vaso de leite cada día, segundo calendario adxunto.

Esta distribución farase nos recreos ou momentos previos ao recreo.

Terase en conta as intolerancias certificadas que constan no centro

Agradecemos a vosa colaboración animándoos a comer esa froita e vaso de leite (poderán traer algún complemento para o leite, se prefiren)

CALENDARIO DE DISTRIBUCIÓN 

NADAL 2022

Hoxe despedimos o primeiro trimestre por todo o alto.

A mañá comezou coa visita de Papá Noel que veo cargado de agasallos para as nosas aulas. Queremos dar as grazas a Emma e Cris, da ANPA que xestionaron co mesmísimo Papá Noel esta visita. Se queredes ver as fotos da visita, preme na imaxe.

E despois de dous anos de parón polo COVID, este ano retomamos o noso tradicional Festival de Nadal, ao que estiveron invitadas tódalas familias. Foi impresionante, todo o alumnado do Caselles participou, bailamos, cantamos, dramatizamos... e pasámolo xenial. Podedes ver as fotos premendo na imaxe.

 

7

MODELO PARA DECORACIÓN DO CENTRO

Estimadas familias, como xa é habitual pregamos a vosa colaboración para decorar o centro.

Este ano  queremos paquetes feitos forrando unha caixa con papel de "estraza" marrón ou branco.

Modelos para a decoración do COLEXIO. Para descargar en PDF clicar AQUÍ

Samaín 2022

Como xa é tradición no Caselles, hoxe celebramos o día dos mortos, o Samaín. Como cada ano as familias e os nenos e nenas colaboraron coas súas cabazas, houbo de tódalas cores e para tódolos gustos. Tampouco podían faltar os disfraces, daba medo velos!

Podedes ver as fotos premendo na imaxe.

FESTA DO OUTONO E MAGOSTO 2022

Por fin unhas festas do outono sen máscaras, sen separacións, sen medidas COVID... De novo todos xuntos, gozando, animando e co tempo da nosa parte. Un día perfecto!

Empezamos coas carreiras do outono, por cursos, carreiras no que o que importa é participar, e participaron todos.

Despois un gran recreo e a continuación os xogos populares. No patio formáronse equipos con nenos e nenas de diferentes cursos: oleiros, cesteiros, zoqueiros, ourives, curtidores, ferreiros, telleiros... que foron rotando polos recunchos de xogos populares: catro esquinas, mariola, carreira de sacos, buxainas, marro, zancos, brilé, ra, ferradura, chave e corda. Ao mesmo tempo outro grupo facía as fogueiras e asaba as castañas, que como remate de xornada, degustamos xuntos.

Tódalas actividades tiveron como monitores ao alumnado de sexto curso. As fotos tamén foron tiradas por elas. Se as queredes ver, premede na imaxe.

 

FESTIVAL FIN DE CURSO 2022

E por fin, despois de dous anos de parada e restricións, por fin temos o noso Festival de Fin de Curso con relativa normalidade. A piques estivo a chuvia de estragarnos a tan cobizada normalidade, pero ao fin deunos unha tregua  e as cousas saíron a pedir de boca.

Moita alegría, moito sorriso, moita música e moita festa. Se queredes ver tódalas fotos, premede na imaxe.

 

Vacacións de verán!

Estamos de vacacións!

Este verán hai que desconectar do cole, e aproveitalo moito disfrutando do calor, xuntándose cos amigos e amigas. E tamén participando en distintas actividade, ás que vos animamos.

Poñémosvos aquí  enlaces para apuntarvos a distintas actividades.    Bo verán!   Verémonos de novo o 8 de setembro.

 

 

 

 

O CASELLES NO CAMIÑO: TODOS A SANTIAGO!

Este venres día 20, o CEP Plurilingüe Pedro Caselles Beltrán ao completo, fixemos unha excursión a Santiago. Catro autobuses saíron do colexio rumbo a Santiago para facer un anaquiño do camiño de Santiago, o que vai do monte do Gozo a Catedral.

Camiñamos moito e pasámolo moi ben, estivemos na praza do obradoiro e entramos a catedral, aínda que non nos deixaron ver o pórtico da Gloria, e iso enfadou a algunhas das nosas profesoras, que querían explicarnos cousiñas alí. Despois fomos camiñando ata a Alameda para xantar, mercamos algúns recordos e xa voltamos a Tomiño. Chegamos agotados!

Para ver tódalas fotos da viaxe, preme na imaxe.

Emisión en directo 12 de maio de 2022

Emitimos en directo!   O xoves 12 de maio inauguramos  a nosa megafonía exterior, e aproveitando a semana cultural falamos do  Camiño de Santiago a toda a comunidade.

A emisión non foi moi ben. Tivemos problemas técnicos diversos, e o resultado final está aqui reflexado. Pero están colgados todos os podcasts dos difentes grupos ,e podedes escoitar con calidade. 

Prometemos mellorar técnicamente na próxima edición, que será pronto!

 

 

IV XORNADAS DE EDUCACIÓN VIAL

Marabilloso retorno a normalidade coas nosas xornadas de Educación Vial. No ano 2020 foi a última actividade que fixemos antes de ser confinados. No ano 2021, por precaución e protocolo, non se organizou, pero neste curso a ANPA Mosteiro volveu a organizar esta fantástica actividade en colaboración coa Dirección Xeral de Tráfico, Policía Local de Tomiño, Protección Civil e Garda Civil.

Cada curso recibiu unha charla de Educación Vial, e despois puxeron en práctica o aprendido no circuíto montado no patio. O luns 1º e 2º curso, o martes 3º e 4º curso, o mércores 5º e o xoves 6º.

Estas xornadas, ademais de para fomentar a educación vial, tamén fomentan o uso da bicicleta. Cada nena e neno trae nese día a súa bici ao colexio, creando un colorido e motivador ambiente no Caselles, con momentos de nervios e excitación.

Como cada ano, 5º e 6º curso, tiveron a opción de percorrer o circuíto montados en karts facilitados pola propia DGT, outra actividade para engadir emoción ao evento.

Ademais das charlas e o circuíto, nenos e nenas tiveron a ocasión de ver ben de preto os coches, camións e motos e equipamentos oficiais das forzas de seguridade.

Agradecer a ANPA Mosteiro a organización da actividade e a DGT, Policía Local, Protección Civil e Garda Civil a súa colaboración.

Podedes ver tódala fotos e buscar as vosas fillas e fillos premendo na imaxe.

Distribuir contido