CEP Plurilingüe Pedro Caselles Beltrán
O portal do Colexio Pedro Caselles Beltrán, antes Colexio do Mosteiro

Actividades Complementarias

O CASELLES VAI Á VENDIMA!!!

 As adegas Altos de Torona invitáronnos a compartir a súa vendima, e foi unha oportunidade que non quixemos desperdiciar. Nenas e nenos de 1º, 2º, 3º e 4º curso, aproveitando a proximidade dos viñedos ao noso colexio, fomos dando un paseíño. O alumnado 3º e 4º foron e volveron andando, 1º e 2º só baixou, custou subir a costa, pero despois gozamos das marabillosas vistas do seu  miradoiro. 

Recibíronnos unhas mozas moi atentas que lle regalaron unhas camisetas a cada neno e nena, que de seguido estrearon. Despois explicáronnos cousas moi importantes e moi interesantes sobre as uvas e a vendima. E xa como remate, todos a vendimar!!!

Foi unha experiencia moi educativa e enriquecedora, e dende o CEP Plurilingüe Pedro Caselles Beltrán queremos agradecer as adegas Altos de Torona a invitación e o trato recibido. Esperamos repetir o ano que ven. Moitas grazas!

Para ver as fotos, preme AQUÍ.

 

FESTA FIN DE CURSO

Xa chegou o remate do curso!

Foi un curso especial e diferente por mor da COVID-19!

Pero a pesar de todo isto, saímos adiante e superamos as adversidades e o alumnado do CEP PEDRO CASELLES BELTRÁN esforzáronse e superánronse con todas as novidades que dita situación conlevou: uso de tapabocas e xel, respectar as distancias, os grupos-burbullas....

Uns auténticos campeóns!

Coa situación da COVID cunha certa estabilidade celebrouse o tradicional festival de despedida do curso. A continuación deixamos fotos e videos coas diferentes e variadas actuacións na que participaron todos os cursos do colexio pero os grans protagonistas foron os alumnos e alumnas de 6º de primaria que nos deixan unha pegada polo seu paso no noso centro.

Moita sorte na vosa andaina polo instituto!

Para ver as fotos do festival preme na imaxe

 

 

 

 

FESTIVAL LETRAS GALEGAS 2021 - PECHE SEMANA CULTURAL

Coas condicións meteorolóxicas favorables rematamos a semana cultural coa celebración do Festival das Letras galegas.

Os protagonistas e o peso leváronno os nenos e nenas de 1º e 2º de primaria pero houbo distintas participacións doutros cursos, dando como resultado a unha variedade de actuacións. Dende unha dramatización relacionada coa temática do cole (E-COMEDOR), presentación e recitado adicado á escritora homenaxeada polas Letras Galegas: Xela Arias e, por último, homenaxe a nosa cultura e a nosa contorno.

Ademais  entregouselles un diploma aos voluntarios e voluntarias de 5º e 6º de Primaria como recompensa ao seu traballo e esfrozo adicado ao roteiro do día do Libro.

Aquí tedes os videos destas fermosas actuacións que, a pesar dalgúns problemas técnicos de son, os nenos e nenas realizaron espléndidamente.

 

 

VACÍNATE PARA A PAZ: DÍA DA PAZ 2021

As nenas e nenos do Caselles estiveron buscando unha vacina para achegarnos cada vez máis a paz no mundo.

Contra as guerras, a paz, o diálogo, o amor, o respecto, a paciencia, a contención, a amizade, a axuda ou o amor funcionan como a unha vacina de grande eficacia, e iso ben o sabe o alumnado do CEP Pedro Caselles.

Se queres ver máis fotos, preme na imaxe.

COMEZAMOS OS OBRADOIROS

O venres 5 de febreiro comezamos os obradoiros nos que os nenos/as aprenden de xeito máis dinámico e divertido:

As dúas últimas horas, facemos desdobles mantendo os "grupos burbulla" nos que facemos catro obradoiros:

"Radio Uncas": a lingua inglesa a través do xogo, elaboración de programas de radio, xogos lingüisticos...

"Enxeñeiros/as": a ciencia e as matemáticas divertidas: robótica, scratch, microscopios, xogos científicos, experimentos...

"A horta": plantación sementes, bulbos, actividades no invernadero, seres vivos... etc...

"O noso Patio": iniciar a transformación do noso patio, a partir das inquedanzas dos nenos/as, canalizadas a través da Xunta dos nenos/as e das titorías, empezando coas maquetas do patio que eles queren.

Estes obradoiros, manteranse ata maio!!!

 

ENTROIDO 2021

A pesar de ser un ano complicado, as nenas e nenos de Caselles tiveron o seu Entroido. Comezaron cun chocolate con churros, xentileza da cociña. Despois cada curso situouse nas súas casiñas de entrada, e polo patio do colexio fixemos un divertido desfile. Curso a curso e mantendo as distancias, por suposto, botando moito de menos a compañía das familias.

Para ver as fotos, premede na imaxe.

CROSS DE OUTONO E MAGOSTO 2020

Este venres celebramos o noso magosto, co xa tradicional cross de outono. Non puidemos ter a festa coma tódolos anos, coas nosas fogueiras e xogos populares, pero aínda asítivemos o cross e comemos castañas.

As carreiras foron por cursos, con máscaras e sempre mantendo as distancias. Tampouco puidemos xuntarnos cos compañeiros e compañeiras doutros cursos, pero dende a distancia estivemos animando.

Despois no recreo comemos as castañas, que nesta ocasión, as asou Diego, o noso cociñeiro no forno.

Para ver tódalas fotos, preme na imaxe

SAMAÍN/HALLOWEEN 2020

Este vai ser un Samaín inusual, a COVID-19 é a culpable. Renunciamos a xa tradicional exposición de cabazas, pero non ao terrorífico mural feito por nenas e nenos de tódolos cursos, este ano cheo de caveiras de tódalas cores e formas.

Pasaremos a sacar a tradicional foto por grupos diante do cadavérico mural e logo veremos o vídeo feito con tódalas historias de medo coas que colaboraron as familias.

 

Axudas para usuarios de comedor escolar

O día 30 de marzo publicouse no DOG unha liña de axudas económicas para axudar nos gastos de alimentación ao noso alumnado como consecuencia da perda deste servicio de comedor polo peche dos colexios.

A axuda consiste en aboar ás familias un importe de 2,5 euros por día lectivo no caso do alumnado con gratuidade total, e de 1,5 euros para o alumnado que aboa 1 euro.

Este abono corresponde aos días efectivos sen servicio de comedor, nesta primeira etapa ata as vacacións de Semana Santa. Corresponden por tanto 13 días lectivos (o 20 de marzo foi declarado como festivo opcional no noso centro).

No caso de prorrogarse a cuarentena, a Consellería libraría unha nova partida para o período sucesivo.

Como hai que facer para solicitalo:

Opción 1:  podedes solicitalo con certificado electrónico na SEDE.XUNTA.GAL,  conforme ás instrucción que figuran na orde de convocatoria (documento adxunto).

Opción 2:  Se non tedes medios para realizar esta solicitude electrónica, a Consellería habilita excepcionalmente, e dadas as circunstancias, a posibilidade de colaboración por parte do colexio,  facilitándonos a información necesaria para que poidamos tramitar esa axuda.

Esta opción non contempla a visita ao colexio! Evitamos todo contacto físico!

Información que precisamos:

  • Nome e apelidos dos titores legais dos alumnos/as.
  • DNI dos titores legais
  • Nome e apelidos dos alumnos beneficiarios
  • Nº de conta bancaria (IBAN) onde queredes recibir o ingreso da axuda.

Como facernos chegar esa información:

E preciso que sexa clara e sen erros, por iso vos aconsellamos que nola enviedes por correo electrónico ao colexio (cep.pedro.caselles@edu.xunta.gal) como imaxes (fotos dos carnets de identidade, foto do número de conta bancaria).

De non ser posible, comunicándolle esa información aos vosos titores polos medios que utilizades habitualmente estes días.

E como última posibilidade, contestando por esta mensaxería abalarmóbil ou cunha chamada telefónica aos números do colexio  886110737 - 886110738

Prazo:

O último día para realizar esta solicitude é o 6 de abril, polo que teredes que ser rápidos na xestión desta solicitude (se solicitades a través do colexio, teredes que darnos tempo para poder tramitar a solicitude)

Como enviar imaxes por correo electrónico:

Por se vos serve de axuda, deixamos un video con indicacións para mandar un correo electrónico con imaxes:

Distribuir contido