Música

VISTA E OÍDO CON DON LU MUSICAL

Ola a tod@s. Xa estamos na última semana de maio!

Encántanme os instrumentos que fixestes: Sodes uns artistasGuiño. Moitísimas grazas por seguir colaborando e participando nas actividades musicais.

Xa sabedes que, voluntariamente,  podedes enviarme imaxes ou pequenos videos ao correo musicacaselles@gmail.com Non esquezades decir se autorizades ou non a súa publicación por se nalgún momento se pode facer unha montaxe con eles.

 

Para esta semana propóñovos agudizar a vista e o oído con propostas de DON LU MUSICAL ( xa sabedes que podedes escoller, según a dificultade e facer a que máis vos apeteza)

 

Déixovos en 1º lugar un musicograma RITMO BURGUER onde aparecen imaxes en vez de figuras musicais . Só tedes que seguir as instruccións para ler  as palabras rítmicamente.

Atentos que comezamos!

 

Espero que non vos dera fame a actividade anterior!

Agora imos co oído: Nesta actividade teredes que diferenciar polo seu timbre animais, obxectos, voces e instrumentos. Podedes ir anotando ou debuxando nun folio as respostas.

 

 

Vista e oído preparados porque agora ben un ditado musical: teredes que escoitar as notas sol e mi e ir anotando en cada exercicio que tarxeta soa. Comezará, primeiro con dous sons, logo tres e por último catro.

E para rematar ides utilizar un bolígrafo e as mans para facer este acompañamento que vos propón Don Lu . Está moi ben explicado. Seguro que alguén é capaz de facelo! ( a partir de 3º ou 4º)

 

TOCANDO CO MEU INSTRUMENTO

 

Ola a tod@s. Espero que estedes levando ben a semana.

Volvo propoñervos (aos que non o fixeron) que fagades un instrumento musical con materiais que teñades pola casa e que toquedes con el.

Podedes mandarme unha foto ou un pequeno video tocando co instrumento.

IMPORTANTE:

  • Se enviades video, o formato que sexa, preferiblemente en horizontal.
  • Se non queredes que se utilicen as vosas imaxes ou videos para publicar facédemo saber no propio correo.

Para tocar co voso instrumento déixovos estes videos.

Escollede un deles, practicades os ritmos coa voz ( ta titi...), despois con palmas e por úlimo facédelo co instrumento.

 

Espero que vos guste esta actividade!

 

 

LETRAS GALEGAS 2020

Ola a tod@s. Comeza unha nova semana!

Xa vistes os videos de MÚSICA NA CASA 1 e 2 con actividades musicais? Encántame vervos! Que ben o facedes!

Lembrade que ainda estades a tempo de enviar máis videos bailando a muiñeira.

Como sabedes, onte foi o día das Letras Galegas . Déixovos un video que atopei onde unhas nenas fixeron un preguntorio musical sobre Ricardo Carballo Calero. Espero que vos guste!

 

VIDEOS MÚSICA NA CASA

Ola a tod@s.

Estades practicando a muiñeira, non?

Xa me están chegando videos ao correo musicacaselles @gmail.com

Encántame vervos bailar! Guiño

Hoxe déixovos a 2ª entrega de videos de "Música na casa":

MÚSICA NA CASA 2

Poderedes ver a :

Sara e Iván: coreografía con zapatos

Paula e a súa nai: xogo de palmas "Chocolate"

Leila e Nerea: canción "Os fabóns máxicos"

Lía e Catuxa: canción " Fun ao mercado"

Pedro Pereira e a súa nai: Xogo rítmico coas mans

Leo e Brais: polca con culleres

Vera e Sira: polca con palmas

VIDEOS MÚSICA NA CASA

Ola a tod@s. Como van eses puntos de MUIÑEIRA? ...Espero que estedes practicando!

Hoxe déixovos un enlace para ver algúns dos videos  que me enviastes facendo  música na casa.  Moitas grazas por colaborar,  sodes fantástic@s Guiño.

 

MÚSICA NA CASA 1

 

Alejandro (3ºA ): Papeis de cores.

Pablo ( 1ºB ): Recitado con percusión e vaso.

Carla ( 6ºA ): Coreografía con zapatos.

Xoel (2ºB): "Fun ao mercado".

Leire ( 4ºB ): Polca con culleres.

Xoel (5ºB ): Marcha Radezky, con percusión corporal.

 

 

 

 

MUIÑEIRA EN FAMILIA

Ola a tod@s. Comeza unha nova semana!

Coma sempre, o primeiro que teño que facer e agradecer a vosa colaboración e participación nas actividades que vos propoño. Durante esta semana irei poñendo enlaces para que poidades ver algúns dos  videos que me enviastes.

PROPOSTA MUSICAL PARA ESTA SEMANA

O próximo domingo é un día moi sinalado, 17 de maio, o día das Letras Galegas! Por iso vos propoño un novo reto : muiñeira en familia.

Xa sabedes que a muiñeira é a danza máis representativa do baile tradicional galego. Encantaríame que aprenderades algúns pasos de muiñeira . Déixovos dous videos con dous profes de baile galego para que vos axuden: Un de Luis Prego e outro de Artur Pastoriza Puga.

Neste video, Luis Prego vos ensinará 4 pasos ou puntos e dous paseos para bailar unha muiñeira.

Neste enlace Muiñeira para os máis pequenos accederedes a un video onde de Artur Pastoriza Puga vos vai ensinar varios pasos de muiñeira  e distintas combinacións. As  propostas van de menor a maior dificultade.

  Animádevos, é moi divertido!

Tedes esta semana para practicar. Despois, se queredes,  mandádesme un video  curto cos vosos pasos de muiñeira en familia. O prazo para enviar os videos será o proximo luns 18. (Se tedes algún problema para envialos podedes facelo  por we transfer).

Déixovos dúas muiñeiras para que practiquedes os puntos. (Cando hai letra, os puntos báilanse na copla).

E agora .... unha canción dos Carunchos  sobre a nosa lingua " Podes falar en galego"  para que cantedes. Ten ritmo de rumba e tamén podedes animarvos a bailala! 

Premede para ver a letra

letra da canción

RITMO NA MESA!

Ola a tod@s!  Que tal vos foi na fin de semana?

Quero agradecervos a vosa colaboración e participación nas actividades musicais que facedes na casa. Sodes xeniais!

           Preparad@s para facer música na casa?

Esta semana propóñovos dúas actividades de ritmo(escollede unha). Ademais do corpo, necesitaredes  un garfo e unha culler ( mellor de madeira) que se poden facer soar golpeando na mesa, nunha caixa de cartón, nun vaso de plástico....

A 1ª actividade é para acompañar  unha polka.

Primeiro, tal e como aparece no video:  palmas, palmas no peito ou palmas na mesa. Fácil, non?  Agora  xa podedes coller o garfo e a culler para acompañar : Cando aparece a cor azul golpeamos coa culler, a  cor vermella co garfo e a cor amarela golpeamos o garfo contra a culler.

 

 

A 2º actividade é para acompañar un tema tradicional de Luar na Lubre, titulado "Ronsel".

Para que saia ben ides seguir uns pasos , xa que a melodía é rápida:

  • Primeiro hai que escoitar a peza para ir collendo o pulso e despois tocar con palmas onde aparecen o garfo e a culler e " shh" nos silencios.
  • Despois practicar só a parte do garfo, logo a da culler ....  ata que saia ben e xa poidades tocala enteira.
  • Como xa vos sae perfecto, agora podedes crear vos! ( outros lugares nos que percutir, escoller outros obxectos..)

 

A CANTAR !!!!

Ola a tod@s! Xa estamos nunha nova semana!

Antes de nada, quero agradecervos moitísimo (nais, pais e alumn@s) a vosa colaboración e participación nas actividades que vos propoño. Non vos agobiedes. Estades facéndoo moi ben!

Que tal vos sae o acompañamento da "Marcha Radezy"? Tranquil@s! ainda estades a tempo de facelo.

Agora toca cantaaaaar!

Unha das actividades que vos propoño nesta semana vai ser  aprender algunha canción. Escollín tres que están relacionadas co proxecto que se estaba a traballar no cole. E... que podedes facer, ademais de cantala?: facer un debuxo, acompañala con xestos, inventar unha coreografía... ou o que se vos ocorra. Non deixedes de mandarme fotos e videos ao correo musicacaselles@gmail.com. . Elixide a que máis vos guste!

. A 1ª é moi faciliña: "Fun ao mercado" (Maria Fumaça)

Esta tamén é de Maria Fumaça : "A horta de Balbina"

E esta última, "Xanciño e os fabóns máxicos" está basada nun conto que seguro todo@s coñecedes. Aos de 3º deberíalle soar!

 

 

MARCHA RADEZKY

Ola a tod@s! Como vos foi esta semana?. Moitas grazas a tod@s os que aceptastes o reto de crear a vosa "coreografía con zapatos". Sigo esperando máis videos!

Para o alumnado de 5º e 6º :

  • O xoves (5º) e o venres (6º) tedes actividades de música en edixgal.
  • Tamén  podedes facer as actividades que colgo neste blog .

 

Hoxe déixovos dous videos para que poidades acompañar a " Marcha Radezky" de Johann Strauss (pai). Xa sabedes, podedes mandarme os videos ao correo musicacaselles@gmail.com

Aquí tedes que acompañar con palmas seguindo o musicograma (Ao comezo do video xa vos explican o que  tedes que facer).

 

 

Agora ides acompañar a "Marcha Radezky" utilizando outros elementos de percusión corporal (pitos, palmas nos xeonllos, palmas peito, pes,...) Podedes facer só o que fai o neno ou intentar facer o que fai a rapaza. Veña, animádevos a facelo!

 

COREOGRAFIA CON ZAPATOS

Ola  tod@s! Comezamos unha nova semana. Xa queda menos!

Déixovos un video dunha profe de música ( Mº José Sánchez Parra) para que practiquedes unha  coreografía utilizando zapatos ou deportivas.

E agora propóñovos un RETO: A ver quen é capaz de inventar unha  coreografía con zapatos (ou co calzado que vos queirades) con esta música!!! Seguro que se vos ocorren un montón de ideas orixinais. Xa sabedes, espero os vosos videos no correo musicacaselles@gmail.com

Distribuir contido