6º Primaria

Tarefas en casa

Nestes días o traballo para o alumnado de 6º está na plataforma EDIXGAL.

 

Móllate polo río!

 

O 27 de setembro adiantámonos á iniciativa global de Galicia, e No Caselles realizamos a nosa tarefa de recoller todo o lixo que poidera haber na marxe do río Pego, dende a ponte do cruce para Vilachán ata 500 metros río arriba.

Non quedou máis que natureza, logo do noso paso.

Pero, sabedes que?     Case non había nada que recoller!!

Este treito do río está moi limpo, grazas ao esforzo continuado dos nosos voluntarios que todos os anos revisan, controlan e coidan.

Lixo recollido (plásticos e papeis):  8 Kg.

Mollámonos polo río!!

CHARLA SOBRE PORTUGAL

Ivonne, a nai de Luna e Kevin, visitou hoxe as nenas e nenos de sexto curso para falarlles do seu pais, Portugal.

Primeiro faloulles de monumentos, comidas, postres e curiosidades sobre Portugal, e despois respondeu a tódalas preguntas que o alumnado lle fixo sobre o país veciño.

Para ver máis fotos, premer na imaxe.

CHARLA SOBRE RCP (REANIMACIÓN CARDIOPULMONAR)

Como xa é habitual cada ano, nenas e nenos de 6º curso recibiron unha charla, con práctica incluída, sobre RCP (Reanimación Cardiopulmonar).

Esta actividade estivo organizada pola Escola Corazón, asociación sen ánimo de lucro, formada por persoal sanitario cualificado, que percorre os colexios de forma desinteresada, formando ao alumnado na técnica de RCP.

Primeiro nenas e nenos recibiron unha charla acompañada dunha proxección, e despois xa pasaron a facer prácticas en manequíns médicos para RCP.

Un tema interesante e diferente, grazas Escola Corazón!

Para ver máis fotos premede na imaxe.

 

PROXECTO TRANSFRONTEIRIZO CERVEIRA TOMIÑO

Este mércores nenas e nenos de sexto curso do Caselles acudiron a Vilanova de Cerveira, concretamente á Escola Superior Gallaecia, para participar nunha actividade de artes plásticas.

A actividade fíxose conxuntamente con nenas e nenos de Cerveira e do CEIP de Barrantes, e forma parte da proposta gañadora deste ano do Proxecto Transfronteirizo Cerveira-Tomiño, concretamente, "Actividades artísticas e ambientais para a poboación infantil de Vila Nova de Cerveira e Tomiño" presentada polas ANPAS tomiñesas e cerveirenses.

Foron dúas as actividades que se fixeron a longo da mañá na escola Superior Gallaecia: debuxo de poliedro con sombras e elaboración de cadros con materiais de reciclaxe.

Estas actividades buscan promover unha maior aproximación entre os nenos e nenas dos dous concellos veciños que conforman a eurocidade Cerveira-Tomiño.

Para ver máis imaxes preme na foto.

 

CHARLA DA GARDA CIVIL SOBRE ACOSO ESCOLAR E OS PERIGOS DE INTERNET

Hoxe os nenos e nenas de 5º e 6º de primaria participaron nunha actividade moi especial.Esta actividade está dentro do Plan Director para a convivencia e a mellora da seguridade nos centros educativos, impulsado desde a Delegación do Goberno en Galicia e a Alta Inspección de Educación.

O alumnado de 5º curso recibiu unha charla formativa sobre os perigos de internet a cargo do sarxento da garda civil Manuel Martínez, nenas e nenos participaron activamente e recibiron as pautas para evitar os problemas ligados a rede que tanto abondan entre os adolescentes.

Pola súa parte sexto curso, tamén co mesmo ponente da garda civil, estiveron formándose sobre o acoso escolar.

Interesantísima actividade da que se fixo eco a televisión galega, se queres ver o video preme AQUÍ.

CURSO DE PRIMEIROS AUXILIOS

Hoxe nenas e nenos de 6º curso recibiron un curso de primeiros auxilios da man das doutoras Laura Silva, Montse Rodríguez e Elisa Asuín do PAC de Porriño e Paula Fernández de Tui.

Comezaron cunha explicación xeral para todos e despois pasouse a parte práctica, na que se separou ao alumnado en pequenos grupos. Valéndose de monecos especiais estiveron practicando reanimación cardio-pulmonar e a maniobra de Heimlich.

Finalmente cada asistente recibiu un pequeno diploma como o  modelo.

Desde o CEP Pedro Caselles queremos agradecer a estas doutoras o seu esforzo e traballo desinteresado .

Para ver imaxes e videos da xornada premer AQUÍ

 

PLENO INFANTIL POLOS DEREITOS DO NENO

Cinco nenos de 6ºB do CEP Pedro Caselles acompañados da súa titora, participaron este venres no Pleno Infantil organizado polo concello de Tomiño con fin de conmemorar o Día Internacional da Infancia  e o aniversario da Convención sobre os Dereitos  do Neno.
Todos os colexios e o instituto de Tomiño enviaron a súa representación a este acto. Ao Pedro Caselles tocoulle a defensa do dereito á participación. Todo o alumnado de 6º B se implicou na investigación e realización do traballo que se levou a pleno, aínda que so se permitiu acudir a unha pequena representación do curso.
 FOTOS

 

PROXECTO RÍOS: ESTUDO DA CALIDADE DA AUGA

Hoxe nova saída de nenas e nenos de 6ºB ao río Pego. Esta saída forma parte do Proxecto Ríos, e xa é a segunda deste curso.

Se a primeira se adicou a limpeza do "noso"tramo do río Pego desta vez o noso alumnado fixo unha inspección da zona. Contaron para este traballo coa axuda e guía de Paco Bañobre de ADEGA que lles ensinou a nenos e nenas, entre outras moitas cousas, como analizar  a calidade das augas do río Pego, e polos macroinvertebrados atopados saíu unha calidade de 9 sobre 10, non está mal!

Tamén pescudaron e atoparon que a temperatura da auga era de 15º, que os niveis de osíxeno e nitróxeno eran os correctos e que abundaban moitas especies de invertebrados por este outono tan quente que estamos tendo.

Xornada de proveito, e unha forma diferente e activa de aprender cousas!

Para ver tódalas fotos preme na imaxe

PROXECTO RÍOS: IX LIMPEZA SIMULTÁNEA

O venres 30 de setembro nenas e nenos de 6ºB, acompañados de Susana e Alfonso, realizaron unha andaina polas beiras do Pego para facer unha limpeza do río. Esta actividade forma parte da participación do noso centro no Proxecto Ríos, concretamente na IX Limpeza Simultánea. Esta actividade serve para concienciar a nenos e maiores da importancia do coidado do medio ambiente e sobre todo da auga doce A limpeza rematou cunha recollida de 65 kg de lixo.

Para ver máis fotos fai click enriba das imaxes.