You are hereBlogues / blogue derosa_outeiro

blogue derosa_outeiro


PROXECTO TRANSFRONTEIRIZO CERVEIRA TOMIÑO

Este mércores nenas e nenos de sexto curso do Caselles acudiron a Vilanova de Cerveira, concretamente á Escola Superior Gallaecia, para participar nunha actividade de artes plásticas.

A actividade fíxose conxuntamente con nenas e nenos de Cerveira e do CEIP de Barrantes, e forma parte da proposta gañadora deste ano do Proxecto Transfronteirizo Cerveira-Tomiño, concretamente, "Actividades artísticas e ambientais para a poboación infantil de Vila Nova de Cerveira e Tomiño" presentada polas ANPAS tomiñesas e cerveirenses.

Foron dúas as actividades que se fixeron a longo da mañá na escola Superior Gallaecia: debuxo de poliedro con sombras e elaboración de cadros con materiais de reciclaxe.

Estas actividades buscan promover unha maior aproximación entre os nenos e nenas dos dous concellos veciños que conforman a eurocidade Cerveira-Tomiño.

Para ver máis imaxes preme na foto.

 

UN PLANETARIO NO XIMNASIO!

Ao longo desta semana as nenas e nenos do CEP Pedro Caselles  participan nunha actividade moi especial.

Por iniciativa e xestión da nosa ANPA, temos instalado no ximnasio un pequeno planetario aportado pola Fundación La Caixa(Educaixa). Nenas e nenos aprenden sobre nocións básicas de astronomía dunha forma activa e intuitiva. O planetario conta con varias proxeccións adaptadas aos diferentes niveis do  alumnado.

Tamén o  CRA Mestre Manuel Garcés visitará o venres o centro para disfrutar desta actividade.

 

 

 

SAÍDA O MONTE TREGA

Hoxe as nenas e os nenos do 1ºCiclo foron coñecer un pouco mellor o poboado castrexo e o museo do Trega. Tiveron unha guía que lles explicou moitas cousas dos antigos poboadores do castro do Trega, na Guarda. Estiveron todos moi atentos e aprenderon moito de arqueoloxía.

Para rematar a xornada fomos merendar e xogar un poquiño ao parque de Pías.

Para ver as fotos da xornada preme na imaxe.

 

SAÍDA O MONTE TREGA

Hoxe as nenas e os nenos do 1ºCiclo foron coñecer un pouco mellor o poboado castrexo e o museo do Trega. Tiveron unha guía que lles explicou moitas cousas dos antigos poboadores do castro do Trega, na Guarda. Estiveron todos moi atentos e aprenderon moito de arqueoloxía.

Para rematar a xornada fomos merendar e xogar un poquiño ao parque de Pías.

Para ver as fotos da xornada preme na imaxe.

 

ENTROIDO 2019

Como tódolos anos o CEP Pedro Caselles celebrou o seu Entroido, e coma sempre xirando arredor do tema do  proxecto deste ano, países do mundo. Foi un entroido internacional, personaxes de manga xaponés, traxes típicos de Marrocos, brasileiros bailando samba, de Italia máscaras venecianas e traxes típicos de Indonesia, Nova Zelandia e Portugal.

Este ano acompañáronnos as nenas e nenos do CRA Manuel Garcés, disfrazados de fauna mariña.

Fixemos o noso gran desfile ata a praza do Seixo, acompañados no traxecto por numeroso público. Hai que dicir que os máis pequeniños aguantaron o percorrido coma campións.

Para pechar un día tan especial, á chegada ao centro nenos e nenas degustaron os doces cos que colaboraron as familias  para o Certame Gastronómico de Entroido.

Para ver as fotos premede AQUÍ.

II XORNADAS DE EDUCACIÓN VIAL

Esta semana celebramos as II Xornadas de Educación Vial, organizadas pola ANPA Mosteiro en colaboración co centro.

Todos os cursos participaron activamente nas xornadas. Cada curso recibiu a unha charla educativa sobre Educación Vial, despois participaron nun circuíto montado no patio, fixeron o papel de peóns e de vehículos, e aprenderon a respectar as normas. Os maiores, 5º e 6º, fixeron o circuíto cos karts facilitados pola DGT, os demais trouxeron as súas bicicletas da casa.

Garda Civil, DGT, policía municipal e protección civil foron os encargados de levar a cabo as xornadas,tanto as charlas nas aulas, como a supervisión do percorrido do alumnado polo circuíto; tamén lle amosaron as nosas nenas e nenos os seus vehículos: motos, coches patrulla, camións de bombeiros... fixeron as delicias dos nosos pequenos.

O CEP Pedro Caselles quere agradecer a ANPA Mosteiro, Garda Civil, DGT, policía municipal e protección civil o traballo que de forma desinteresada levaron a cabo esta semana no noso centro.

Para ver tódalas fotos da xornada, premede na imaxe.

ACTO POLA PAZ

Hoxe 30 de xaneiro, como tódolos anos, o CEP Pedro Caselles celebrou o se Acto pola Paz.

Ao longo da semana nenas e nenos foron enchendo as letras da palabra paz con bandeiras dos países que traballamos este ano no proxecto de centro: Xapón, Nova Zelandia, Italia, Portugal, Brasil, Indonesia,Reino Unido e Marrocos, cada unha coa palabra paz no idioma correspondente.

Hoxe cada representante do nivel pegou a súa bandeiriña como acto simbólico, e logo todos xuntos cantamos a canción de Roberto Carlos "Eu quero ter un millón de amigos", porque se cada un facemos un millón de amigos, as guerras teríano un pouco máis difícil.

Para ver as fotos, preme na imaxe.

 

ACTO POLA PAZ

Hoxe 30 de xaneiro, como tódolos anos, o CEP Pedro Caselles celebrou o se Acto pola Paz.

Ao longo da semana nenas e nenos foron enchendo as letras da palabra paz con bandeiras dos países que traballamos este ano no proxecto de centro: Xapón, Nova Zelandia, Italia, Portugal, Brasil, Indonesia,Reino Unido e Marrocos, cada unha coa palabra paz no idioma correspondente.

Hoxe cada representante do nivel pegou a súa bandeiriña como acto simbólico, e logo todos xuntos cantamos a canción de Roberto Carlos "Eu quero ter un millón de amigos", porque se cada un facemos un millón de amigos, as guerras teríano un pouco máis difícil.

Para ver as fotos, preme na imaxe.

 

FESTIVAL DE NADAL 2018

Como ven sendo habitual dende fai xa anos, o ultimo día de clase antes das vacacións de Nadal o CEP Pedro Caselles celebra o súa festa de Nadal.

Comezamos o día coa visita de Papá Noel, foi a ANPA Mosteiro a que negociou e conseguiu unha visita tan importante para o noso colexio... ah, e trouxo un agasalliño para cada neno e nena.

Despois convertémonos en artistas por uns minutos e deleitamos aos nosos compañeiros e familias coas nosas actuacións no festival de Nadal. Durante este , ademais das actuacións, estivemos aprendendo cousas de diferentes lugares do mundo: Brasil, Nova Zelanda, Portugal, Xapón, Marrocos, Italia, Reino Unido e Indonesia.
E xa rematamos o día cunha chocolatada por xentileza da cociña do colexio.
Podedes ver máis fotos premendo AQUÍ








FACENDO PAN

Hoxe as nenas e nenos de 1º Curso estivemos facendo pan. Aprendemos que facer pan é moi doado. Conseguimos unha pouca fariña de centeo, moi sa e moi ecolóxica; iso si, mesturámola con unha pouca fariña de trigo, para que chegara para todos. Engadimos fermento auga e sal e amasamos, logo fixemos unha boliña e deixámola para que levedara.

Cando a masa xa crecera un montón pola acción dos formentos, fixemos uns churriños de pan, igualiños aos de plastilina.

Logo o cociñeiro deixounos usar un forno enorme que teñen, e de alí a un pouquiño tíñamos o noso pan. Estaba boísimo!!!!

Podedes ver as fotos de todo o noso traballo premendo na imaxe de abaixo.