You are hereBlogues / blogue derosa_outeiro

blogue derosa_outeiro


FESTIVAL FIN DE CURSO 2019

E xa chegamos ao remate deste curso 2018/2019. Xornada de alegría pola proximidade das vacacións e do descanso, pero tamén xornada triste porque nos deixa un grupo de nenas e nenos que leva connosco uns anos e aos que lles desexamos a mellor das sortes na súa nova etapa.

Coma sempre tivemos o nosos festival para dar a benvida ao verán e para despedir como se merecen aos nosos compañeiros e compañeiras. Música e baile de tódolos países do noso Uncastour, baile moderno, chistes, teatro e regueifas. Variedade e diversión.

En setembro novos comezos e novas ilusións.

Para ver tódalas fotos do día preme AQUÍ

 

CHARLA SOBRE PORTUGAL

Ivonne, a nai de Luna e Kevin, visitou hoxe as nenas e nenos de sexto curso para falarlles do seu pais, Portugal.

Primeiro faloulles de monumentos, comidas, postres e curiosidades sobre Portugal, e despois respondeu a tódalas preguntas que o alumnado lle fixo sobre o país veciño.

Para ver máis fotos, premer na imaxe.

CHARLA SOBRE BRASIL

E continuamos coas charlas do proxecto "Ucastour", hoxe o papá de Adam de 3ºB veo a visitarnos e contarnos cousas sobre o seu país, Brasil.
Falounos dos deportes máis practicados, como o fútbol praia, que tamén se está a xogar na Praia do Vao, das festas e instrumentos e comidas típicas!

Para rematar agasallounos cuns “bolinhos de queijo”, unha receita deliciosa!

Para ver máis fotos preme na imaxe.

QUEN VIVE AÍ?

No CEP Pedro Caselles seguimos as voltas coa compostaxe. Este ano anotámonos no programa "Revitaliza" da Deputación de Pontevedra. Levamos participado en moitas charlas e actividades, temos unha composteira e caldeiros de recollida de restos orgánicos...

Esta semana nenas e nenos desde terceiro a sexto participaron na actividade "Quen vive aí?", na que uns monitores nos ensinaron a buscar e observar a gran cantidade de invertebrados que viven no compost:  ácaros, colémbola, larvas de mosca- soldado negras, ovos de miñoca, candelas de frade,  insectos bola...unha actividade a mar de interesante na que se aproveitou para usar as lupas binoculares e microscopios que temos no centro.

Para ver máis fotos peme AQUÍ

ICHIKA FÁLANOS DO XAPÓN

Hoxe nenas e nenos de 1º recibiron unha clase maxistral sobre o Xapón, impartida por Ichika Matsukuma, unha nena do noso colexio de orixe xaponés.

Dentro do proxecto deste ano, paises e culturas, primeiro está traballando o Xapón, por iso botamos man de Ichika e dos seus coñecementos.

En primeiro lugar fixo unha comparativa entre o día normal dun neno xaponés e o seu propio día. Despois estívonos falando das comidas no xapón, e xa para rematar escribiunos unha palabra na pizarra co alfabeto xaponés, concretamente "saionara", para despedirse de nós.

Moitas grazas Ichika!!!

SAÍDA DIDÁCTICA A GOIÁN

Os máis pequenos do Caselles fixeron este martes unha saída didáctica a Goián.

Nenas e nenos de 1º e 2º curso foron ver unha obra de títeres ao auditorio de Goián. Os titiriteiros A Xanela do Maxín escenficaron a obra "A toupiña que quería saber quen lle fixera aquilo na cabeza". Pasárono moi ben coas cantigas e as aventuras da toupiña.

Ao remate da obra, gozaron do marabilloso entorno do espazo fortaleza, merendando a sombra dos seus carballos, xogando no parque e compartindo o espazo e xogos con nenas e nenos da Guarda.

Para ver máis fotos da xornada premede na imaxe.

SAÍDA DIDÁCTICA A GOIÁN

Os máis pequenos do Caselles fixeron este martes unha saída didáctica a Goián.

Nenas e nenos de 1º e 2º curso foron ver unha obra de títeres ao auditorio de Goián. Os titiriteiros A Xanela do Maxín escenficaron a obra "A toupiña que quería saber quen lle fixera aquilo na cabeza". Pasárono moi ben coas cantigas e as aventuras da toupiña.

Ao remate da obra, gozaron do marabilloso entorno do espazo fortaleza, merendando a sombra dos seus carballos, xogando no parque e compartindo o espazo e xogos con nenas e nenos da Guarda.

Para ver máis fotos da xornada premede na imaxe.

CHARLA SOBRE RCP (REANIMACIÓN CARDIOPULMONAR)

Como xa é habitual cada ano, nenas e nenos de 6º curso recibiron unha charla, con práctica incluída, sobre RCP (Reanimación Cardiopulmonar).

Esta actividade estivo organizada pola Escola Corazón, asociación sen ánimo de lucro, formada por persoal sanitario cualificado, que percorre os colexios de forma desinteresada, formando ao alumnado na técnica de RCP.

Primeiro nenas e nenos recibiron unha charla acompañada dunha proxección, e despois xa pasaron a facer prácticas en manequíns médicos para RCP.

Un tema interesante e diferente, grazas Escola Corazón!

Para ver máis fotos premede na imaxe.

 

PROXECTO TRANSFRONTEIRIZO CERVEIRA TOMIÑO

Este mércores nenas e nenos de sexto curso do Caselles acudiron a Vilanova de Cerveira, concretamente á Escola Superior Gallaecia, para participar nunha actividade de artes plásticas.

A actividade fíxose conxuntamente con nenas e nenos de Cerveira e do CEIP de Barrantes, e forma parte da proposta gañadora deste ano do Proxecto Transfronteirizo Cerveira-Tomiño, concretamente, "Actividades artísticas e ambientais para a poboación infantil de Vila Nova de Cerveira e Tomiño" presentada polas ANPAS tomiñesas e cerveirenses.

Foron dúas as actividades que se fixeron a longo da mañá na escola Superior Gallaecia: debuxo de poliedro con sombras e elaboración de cadros con materiais de reciclaxe.

Estas actividades buscan promover unha maior aproximación entre os nenos e nenas dos dous concellos veciños que conforman a eurocidade Cerveira-Tomiño.

Para ver máis imaxes preme na foto.

 

UN PLANETARIO NO XIMNASIO!

Ao longo desta semana as nenas e nenos do CEP Pedro Caselles  participan nunha actividade moi especial.

Por iniciativa e xestión da nosa ANPA, temos instalado no ximnasio un pequeno planetario aportado pola Fundación La Caixa(Educaixa). Nenas e nenos aprenden sobre nocións básicas de astronomía dunha forma activa e intuitiva. O planetario conta con varias proxeccións adaptadas aos diferentes niveis do  alumnado.

Tamén o  CRA Mestre Manuel Garcés visitará o venres o centro para disfrutar desta actividade.