Contratos-Programa

Capitaneados polo mestre Pablo e os seus titores, Sonia e Fran, o noso alumnado do 3º ciclo demostrou que é o que máis sabe de seguridade na rede. Presentáronse a un concurso de ciberseguridade e que non sabedes que paso? Pois que GAÑARON!! Moi emocionados foron á final que tivo lugar en Santiago de Compostela, houbo moitos nervios e momentos algo tensos, pero mereceu a pena.

PARABÉNS CAMPIÓNS!!

(clicade na imaxe)

O luns 17 de outubro comezamos a desenvolver a actividade de detectives verdes. O obxectivo é concienciar ao alumnado no respecto ao medioambiente, limpeza do centro e da eficiencia enerxética. Semanalmente haberá un grupo encargado de supervisar todo o centro. Un día á semana, xunto co titor/a fará a revisión das aulas e colocaranlle as pegatinas de cor vermello ou verde segundo corresponda, se cumplen ou non coas normas establecidas con anterioridade. Este grupo será heteroxéneo, no que haberá un/ha representante de cada curso para que sexa unha actividade democrática e transparente.

Esta actividade está incluída no Contrato - Programa Inclúe, Convive-T.

Este curso aproveitamos o obradoiro de cociña para practicar o inglés. A mestra Belén ensinounos a facer unha deliciosa sobremesa. Ademais de practicar a lingua inglesa, tamén traballamos contidos propios das matemáticas: masas, volumes, tempos, capacidade, temperatura. Ata tivemos que desafiar algunha lei física: como escachar un ovo sen tirar con todo, nin romper nada?.

Mesmo practicamos o ritmo fóra das clases de música... Quen dixo que bater ovos fora doado?

As matemáticas parécennos moi divertidas. Encántanos facer construcións con bloques lóxicos. Sáennos resultados xeniais. As veces ata reproducimos obras de arte!

A semana pasada comezamos a traballar con xeoplanos. Son unhas táboas de plástico ou de madeira con clavos. Nós facemos figuras xeométricos utilizando gomas elásticas de cores que se suxeitan nos clavos.