Skip to Content

5º Curso EP

OBRADOIRO DE ROBÓTICA: PLANETA LIMPO - 5º EP

 

Durante o actual curso escolar o alumnado do noso centro está a participar en diferentes actividades relacionadas co uso da robótica na vida diaria. Concretamente no día de hoxe o alumnado de 5º curso de primaria participou nun obradoiro sobre medioambiente a través da robótica: "PLANETA LIMPIO".

O obxectivo é contribuir a sensibilizar e concienciar aos mais xoves sobre a importancia da conservación do medioambiente, o impacto e a necesidade dunha correcta xestión dos residuos. Para elo, emprégase a innovadora metodoloxía e materiais de LEGO® Education.

 

Música electrónica

Como obxectivo deste primeiro curso de implementación do programa BOTalle imaxinación, que está adicado á utilización da robótica de xeito trasnversal e como apoio a outras áreas, era que o alumnado coñecese os actuadores e sensores básicos dos que se compón o robot mBot, que se nos proporcionou ao adherirnos a este proxecto, e a utilización do programa mBlock como medio de comunicación co dispoisitivo. Para conseguilo planeamos distintos retos que motivasen á aprendizaxe destes aspectos específicos, pero que tamén necesitasen da aplicación doutras aprendizaxes que se adquiriran nas distintas áreas do currículo.

No último reto que desenvolvimos tratamos o achegamento ao sensor ultrasónico, que se encarga de medir distancias desde o sensor ata un obxecto determinado. Esta capacidade a atopamos na natureza en animais como o morcego e os cetáceos, e que coñecemos co nome de ecolocalización. Mediante a utilización do sensor os distintos grupos tiñan que conseguir que o seu teclado virtual reproducise unha melodía.

Para a realización deste teclado musical primeiro no grupo tiñan que repartirse as distintas funcións, unha foi a elaboración do teclado físico nunha folla de papel e outra a creación do programa que permitise analizar os datos suministrados polo sensor e transformalos en notas musicais. Finalmente ofrecerían un "concerto" coas melodías de cada grupo, na que optaron, pese a que se lles ofrecía unha como exemplo, por crear a súa propia ou tocar unha que xa coñecían. Este reto foi recollido do canal Youtube de JuegosRobótica.es

Nos distintos retos propostos tratamos que os conceptos de robótica estivesen relacionados co traballo noutras áreas e contribuísen á consecución das  diferentes competencias. Deste xeito, a través desta actividade, ademais da competencia dixital, tamén abordamos a competencia matemática, na utilización das unidades de medida, realizando medicións, cálculos sinxelos e utilizando operadores como "menor ou maior que..."; a competencia lingüística, mediante a tradución do texto coas instrucións do programa a través de mBlock; as competencias sociais e cívicas, chegando a acordos dentro do grupo a través do diálogo e distribuíndo as distintas funcións; a conciencia e expresións culturais, mediante a creación de melodías utilizando a escala musical, coñecendo a notación americana, e creando teclados musicais en función do seu gusto estético.


 

Esta foi a presentación que se usou co alumnado para guiar o proceso de solución do reto e que facilitou tanto a comprensión como a realización do programa. Aínda que se propoñía unha melodía como exemplo, todos os grupos optaron pola creatividade ou pola memoria para probar o funcionamento do teclado. Neste vídeo observaredes algúns dos momentos destas sesións e as melodías interpretadas polos nenos/as de 5º de E.P.

Tras coñecer e aprender o funcionamento dos actuadores e sensores básicos, os grupos das aulas de 4º e 5º E.P. terán que deseñar e elaborar un proxecto no que apliquen o aprendido ou, se é necesario, afonden máis en determinados aspectos (novos sensores, novos bloques de programación, novas aplicacións...). Nestes últimos retos os propios grupos serán os que regulen a esixencia e dificultade das actividades. 

Estade atentos ás propostas que xurdirán desde as aulas!

Xogamos coa xeometría

Durante estas semanas os nenos/as de 4º e 5º de E.P. tiveron que resolver un reto que consistía en conseguir que os robots seguisen un circuíto con diferentes formas xeométricas.

Houbo dúas partes no reto. Na primeira os grupos debían pensar como podían conseguilo utilizando os coñecementos que tiñan sobre os actuadores. Algunhas das solucións foron utilizar os bloques de avanzar e esperar no mBlock e para calcular os desprazamentos que tiña que realizar o robot medían  tempo que tardaba e percorrer cada lado da figura.

Algún dos grupos pensou que podían facelo co sigueliñas, pero descoñecían os valores a utilizar e os bloques necesarios.

Posteriormente planeouse un texto que tiñan que pasar á linguaxe do robot e no que tiñan que utilizar os bloques necesarios para que os sensores sigueliñas actuasen de xeito que o robot permanecese dentro do cricuíto. Co alumnado de 5º, con máis experiencia programando con Scratch só tiveron o texto e axuda puntual a través do EDI. Co alumnado de 4º utilizamos unha presentación coa que iamos guiando o proceso.


A última instrución do texto fai que o robot quede parado se ambos sensores saen do circuíto, pero o reto implica que sempre estea en movemento, polo que tiveron que solucionar este último atranco, pensando en equipo para conseguilo. Os grupos que antes resolveron o problema axudaron a aqueles que aínda non o lograran.

A través deste reto traballouse a competencia matemática, lingüística, social e cidadá e a dixital.

Neste vídeo temos algún dos momentos e resultados do reto, na maioría dos casos houbo que probar varias veces o código xa que había erros que tiveron que detectar e despois solucionar.

 

Bo traballo!

BUBELAS E BUBELIÑAS

 

 

 

O martes, día dez de xuño foI un día moi especial. Dentro do proxecto “O meu amigo maior” os nenos de 5º A de Educación Primaria e 5º B de Educación Infantil representamos unhapequena peza de teatro titulada: “Os contos de Manuel María”. Pasámolo todos moi ben, pais, nais, avós, amigos. . . pero sobre todo os pequenos e grandes actores que con tanta ilusión e un pouco de medo,esperaban ese día.

 

Foi a culminación dun curso no que os nenos coñecéronse e empezaron a quererse cada xuntanza un pouco máis. Os pequenos atoparon, nos seus amigos maiores, alguén a quen admirar e traerlle, ás veces, un debuxo ou calquer pequeno agasallo feito, sobre todo, con moito agarimo. Os maiores atoparon, nos seus pequenos amigos, alguén a quen coidar e a maneira de facerse, poucoa pouco, algo máis responsables. En definitiva, aprenderon a madurar.

 

A nós, as profes, emocionounos moito velos traballar xuntos e como buscaba cada un á súa parella para traballar, xogar ou simplemente darse a man e camiñar xuntos. Esperamos que o vindeiro curso sexa, cando menos, coma este.

 

 

Conchy e Aurora. 

 

 

 
 
 
 

VISITA DE LEDICIA COSTAS

No día de hoxe contamos no colexio coa visita da escritora Ledicia Costas, gañadora do premio MERLÍN de LITERATURA INFANTIL pola súa obra "Escarlatina, a cociñeira defunta". Mantivo un encontro co alumnado de 5º e 6º que escoitaron con moita atención as súas historias sobre os personaxes do seu libro, especialmente as referidas ao avó de Román, o protagonista do libro, xunto con Escarlatina, porque dixo estaban inspiradas no seu propio avó, un personaxe curioso.

Outro tema que deu moito xogo no encontro foi a historia do gato Moroto na lavadora. Deulle pé a Ledicia para contar outras historias reais que lle foron contando outros nenos no seu recorrido polos colexios de Galicia. En case todas aparecían as avoas como indutoras das historias simpáticas que lles ocurrían aos animais.

Un encontro interesante.

 

Entrevista con Ledicia Costas

O PLAN NAVEGA CON RUMBO CHEGA O NOSO COLEXIO

 

 

A III Edición do Plan Navega con Rumbo chega o noso colexio para informar aos alumnos e alumnas de 5º e 6º curso de educación primaria sobre a importancia de navegar seguro pola internet. Esta actividade enmárcase no contexto do Proxecto Abalar.

Trátase dunha iniciativa promovida pola Consellería de Cultura, Educación e Ordenación Universitaria en colaboración co Colexio Profesional de Enxeñaría en Informática de Galicia (CPEIG). O programa ten como obxectivo formar ao alumnado nas boas prácticas no uso de internet, previndo o ciberacoso e a dependencia das novas tecnoloxías, e promovendo un uso responsable das redes sociais.   Asi mesmo, pretende a implicación do profesorado e das familias neste proceso, facéndoos partícipes destas recomendacións.

Nos seguintes enlaces pódese acceder as guías de Boas Prácticas:

        



 

Distribuir contido


by Dr. Radut