Skip to Content

Actualidade

RECORDATORIO SOBRE ENTRADAS E SAÍDAS DO ALUMNADO

Estimadas nais, pais, titores legais, familias,

Mañá luns día 25 o alumnado de 4º de educación infantil iniciará a xornada lectiva en horario completo, porén e para evitar aglomeracións e atascos innecesarios facémosvos unha serie de recomendacións:

·         O alumnado usuario do servizo Madrugadores, será entregado no centro polas monitoras do servizo.
·         Ao  alumnado que vén coa súa familia e/ou responsables directamente ao centro, prégaselle puntualidade. A puntualidade é un valor formativo que hai que traballar día a día.
·         O alumnado pode acceder directamente á zona de entrada no aulario infantil acompañado das familias
·      Os familiares e/ou responsables  do alumnado non poderán acceder ao interior do aulario de Educación Infantil salvo por autorización expresa dun mestre ou mestra.
·         A saída será uns minutos antes de que soe o timbre ás 14:00 h., os familiares esperarán fronte a cada unha das aulas na zona do patio infantil.  
·         En caso de que teñades que a recoller os vosos fillos antes do remate das clases, teredes que avisar ao titor/a e asinar no libro de rexistro de saídas durante o horario lectivo.
·         O portalón de entrada debe estar despexado para que o alumnado poida acceder ao centro sen dificultade, este abrirase no momento no que chegue o autobús de transporte escolar (8:50h.) para permitir o acceso do alumnado. Antes desa hora non se pode acceder ao centro.
·         Por último lembren que tanto no paso de peóns coma na zona reservada para o transporte escolar está prohibido estacionar, é necesario que permanezan  libres estas zonas  para que circule con fluidez o autobus e tamén para minimizar o risco de posibles accidentes. Respeten tamén as prazas de aparcamento reservadas para persoas con discapacidade.

 

GRAZAS POLA SÚA COLABORACIÓN

Setembro 2017

ENTREGA ANTICIPADA NO COLEXIO DO MATERIAL ESCOLAR DO ALUMNADO DE EDUCACIÓN INFANTIL, PRIMEIRO E SEGUNDO CURSO DE EDUCACIÓN PRIMARIA

Estimadas familias:

Ao igual que en anos anteriores e ao fin de facilitarlles a entrega no colexio do material escolar do alumnado de educación infantil, 1º e 2º curso de educación primaria nas respectivas aulas, comunicámoslles que as datas e horarios serán as seguintes:

Datas Horario
Mércores, 6-09-2017 De 12 a 13:30 horas
Xoves, 7-09-2017 De 12 a 13:30 horas

 

Nesas datas as familias accederán ás respectivas aulas, previo aviso ao persoal de conserxería que lles indicará a ubicación das mesmas, para facer entrega das bolsas de material co nome e apelidos dos seus fillos.

Fóra destas datas e horarios non se recollerá máis material xa que o profesorado estará atendendo cuestións relativas á organización do inicio de curso.

Grazas pola súa colaboración.

 

A dirección.

 

 

 

REUNIÓN COAS FAMILIAS DO ALUMNADO DE 4º CURSO (3 ANOS) DE EDUCACIÓN INFANTIL

 

     Estimadas familias:

      A reunión de inicio de curso coas familias do alumnado do 4º curso (3 anos) de educación infantil, terá lugar o vindeiro LUNS, 4 de setembro de 2017, ás 16:30 horas no Salón de Usos Múltiples. Na citada reunión farase entrega do Calendario do Período de Adaptación, así como da explicación do procedemento de aplicación.

    Asistirán á reunión, o equipo directivo, as mestras titoras de cada un dos grupos, a mestra de apoio e un representante da ANPA Milnen@s.

       Prégase a asistencia sen nenos e nenas para facilitar o bo desenvolvemento da sesión.

A Dirección.

COLEXIO PECHADO POR OBRAS

 

Comunícase que os luns día 17 e 31 de xullo de 2017 este centro permanecerá pechado a tódolos efectos, por mor dos traballos de renovación da cuberta do edificio de educación primaria.

VÍDEO AULA ESPECÍFICA DE E.E. CURSO 2016-2017

VÍDEO AULA ESPECÍFICA from CEIPEPB on Vimeo.

Actividades realizadas polo alumno escolarizado na aula específica de educación especial en centro ordinario. Curso 2016-2017. CEIP Emilia Pardo Bazán (A Coruña)

TRASNOS E ZAPATEIROS - PRIMEIRO PREMIO INFANTIL

 

Un ano máis e xa van cinco consecutivos, o Grupo de Teatro Interaulas do CEIP Emilia Pardo Bazán, gañou o primeiro premio no XX Certame de Teatro "Candilejas Don Bosco" coa obra titulada "TRASNOS E ZAPATEIROS". Este ano foi na categoría infantil. Tamén resultou premiado o alumno Hugo Blanco Arias como mellor actor infantil. A actriz Katia Generelo Grande quedou clasificada entre as tres mellores actrices.

Parabéns para toda a comunidade educativa do CEIP Emilia Pardo Bazán polo seu excelente traballo, que poderemos contemplar novamente o vindeiro día 6 de xullo de 2017, no Teatro Colón da Coruña onde representarán a súa obra "Trasnos e Zapateiros".

 

O MEU AMIGO MAIOR

 

… E COLORÍN COLORADO

Todo  o que comeza ten a súa final... e despois de dous cursos o noso proxecto “O meu amigo maior” xa rematou.

Este último trimestre sempre é moi apurado, e máis para os maiores: exames, saídas...

 

Pero a pesar de todo, fomos capaces de facer a nosa obra de teatro: “Se as avoas mandaran...” cun grande éxito tanto de público coma de “críticas”...

 

 

E antes de marchar os maiores a Alvarella, tivemos tempo de facer de guía e ensinar aos máis pequenos todos os recunchos do cole de Primaria. Foi moi divertido amosarlles os nosos lugares preferidos (... e os menos divertidos) aos pequerrechos, que xa no o son tanto.

 

 

Como remate e para que sempre recordemos ao noso amigo especial, recibimos de agasallo unha foto cos dous grupos e o noso amigo.

 

 

Foi unha experiencia moi gratificante para todos os que participamos nela, nenos e nenas, mestres e incluso pais e nais.

 

Os maiores marchan sentíndose máis maiores e os pequenos... desexando ser algún día “un amigo maior”.

 

Anterior

Galería de fotos

 

FORMALIZACIÓN DE MATRÍCULA CURSO 2017-2018

Lembramos aos admitidos que deberán formalizar a matrícula na secretaría do Colexio dende o 20 ao 30 de xuño de 2017 en horario de 9:00 a 14:00 horas os días laborables.

 DOCUMENTACIÓN NECESARIA

1.- Impreso de matrícula Anexo III-1 (recoller en Secretaría). DESCARGAR IMPRESO.

2.- Ficha de datos persoais (recoller en Secretaría). DESCARGAR FICHA.

3.-Impreso de autorización dos dereitos de imaxe (recoller en Secretaría). DESCARGAR AUTORIZACIÓN.

4.- Cuestionario lingua materna para as familias de educación infantil. DESCARGAR IMPRESO.

5.- Outros documentos:

      * 6 Fotografías tamaño carné para o alumnado de educación infantil.

      * 2 Fotografías tamaño carné para o alumnado de educación primaria.

6.- Fotocopia Tarxeta Sanitaria.

 

XUNTARTE 2017: XUNTOS POLA ARTE

PRÓXIMA ESTREA. "TRASNOS E ZAPATEIROS"

 

Cartel anunciador Fotografía de actores e actrices cos seus profesores o día da estrea

Parabéns para os actores e as actrices que na tarde de hoxe presentaron a súa obra "TRASNOS E ZAPATEIROS" no Certame de Teatro Candilejas Don Bosco 2017. Tódolos asistentes desfrutamos dunha excelente estrea tras un longo camiño iniciado a principios do actual curso escolar. Os diálogos fixeron rir aos asistentes e as palmas non deixaron de batir ao finalizar a obra. Excelente traballo do noso alumnado de 2º e 3º cursos de educación primaria.

 

 

 

Distribuir contido


by Dr. Radut