Horto escolar

RESUMO DO TRABALLO FEITO POLA ESCOLA VERDE

Aquí presentamos un vídeo resumo da maioría das actividades desenvoltas este curso pola ESCOLA VERDE, gracias á colaboración de toda a comunidade educativa.

 

5 DE XUÑO, DÍA DO MEDIO AMBIENTE

O Día do Medio Ambiente celébrase cada ano e pretende sensibilizar/concienciar sobre as consecuencias da actividade humana no planeta e a biodiversidade.

É un día sinalado, pero que se debe traballar todos os días, e nós axudamos concienciando no uso axeitado dos medios:

COA AUGA

COA ELECTRICIDADE

Xerando menos residuos e menos contaminantes (plásticos, aluminio...)

Reutilizando envases para regar...

...ou para poñer plantas.

O alumnado leva as plantiñas que puxeron, para que continúe o seu coidado na casa.

Contamos coa colaboración de toda a comunidade educativa de forma continua ao longo do curso.

O profesorado coas plantacións (entre outras).

 

O persoal de limpeza co coidado das plantas ornamentais dos interiores e exteriores do centro.

O comedor cos desfeitos da froita.

As familias cando nos amosan as receitas que fan cos produtos da horta que levan, inculcando así o seu consumo.

ENTRE TODOS COIDAMOS E AXUDAMOS AO MEDIO AMBIENTE!!!

Outra mostra do que traballamos do medio ambiente, é o PDI Mergúllate! realizado por todo o alumnado do colexio, adicado á investigación sobre diversos aspectos sobre os mares e os océanos (búsqueda de información, charlas, obradoiros, visitas, concursos, entrevistas, lecturas, deporte, arte, experimentos, encontros, expedicións...) Un pequeno resumo de todo o que se fixo durante o curso.

OS ANIMALIÑOS DA HORTA

Na nosa horta, temos cabida a todos os animais, e véñennos facer unha visita para probar/axudar/estragar a horta.

Uns benvidos coma...                                                               A XOANIÑA

                                                                                             A MIÑOCA

                                                                                               A VOLVORETA

...e outros non tan benvidos coma...                                       O CARACOL

Tan a gustiño está na nosa horta, que lles puxemos un hotel, que imos ter que ampliar.

Temos para poñerlles uns novos niños para os paxariños.

E a miúdo, repoñémoslles os comedeiros.

 

CÓMO NOS GUSTA TER TANTA COMPAÑÍA DESTES ANIMALIÑOS!!!

NA PRIMAVERA

Coa chegada da primavera, recollemos as derradeiras colleitas do inverno.

COLIFLOR

BRÓCOLI

CHÍCHAROS

FABAS

ACELGAS

Ainda que algunha vai seguir medrando un tempo máis.

O PEREXIL que temos todo o ano.

Ao que lle collemos a semente para facer pequenos semilleiros para levar a casa.

 

Fixemos semilleiros na aula...de flores (margaridas, pensamentos e claveis)

CABAZAS

Pero tamén puxemos a planta, para que medre máis rápido, coma as ESPINACAS.

Comezamos a poñer novas plantacións da primavera, que co bo tempo que vai vindo e as derradeiras choivas ata o verán, fan que prendan e medren axiña. Nesta primavera plantamos:

ALLOS

...prenderon moi ben os allos

CENORIAS

CACAHUETES

CEBOLETAS

RAVOS

TOMATES

PATACAS

...xa medraron un pouco e semella unha boa colleita para á volta

LEITUGAS

...e fixemos o semilleiro de leitugas directamente

AMORODOS

Algúns froitos, xa os estamos probando.

LEITUGAS

CENORIAS, AMORODOS E TOMATES CHERRY

... QUÉ RICOS QUE ESTÁN!!!MMMMM

Para coñecer/ver cómo medran as raíces puxemos os xacintos en tarros de cristal.

E as alubias en algodón pegadas á ventá.

Algunhas plantacións comezaron na aula, para despois trasplantar á horta.

PEREXIL en rama

ou PEREXIL en semente

MELOCOTONEIRO

LEITUGAS

PEMENTOS

LARANXEIRA, LIMOEIRO

MACEIRA

Tamén ampliamos zonas verdes do recinto escolar, con novas plantacións.

DONDIEGO DE NOITE E PEONÍAS

Puxemos novos xeranios e caléndulas, ao redor do invernadoiro, para atrar polinizadores.

E novas plantas aromáticas, para ampliar as que xa tiñamos.

MANZANILLA

ALBAHACA

Tamén tiñamos en conta a asociación de cultivos, para que estes mellorasen, evitar plagas e aproveitamento do terreo.

CALÉNDULA, LEITUGA E PATACA

PEMENTO, PEREXIL, CEBOLA E TOMATES

RAVOS, ESPINACAS, LEITUGAS E PATACAS

Pero non só é ter ben lustrosa a horta de verduras, hortalizas e flores, senón que tamén coidamos que as flores cheguen ata a as entradas do centro escolar.

GÚSTANOS VER A PRIMAVERA COAS FLORES ARRECENDO!!!MMMM

ACTIVIDADE CON ALUMNADO DA UNIVERSIDADE DA CORUÑA

O venres, día 29 de abril, achegáronse ao centro unhas alumnas da UDC para facer unha actividade cos nenos e nenas. Contaron un bonito conto sobre a nai Natureza, e despois fixeron unha actividade de reciclaxe. Convertiron uns botellíns de plástico de auga nunhas bonitas macetas nas que plantaron lentellas. Ao final, decoráronas e todo.

Quedaron moi bonitas!

 

 

 

ENTREVISTAS NA RADIO SOBRE MEDIOAMBIENTE.

Para que saibamos máis sobre temas de medioambiente e que toda a información se escoite e chegue a todas partes, divulgamos dito tema facendo entrevistas a responsables que se adican a coidar o medioambiente. O alumnado aprendeu moito elaborando este informativo medioambiental coa axuda do profesorado, os encargados da radio e os entrevistados.

Houbo unha entrevista a un traballador da Fundación de ECOALF, Brendan James, empresa que obtivo recentemente varios premios por revolucionar a moda dunha forma sostible, pola súa traxectoria medioambiental, contribuíndo á consecución dos ODS - concretamente o 14 para a conservación dos mares, pioneiros en sostenibilidade. 

A Fundación ECOALF participa en actividades que aumentan a sensibilidade con respecto ao problema do lixo e o dano que provocan sobre os ecosistemas mariños, divulgando así o seu traballo.

O traballador cóntanos todo o que fan dende a recollida dos residuos plásticos do fondo do mar, para confeccionar a roupa e calzado.

 

Tamén entrevistouse a Alexis Rivera, da organización WWF en defensa do medio ambiente. Asociación ecolóxica que foi fundada en 1961 a nivel internacional, e nace en España, en 1968, da man de Félix Rodríguez de la Fuente con ADENA.

 

Podes escoitar estas entrevistas e todo o informativo medioambiental (sobre o lixo na cidade, hortas urbanas, o xardín de Obdulia, a asociación ecoloxista Arcoiris, reciclaxe...) no seguinte enlace.

A RUTA DA AUGA - SAÍDA Á PRESA DE CECEBRE

Continuamos con saídas medioambientais, e nesta ocasión, na ruta da auga, á presa de Cecebre.

Despois dunha charla na aula sobre a saída que se ía facer e a súa importancia, amosamos todo o que se aprendeu.

Aprenderon sobre a biodiversidade que xera o río, co ecosistema da ribeira,a fauna: o paso que se lles fai ás nutrias; corvos mariños, cormoráns..., e as barreiras que fai a flora coas árbores: salgueiros, ameneiros, bidueiros...

Destacando a importancia da presa, gracias ás augas dos ríos Mero (principal), Barcés e Gobia.

Coa inundación das augas dos ríos ao xuntarse, fíxose a presa de Cecebre, que leva a auga a 2 potabilizadoras: unha de Carral e outra á ETAP (estación de tratamento de auga potable) de A Telva, que é a que suministra a auga á nosa cidade.

A auga empregada limparase na EDAR (estación depuradora de augas residuais) de Bens.

UNHA SAÍDA MOI INTERESANTE!!!

ACTIVIDADE CON ALUMNAS DA UDC

Tivemos a gran sorte de ter a visita de 4 estudiantes universitarias que viñeron ao cole a contarnos un conto "El Niño Semilla". Trata sobre a un neno que en realidade é unha semente, se a coidas e a mimas dará o seu froito.

Cando acabaron de contarnos o conto fixemos unha actividade moi bonita. Debuxamos a nosa versión do neno semente e despois pegámola nun vasiño onde metimos algodón e unhas lentellas. Agora estámolas coidando na clase para que broten, igual que o protagonista da historia!

MOITAS GRAZAS POLA VISITA E POLA ACTIVIDADE!!!

 

VISITA DE LAURA (COS PÉS NA TERRA)

A semana pasada tivemos unha visita moi moi especial, veu Laura a visitarnos! Contounos infinidade de cousas sobre reciclaxe, reutilización, reparación e redución. Ela ten unha unha tenda ecosostible no noso barrio, e, coñecedora de que estamos a tratar este tema este curso, veu a  aclararnos algunhas cousas e informarnos de outras moi interesantes.

Deunos moitas ideas para reducir o uso de plástico nas merendas do cole (usando envoltorios reutilizables para os bocatas, culleres de madeira...).

Ensinounos a facer macetas con garrafas de auga, de feito regalounos unha para o cole! "MOITAS GRAZAS LAURA!"

Vimos alternativas para a limpeza da nosas casa (con esponxas de lufa) e a hixiene persoal (con cepillos de dentes de madeira, champú sólido sen envase de plástico...).

Non nos chegou o tempo para tantas ideas que nos tiña que contar, polo que pensamos que estaría ben que esta visita tivera unha segunda parte, a parte da reciclaxe e reutilización de obxectos.

 

 

 

 

AUDICIÓN E LINGUAXE

Os nenos e nenas que acoden ao aula de Audición e Linguaxe prepáranse para sementar.

Primeiro imos coa teoría

 

 

 

 

Despois a práctica

 

    

 

 

     

 

 

Rexistramos 

 

 

 

 

 

 

 

Distribuir contido