CEIP Emilia Pardo Bazán

No Diario Oficial de Galicia do día 20 de maio de 2019 publícase a Orde do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2019/20.

O prazo para presentar solicitudes iniciarase o día seguinte ao da publicación desta orde no Diario Oficial de Galicia e rematará o día 21 de xuño de 2019.

Orde do 3 de maio de 2019

Sede Electrónica

Solicitude Presencial

O pasado xoves 16 de maio celebramos con todo o alumnado do centro o Día das Letras Galegas que este ano está dedicado a Antón Fraguas. Puidemos gozar cos bailes do alumnado de 4º e 6º e os poemas recitados, tamén foron entregados os agasallos aos premiados do certame de escritura rápida.

galería de fotos

vídeo

Despois dun longo traballo de formación por fin este venres 10 de maio puxemos en práctica a primeira xornada de "Patios Dinámicos" no tempo de recreo. Nesta ocasión encargáronse dos xogos Aurora e Carlos e os xogos escollidos para a primeira xornada foron "Desplumar a galiña" e "Rato, rato, gato". Obxectivos acadados na primeira sesión con grande participación por parte do alumnado. VER GALERÍA.

O alumnado do proxecto "O MEU AMIGO MAIOR" celebrou unha xornada de convivencia co alumnado do CEIP Plurilingüe San Marcos de Abegondo. Acceder á galería.

O alumnado de sexto de primaria recibíu un taller de música tradicional galega impartido por Juan Carlos Rilo Fraga ao que estamos moi agradecidos por achegarnos a nosa tradición. Ver galería. E chegou o día do concerto o mércores 8 de maio. Acceder á galería.

O alumnado de 6º visita a exposición sobre os invertebrados que organizou o mestre José Manuel Robles na súa aula de 5ºB.

Quere agradecer a todas as persoas que colaboraron aportando mostras para esta exposición anunciando ao mesmo tempo o remate da mesma.

Galería de imaxes.

O alumnado de 6ºA recibiu formación de voluntariado miúdo dentro do proxecto "O MEU AMIGO MAIOR"

Aquí podedes ver a galería de fotos.

“Participación en proxectos e investigación no medio natural, expresando as actividades realizadas e os resultados obtidos mediante diferentes representacións”.

Currículo do segundo ciclo de Educación Infantil. Área: coñecemento do contorno. Bloque 2. Achegamento á natureza. Xunta de Galicia, 2009

   Cando Angélica Sátiro nos propuxo a Rosario Belda e a min crear unha obra colectiva cos nenos e nenas da miña titoría, comezamos axiña xa que tres cursos con criaturas de Educación Infantil non era tanto tempo.

   Queriamos un obxecto que representara a nosa participación no proxecto “El jardín de Juanita” y como a obra máis coñecida desta artista son os mapas téxtiles, pensamos que o producto final debería mostrar o camiño dende o aulario de infantil ata o xardín.

   Ao longo dos tres cursos, tinximos as teas que serviron como soporte á obra con diferentes técnicas (Hapa-Zome, co sol e coa calor), pero o gran reto da nosa colaboración era non perder as bases sobre as que se sustenta a Filosofía Lúdica: a mellora do pensamento.  Para desenvolver habilidades de pensamento nxs nenxs, axudeilles a enfocar a súa mirada en todo o proceso de creación a través do diálogo, facéndolles preguntas que lles orixinaran pensamentos sobre o que estaba a ocorrer e abrindo os ollos á diversidade.

   Ao tempo que Rosario ía cosendo a súa cartografía téxtil, na escola estábamos a crear os nosos propios mapas e a sinalar o camiño que percorremos un día á semana dende outubro de 2016.

   Por iso, cando tivemos a obra final na clase para xogar con ela, entendemos a súa visión diferente, mestura de realidade e imaxinación: “El mapa de Charo no es normal y corriente, no se ve lo que es, parece que vamos por un camino nuevo. Los dos (mapas) eran difíciles, porque Charo tuvo que pensar para hacer el suyo, pero el nuestro era más fácil porque lo inventamos entre todos. Pensamos y hablamos entre nosotros, así pensamos todas las cabezas y podemos tener muchas ideas”.  

   Esta nova obra, que xa consta no curriculum de Rosario Belda …

“2019: El camino al Jardín de Juanita. En colaboración con los niños y niñas de 5 años del CEIP Pardo Bazán de A Coruña”

… poderedes vela, no contexto do proxecto do xardín de Juanita, no mes de Xuño. A Fundación Luís Seoane acollerá a exposición “El jardín de Juanita”, coas experiencias dos 8 países participantes: España, Portugal, Italia, Brasil, Colombia, México, Uruguai e Arxentina .

   A autora do proxecto estará presente na inauguración desta exposición; pero mentres podedes coñecela e ver as bases filosóficas do mapa no blogue de Rosario Belda.

                                                                                                                             MAR Santiago Arca, abril 2019

Hoxe, martes 9 de abril, na biblioteca do colexio, os nenos e as nenas de primeiro e segundo coas titoras disfrutamos dunha sesión de contacontos dirixido por Iago da editorial Anaya e que é un contador de contos marabilloso.

Para primeiro o conto foi "feliz feroz" no que Iago nos fixo imaxinar unha familia de lobos feroces na que un lobiño non quere ser feroz, senón que quere ser feliz e a partir de aquí ao Lobo feroz espéralle unha dura tarefa para educar ao seu sobriño na ferocidade. 

Para segundo o conto foi "o lobo con botas" con lobos, gatos, xigantes e un Noé Prenas convertido nun lobiño con moita imaxinación. Lobiño Feroz é o maior admirador do Gato con Botas, a estrela infantil de moda entre os animais do bosque. Todos queren vestir o seu sombreiro, empuñar a súa espada e calzar as súas botas, algo que o tío do Lobiño aproveita para facer negocio. Xogar seguirá a ser divertido cando teñan todo o que queiran? 

Un encontro moi agradable e divertido no que, todo hai que dicilo!, os nenos e nenas leron os contos nas súas respectivas clases. Parabéns polo gusto pola lectura.  Grazas!

GALERÍA DE FOTOS