Skip to Content

Meu amigo maior, Proxecto Intercultural con Lousiana (EEUU)

A árbore das palabras

A árbore das palabras

O pasado 21 de marzo celebrouse o día mundial da poesía e para conmemoralo decidimos facer unha árbore chea de poesía.

Os máis pequenos fixemos o que máis nos gusta.... pintar coas mans e así preparamos as dúas árbores.

 

 

Os amigos maiores fixemos unha poesía na que nomeamos ao amigo pequeno, e os pequenos, un pareado con moita axuda da nosa profe, todas dentro de follas de moitas cores.

 

 

 

E logo os pequenos fomos á aula dos maiores para deixar a nosa folla e recoller a dos maiores.

 

 

 

Gústanos moito estar xuntos e intercambiar os nosos traballos.

 

 

E  así foi como quedaron as nosas árbores, unha na aula de 3 anos e a outra na aula de 5º.

 

máis fotos

anterior

Visita ao CEIP San Marcos

Visita ao CEIP San Marcos (Abegondo)

O pasado xoves 25 de xaneiro, fixemos unha visita ao cole  de Abegondo. Tiñan un planetario portátil e convidáronnos a visitalo.

 

Aceptamos encantados porque xuntarnos sempre é unha festa e se saímos fora do centro, moito mellor.

 

Ao chegar fixéronnos unha boa benvida porque chovía moito!!!!

 

E logo os pequenos fomos ao planetario, onde vimos un conto sobre unha nena que andaba ao revés e moitas estrelas e os maiores cos nenos de 5º .

 Despois foi ao revés, os maiores ao planetario e os pequenos cos nenos de 3 anos.

Cando foi a hora do recreo convidáronnos á merenda, había froita, galletas, chocolatinas... Que rico todo!

 

E para rematar, os nenos maiores de Abegondo fixeron unha obra de teatro e os nosos amigos maiores, cantaron unha canción.

 

Foi unha xornada moi divertida e só nos queda dar as grazas ao cole San Marcos pola súa acollida e dicirlles que agora xa temos outros amigos maiores e pequenos!

 

DENDE A CORUÑA, GRAZAS AMIGOS!!!

 

 

máis fotos

anterior seguinte 

 

 

Burbullas máxicas

Burbullas máxicas

Xa estamos de novo na escola e con moitas ganas de facer novas cousas.

 

Por iso, os amigos maiores, viñeron á nosa aula a ensinarnos un experimento que fixeron.

 

Trouxeron un bote con líquido de cores (auga e aceite), cando se botaba unha pastilla efervescente, facíanse burbullas de cores!!!

 

 Que divertido!!!!

Máis fotos

anterior   seguinte

 

 

 

 

Fin trimestre

Fin trimestre

 

Como fin de trimestre fixemos uns agasallos para os nosos amigos.

Encontrámonos na entrada do cole dos maiores, diante da fermosa árbore de Nadal.

 

E logo os maiores acompañaron a aula aos máis pequenos.

 

Para rematar, os pequenos convidamos aos nosos amigos maiores, o último día de escola, a nosa festa.

 

 

 

máis fotos

anterior  seguinte

Proxecto Intercultural con Louisiana II

PROXECTO INTERCULTURAL CON LOUISIANA II

Durante o curso 2017-2018 seguirase a levar a cabo un proxecto de intercambio cultural cunha escola do estado de Louisiana, en Estados Unidos.

Este ano, a escola coa que se realiza o proxecto é a Summerfield Elementary School de Shreveport, cidade situada no norte de estado.

O alumnado participante é aquel que cursa terceiro de Primaria, desenvolvéndose o proxecto dentro das áreas de:

  • Educación Musical, a cargo da mestra Mª Nieves Villar Garrote, por parte do Ceip Emilia Pardo Bazán.
  • Español como Segunda Lingua, a cargo da mestra Mª Beatriz Armada Manrique, no caso de Summerfield Elementary School.

COMEZAMOS COA PRESENTACIÓN DO ALUMNADO DAS DÚAS ESCOLAS:

 Continuamos cun xogo de mans que nos enviou o alumnado de Summerfield Elementary School e que aprendimos na clase para poñelo en práctica. O seu nome é  LEMONADE:

 

Día do voluntariado

Día do voluntariado

O día 5 de decembro celébrase o día do voluntariado e, como O meu amigo maior está dentro do programa do voluntariado miúdo, a Consellería de Xuventude celebrou unha festa no Gaias para todos os nenos e nenas que participamos nestes programas.

Foi moi emocionante porque era a primeira vez que os máis pequenos facían unha saída e ademais, tan lonxe!

 

Recibíronos os Bolechas antes de entrar no recinto.

 

Unha vez dentro, e despois de que chegaran todos os convidados, presentaron a guía do voluntariado dos Bolechas e foron subindo representantes dos distintos proxectos para que así os coñecéramos todos.

 

Os nosos representantes foron Uxía e Mateo que explicaron moi ben en que consistía O meu amigo maior.

Regaláronnos unha guía para cada un e unha tarxeta de voluntarios especiais.

Logo houbo varios talleres e convidáronos a un bocata.

 

Foi un día moi canso!

 

máis fotos

anterior  seguinte

25 novembro

25 de Novembro

 

A nosa profe hoxe contounos o conto Até as princesas soltan peidos, foi moi divertido saber que as princesas son coma nós, que fan o que lles da a gana e que non lles importa o que poidan dicir delas.

 

 

Logo fixémonos nun espello para ver o ben que nos víamos.

 

Máis tarde subimos á aula de 5º para compartir cos nosos amigos maiores ese conto tan divertido.

 

máis fotos

anterior  seguinte

Pequenos encontros, grandes causas

Pequenos encontros

 

Grandes causas

O noso centro participou nunha carreira solidaria: A volta ao cole, para colaborar no estudio da leucemia infantil, todos os nenos e nenas de 3 anos fomos acompañados por compañeiros e compañeiras de 5º de E.Primaria.

 

Nós fixeimos a volta cos nosos amigos especiais, foi moi divertido e sentímonos como uns campións!

 

 

“O meu amigo maior”

 

Hoxe, ao rematar o control de Lengua, estábamos todos moi contentos porque íamos facer unha carreira cos nosos amigos de tres anos. A carreira era solidaria para dar a coñecer a leucemia infantil, porque temos un neno maliño no colexio.

Cando saimos  buscalos estabamos moi felices, ao chegar á súa clase saudámolos e fomos cara á fora a camiñar. Eu ía con Daniela que me dixo:

  • Isto non é unha carreira porque vai moi amodo!

E cando eu lle dicía:

  • Vamos rápido, que imos gañar, porque había un gran espazo cos de diante, ela dicíame:
  • -Non, porque aquí non gaña ninguén.

Eu botábame a rir . Que nena máis lista!

Cando chegamos de volta ao colexio, eles non querían marchar para á clase, pero aínda así, Daniela deume unha aperta e un bico moi forte, e eu dinlle dous bicos de “sabor de caramelo de fresa”

 

 

Sabela Marcos Balboa 5ºA

 

Cando foi o Samaín, veu unha visita escalofriante a aula cos pequenos A Santa Compaña”,  dounos tanto medo que algúns metémonos debaixo da mesa!!!

 

Gústanos tanto estar xuntos que os maiores esperamos ver aos pequenos antes de entrar na clase despois do recreo!

 

máis fotos

anterior  seguinte

Amigos

AMIGOS

Despois de varias visitas informais, decidimos que xa era hora de ter un amigo ou amiga máis especial.

Así que un día, reunímonos no patio cuberto do edificio de Primaria e fixemos parellas, algunhas son tríos porque somos máis os maiores que os pequenos, e foron estes os que fixeron a elección.

 

O resultado quedou plasmado nuns murais tanto Infantil como en Primaria.

 

Estes son os amigos especiais

 

 

 

 

máis fotos

anterior  seguinte

 

 

 

NOVO COMEZO

Novo comezo

“Este proxecto é unha continuación pero tamén un comezo, xa que serán novos nenos e nenas e tamén novos niveis porque nun principio estaba pensado para 5º e 6º de E.Infantil e 5º e 6º de E. Primaria pero tendo en conta os bos e gratificantes resultados obtidos, imos traballar con nenos e nenas de 4º e 5º de E. Infantil e 5º e 6º de E. Primaria porque a duración será de dous cursos académicos.

Pretendemos educar ao alumnado en valores solidarios de colaboración e de tolerancia coas demais persoas.”

Con esta declaración de intencións comezamos un novo proxecto de “O meu amigo maior”

Temos a ilusión pero tamén un pouco de medo polo que supón traballar con nenos e nenas tan pequenos aínda que superaremos ese grande reto.

 

O principio xa o temos, os nosos nenos e nenas xa se coñecen e  a partir deste momento só nos queda traballar con eles.

 

 

seguinte

Distribuir contido


by Dr. Radut