Avaliación individualizada de 3ºEP

Os días 23 e 24 de maio terá lugar unha proba diagnóstica  para todo o alumnado de terceiro curso de educación primaria. As competencias claves a avaliar serán a lingüística e a matemática. Son probas que non precisan de ningún tipo de preparación específica e que o resultado non ten repercusión nas notas do alumnado. O obxectivo é meramente diagnóstico.

Para o alumnado de 6ºEP non haberá probas este curso, xa que o noso colexio non foi seleccionado.

Debido á demanda para asistir ao obradoiro da "man robótica" tivemos que programar novas edicións para que todo o alumnado que desexaba aprender a facer este "aparello" o puidese facer. Os primeiro grupo irá durante esta semana, xa que os nenos/as de 4ºB acudirán á aula creativa, para isto contaremos coa axuda de nenos/as de 4ºA que foi o primeiro grupo que participou nesta experiencia, aos cales queremos agradecer a súa implicación e colaboración para que outros alumnos/as aprendan con vós. Moitas grazas a Esther, Gorka, Iago e Verónica. A próxima semana será a quenda do alumnado de 5ºA.

Aproveitamos para anunciarvos que o 27 de abril para as aulas de 3º E.P. e o 2 de maio para as aulas de 5º E.P. desenvolverase no centro un obradoiro que combina a educación ambiental coa robótica, na que os nenos/as descubrirán como xestionar os residuos de xeito responsable a través de retos cos WeDo 2.0 de Lego. Posteriormente poderase particpar nun concurso no que se compartan ideas entre os diferentes centros participantes para reciclaxe e o cuidado do medio ambiente.

A actividade é gratuita, podedes obter máis información na web do proxecto http://www.planetalimpio.es/ e está promovida pola Fundación Prosegur.

O mércores día 11 de abril, o Acuario Finisterrae fíxonos unha visita.

Trouxeron un tanque cheo de peixes e animais mariños procedentes da nosa costa: rodaballos, quenllas pequenas, estrelas, cabaliños, mexillón, vieiras,...

Contáronnos moitas cousas interesantes, e.... ademais puidemos xogar con eles. 

Foi estupendo!

VER FOTOS DA ACTIVIDADE 

O alumnado de educación primaria de 3ºB e 3ºC realiza unha visita didáctica ao MUSEO DE BELAS ARTES da Coruña.

O alumnado de educación primaria dos cursos 3B e 3ºC visita as instalacións do MUNCYT (Museo Nacional de Ciencia y Tecnología) como actividade complementaria da súa participación no Proxecto Voz Natura.

Esta semana o alumnado do colexio asistirá, no Pazo da Ópera, a unha representación dunha ópera de Rossini: "A Cincenta". En anos anteriores foron versións de Mozart, este ano tócalle ao compositor de Pesaro, vila na que naceu, e onde todos os veráns ten lugar o Festival que leva o seu nome. Coñecido polas súas óperas cómicas (El Barbero... La Italiana en Argel, la Cenicienta). Rossini conta tamén con outras óperas, menos coñecidos polo gran público, pero dunha gran complexidade musical como pode ser "A donna do lago". Esperemos que a función da Cincenta sirva para que o noso alumnado conecte coa ópera.