Ao longo das xornadas, usando cadanseu carnet QR, levamos a cabo unha serie de rutinas nas que empregamos "aplicacións online", que podes atopar no recanto de infantil desta mesma web.

Usando o Encerado Dixital Interactivo (EDI), coa web do colexio, cada día o encargado entra no recanto de infantil. Xa todos e todas sabemos como facelo.

Unha vez dentro, segundo o que vaiamos a facer, escollemos unha ou outra icona, que nos levarán as respectivas aplicacións

Para que coñezades como funcionan, contámosvos de seguido como empregamos estas tres aplicacións na aula.

Os nosos carnets QR:

Todos e todas temos os nosos carnets QR, que creamos ó comezo de cada curso. Ademais de sevirnos como modelo do noso nome, tamén nos permite acceder ás aplicacións que empregamos na aula.

Tan só temos que premer no botón correspondente da aplicación e pasar o código pola cámara, para que "suceda a maxia" e nos recoñeza.

Usamos o noso carnet tanto no calendario online, como no rexistro de libros da biblioteca de aula. Como xa vos comentamos antes, podes entrar en elas, así como no dicionario, desde o recanto de infantil.

Así usamos o "calendario online" para as rutinas do encargado:

En cada xornada temos un encargado, seguindo lista que temos na clase, é doado saber a quen lle toca, e canto tempo falta para que lles toque a cada un.

Porque ser o encargado é o máis importante que che pode pasar ;)

Cada mañá o encargado ou encargada, despois de ter accedido no recanto de infantil ao calendario, entra co seu carnet QR, para poder facer no mesmo as rutinas previas á asamblea: Ir tachando o día que toca, revisar que profes virán e que sucesos terán lugar ese día.

En ocasións, tamén temos que marcar determinadas datas sinaladas (aniversarios, celebracións, eventos especiais...). Deste xeito que podemos ir contando cantos días faltan para que cheguen a data.

Tamén marcamos cantos estamos na clase e cantos quedaron ese día na casa.

Anotamos o tempo metorolóxico que fai e a temperatura, que figura no noso termómetro da aula, para o que temos que introducir correctamente os números dos graos que sinala.  

Encántanos facer "tanteos", para ver quen adiviña o que vai gañando, na "carreira do tempo" cada mes; contando logo para comprobar quen acertou. Tamén observamos a gráfica das temperaturas, para ver se fai máis ou menos calor que o día anterior, e se vai subindo ou baixando.

O encargado completa o seu nome, ordenando as letras que aparecen todas mesturadas. Unha vez rematado contamos cantas letras ten e, se marca o número correcto, recibimos un aplauso.

Por último, o encargado fai un debuxo no que saia el mesmo, co que podemos ir observando como evoluciona a representación do seu esquema corporal. Sempre recibe consellos dos seus compañeiros e compañeiras para melloralo.

Encántanos premer o botón de imprimir, para poder levalo para casa, e revisar todos os que levamos feitos ata ese momento, na icona do ollo.

De cando en vez, comprobamos cantas veces faltamos cada un ao longo do mes. 

Despois da asamblea, tamén anotamos os mesmos datos nos nosos rexistros da parede, para poder telos a man ao longo da xornada.

Rexistrando os libros que levamos para casa, coa aplicación da "biblioteca online".

Os venres levamos para casa na nosa carpeta, un dos libros da biblioteca de aula. Todos eles teñen un número, que precisamos para "anotalo na aplicación online", e completar o rexistro en papel.

Por parellas, vamos introducindo o número do libro que escollemos na aplicación é usando cadanseu carnet QR, tal como se indicou anteriormente, rexistramos o libro que levamos. Unha vez feito xa podemos premer a icona para imprimir a portada.

Usamos esa portada impresa, unha vez recortada, para pegala e completar o noso rexistro en papel, onde anotamos segundo a idade, e respectando a hipótese lecto-escritora na que se atopen: o seu nome, o título do libro, o día, o número do libro...

Logo xa só queda metelo na carpeta e levalo para casa. 

Á volta, despois do fin de semana, rexistramos ben na mesma aplicación ou coa tablet (scaneando o código QR do libro), que o estamos a devolver.

Completamos o dicionario xigante, coa aplicación de "dicionario online"

Xunto aos compañeiros e compañeiras de EI1, completamos ó longo do curso un dicionario xigante, no que anotamos as nosas palabras favoritas con cada letra.

Despois de dicir palabras entre todos e todas, imprimímolas usando a aplicación do "dicionario online", para elo temos que escribilas correctamente co teclado. Obtemos unha fotografía grande e varias pequenas (segundo se acorde).

Pegamos a imaxe grande no dicionario xigante, escribindo debaixo a palabra.

Empregamos as pequenas, que temos que recortar, para pegalas no dicionario individual, que comezamos en 3 anos e rematamos en 5 anos, de xeito que podemos observar a nosa evolución e maduración lecto-escritora co paso do tempo.    

Para escribir as palabras, das imaxes que pegamos (segundo a idade), usamos o modelo que escribíramos antes no dicionario xigante.

As aplicacións online empregadas atópanse en www.recursoseducativos.net, web creada polo mestre de EI2, que están dispoñibles de forma gratuita, para seren empregadas por calquera que as precise na súa aula, xunto con moitas outras.

Ola! Xa estamos de volta cunha nova publicación no blog de EI1 para contarvos un pouquiño máis sobre as actividades que fixemos en outubro.

Como parte da nosa rutina, fixemos as actividades sorpresa do calendario que elaboramos día a día. Como parte das mesmas, este mes chamamos por teléfono, clasificamos e contamos bombillas de cores, construímos os nosos propios edificios, xogamos con trenes e con peixes...

Tamén chegamos moi moi sucios a casa porque estivemos axudando a pintar no colexio. Ao lado da pista de baloncesto estamos facendo un mural cunha paisaxe de montaña, e como nos gusta moito mancharnos de pintura de pes a cabeza, ofrecémonos en seguida a pintar unha parte.

Pero non só pintamos fóra da aula, pintamos dentro. Cun bote de témperas, caixas de cartón e vasos; fixemos unha chea de cícrculos para decorar o material de almacenaxe. Ademais, tamén decoramos as letras para o mural onde diariamente poñemos os puntos por traer merendas saudables ao colexio.

Pero como mancharnos de pintura non nos chegou, tamén trasteamos moito con plastilina. Aprendimos diferentes formas de manipulala, pero ademais, tamén a usamos para escribir, facendo o noso nome poñendo en práctica as técnicas aprendidas.

Continuamos tamén co traballo de conciencia fonémica, silábica e léxica; e como novidade, empezamos a traballar cos nosos tapóns das letras. Con estes tapóns fixemos de todo, dende crear sílabas ata inventar palabras tan difíciles que nin o profe era capaz de pronunciar.

Celebramos os cumples de Eloy e Xose, un momento que todos e todas levaban agardando dende o día 1 do mes. Como xa sabedes, fixemos unha tarta todos xuntos e tamén os agasallos para os nosos compañeiros; deixando todo preparado para a gran festa que celebramos despois.

E por último, pero non menos importante, este mes implantamos unha nova rutina na nosa clase: a contrasinal. Todos os días o encargado ou encargada, escolle unha contrasinal tendo en conta cal e a letra da semana, e no caso de ser unha consoante, combinandoa coas distintas vogais que xa coñecemos.

E con isto pechamos a entrada do blog deste mes. Recordade que as fotos que publicamos aquí son só algunhas de todas as que temos, se queredes ver máis, as tedes subidas na galería fotográfica do colexio.

Ata a próxima publicación!

No mes de outubro, na nosa aula sucedeu todo isto, que xa vos comentamos en entradas anteriores:

27/10/22: [Infantil xuntos] (2022-2023) Polo Samaín enchemos o corredor de arañas e participamos nuns obradoiros terroríficos 
21/10/22: [Infantil xuntos] (2022-2023) Así celebramos os aniversarios do mes de outubro 
13/10/22: (2022-2023) Xa temos os nosos equipos cooperativos organizados. Queres coñecelos?

Pero ademais tamén tivo lugar todo isto, que vos contamos de seguido:

Preparamos un novo "dicionario xigante", para poder ir completándoo, cada semana, coas nosas plabras favoritas.

Empregando a aplicación online do dicionario, escollemos cada semana as nosas palabras favoritas dunha letra, imprimindo unha imaxe en grande que pegamos no dicionario xigante. Tamén imprimimos o número que acordemos da mesma imaxe "en pequeno", para poder usalas no noso dicionario individual.

Polo día das Bibliotecas participamos nunha charla, organizada polos compañeiros e compañeiras de 5º e 6º,  sobre o usuo da mesma; posto que son os "axudantes" oficiais.

Creamos unhas máscaras terroríficas, que levamos para casa, como complemento a todo o traballo feito polo Samaín, que xa vos contamos nas entradas anteriores.

Participamos no pintado do mural, xunto cos restantes compañeiros e compañeiras do colexio, onde se instalará o rocódromo.

Desenvolvimos as nosas habilidades creativas pintando con témpera.

Algunhas veces de modo libre...

... e outras estampando obxectos que tiveran determinadas figuras xeométricas, como círculos.

Continuamos a traballar en equipos cooperativos, facendo a correspondente avaliación figuro-analóxica ó rematar cada sesión de traballo. 

Coa chegada do mes de outubro anotamos no noso calendario online, unha das datas que máis estabamos a agardar: A celebración da festa do Samaín.

Pero antes do día da "festa", había de decorar o corredor de infantil para que fose o máis terrorífico posible. Nesta ocasión encheríamolo todo de arañas.

Pintamos unhas árbores xigantes...

... das que penduraría unha araña "enorme". Tranquilos que non morde ;)

Tamén creamos unhas arañas coas nosas caras "de medo", para pendurar do teito do corredor.

E por suposto, non podían faltar as "teas de araña" de onde penduralas. Creámolas cun globo, la e cola.

Con todo rematado, chegou o momento de penduralo e "decorar o noso corredor", para convertilo nun lugar moi terrorífico.

Así quedou a nosa entrada "coa araña terrorífica". Había que entrar a través das teas de araña que facía.

Unha vez dentro, estaba todo cheo de arañas coa nosa cara.

Fomos traendo, ó longo dos días, as nosas cabazas terroríficas, para poñelas na exposición, xunto ás de tódolos compañeiros e compañeiras de todo o colexio.

Se queres ver como quedou a exposición, podes vela no seguinte vídeo.

Tamén creamos a nosa propia cabaza en Infantil 2, neste caso decidimos que fora unha "cabaza porco", terrorífica eso si, pero moi porca, por todo o que tiña dentro ;).

Lembra que podes ver moitas máis imaxes de como preparamos o Samaín en infantil, no seguinte álbum da galería fotografíca:

(2022-2023) ÁLBUM CON FOTOGRAFÍAS - Celebramos o Samaín en EI

Finalmente chegou o día da celebración do Samaín, ese día todos e todas viñemos disfrazados "dando medo".

Participamos tamén nos obradoiros do Samaín, xunto cos compañeiros e compañeiras de todo o colexio.

Cociñamos comida terrorífica:

Miramos curtametraxes de medo:

Creamos un monstruo con 5 ollos:

E no obradoiro do fotomatón...

... fixemos todas estas fotografías. Podes velas facendo click nas seguintes imaxes:

Aproveitamos para meter os nosos medos no "Erizombie".

Non nos esquecimos de votar ás nosas cabazas favoritas de toda a exposición.

Na hora da merenda, antes de ir ó recreo, rematada a nosa participación nos obradoiros, puidemos degustar a "comida terrorífica", que fixéramos no correspondente obradoiro.

Despois do recreo chegou o momento de coñecer quenes eran os gañadores e gañadoras das cabazas favoritas de tódolos compañeiros e compañeiras do colexio, así como dos diplomas ás máis orixinais.

Pasámolo "de medo", unha lástima que teñamos que agardar outro ano para ter unha nova festa do Samaín.

Podes ver como foi a celebración do Samaín en todo o centro, cos obradorios e exposición de cabazas, na seguinte entrada:

(2022-2023) Celebramos o Samaín participando nuns obradoiros terroríficos

No mes de outubro cumpriron anos os nosos compañeiros ELOY e XOSE, polo que eles foron os encargados, coa axuda de todos e todas, de preparar unha tarta para convidar a tódolos compañeiros/as nunha fantástica festa.

Os compañeiros e compañeiras das súas aulas preparáronlle unhas camisetas de agasalo fantásticas.

Os homenaxeados escolleron do libro de receitas a súa tarta favorita e, cos ingredientes que trouxeron, un día antes da celebración, prepararon a tarta seguindo os pasos da receita elexida. 

Tódolos compañeiros e compañeiras colaboraron na súa elaboración.

Podes ver tódalas fotografías na Galería Fotográfica, desde aquí.

Despois dun día no frigorífico xa estaba a tarta lista para a celebración. Tan só faltaban os detalles de última hora.

Pero antes había que soprar as candeas, e escoitar como lles cantabamos o "cumpleanos feliz" e o "parabéns para ti".

E por fin chegou o momento de que os homenaxeados repartiran a tarta entre os seu convidados e convidadas.  

Xa só temos que agardar á seguinte celebración dos aniversarios, a finais do mes de novembro.

Por fin chegou o momento de organizar os primeiros "equipos cooperativos" deste curso, neles traballaremos en determinados momentos, para chegar a acordos de forma dialogada e así "acadar a tarefa proposta".

Cando cada quen soubo en que equipo lle correspondía estar, chegou o primeiro "encargo" para cada un deles: Chegar a un acordo do nome que tería o seu equipo. Todos e todas, dentro do equipo, tiñan que estar dacordo coa decisión tomada.

Despois dun "tempo de debate", nuns casos máis longo que noutro, este foi o acordo ó que chegou cada un deles.

Equipo "PERROS SALCHICHA".

Equipo "OVELLA".

Equipo "CABALO".

Tomada a importante decisión de saber como se chamaría cada quen, o seguinte foi acordar de cor pintarían o seu "penel de equipo". Unha vez feito, tiveron que acordar como poder pintalo entre todos e todas, coordinando os seus movementos, de xeito que todos e todas participasen no traballo.

Cos paneis xa secos, ao día seguinte, cando voltamos a organizarmos "en equipos", comezamos a completar cadanseu panel:

Pegando a foto: Cada equipo tivo que decidir quen se levantaría a collela, así como que farían con ela os restantes integrantes do mesmo. Sempre falando e chegando a un acordo.

Pegar o nome do equipo panel: Escollendo o que se correspondía entre os que había dispoñibles. Acordando como ir organizando no espazo dispoñible, todos os elementos a incluír no panel.

Escribir, buscar e imprimir unha imaxe "representativa do equipo": Usando o panel como referencia, non foi dificil escribir correctamente a palabra, para atopar imaxes onde escoller. 

O que non resultou tan "doado", foi escoller, de forma acordada, que imaxe quería cada equipo ;)

Coas imaxes pegadas nos paneis, quedaron listos para usalos no taboleiro de "avaliación figuroanalóxica".

Velaquí podde ver como quedaron, unha vez rematados, os paneis dos tres equipos. Cos nomes dos integrantes escritos no mesmo.

Rematado este primeiro traballo en equipo, chegou o momento de que cada un fixera a "auto-avaliación figuroanlóxica", escollendo de forma dialogada e acordad, que "icona pegar" nos diferentes apartados:

• Traballamos todos
• Chegamos a acordos falando
• Recollemos o material
• Rematamos a tempo.

A partir de agora, usaremos estes equipos para traballar en diferentes momentos, por exemplo nalgúns pasos das investigacións (proxectos de traballo), nos experimentos... 

Seguro que leredes sobre eles en futuras entradas publicadas neste blog.

Xa estamos de volta! Inauguramos un novo curso con moitas ganas e moita enerxía. Xogamos, recordamos, falamos e compartimos todo o que nos pasou no verán; pero pouco a pouco, retomamos o traballo que comezamos o curso anterior recordando as distintas rutinas, e sobre todo facendo repaso do que xa sabemos para calentar motores. Os nenos, as nenas e o profe; xa estamos listas! Comezamos!

NORMAS DE AULA

Un dos temas principais que tratamos este mes foron as normas de aula. Coñecer ben as normas, non só é bo para favorecer a convivencia, senón que nos axuda a crear unha rutina, entender cales son os distintos tempos que manexamos na aula e poder disfrutar do tempo de ocio sen molestar aos demais compañeiros e compañeiras. No noso caso, acordamos as normas en asamblea, ademais de cales serían as consecuencias no caso do incumprimento das mesmas. Tras chegar a un acordo e comprender a sua importancia, fixemos unhas fotos para facer un gran cartel coas normas na entrada da nosa aula, que quedou chulísimo!

ORGANIZACIÓN DE AULA

Igual que é preciso ter unhas normas para saber como comportarnos, tamén e moi importante saber que lugar ocupa cada cousa, que material temos, como utilizar as ferramentas de aprendizaxe que temos na aula. Para facelo, diseñamos unha serie de pegatinas que fomos colocando nos distintos rincóns da aula para saber cal é a bandexa de cada un, onde vai cada xoguete, cal é o sitio onde nos sentamos... Xa que ademais, como algúns xa sabedes estamos de reformas na aula, polo que foi unha necesidade acordar como organizar os novos espazos.

XOGOS COAS FORMAS E LÓXICA-MATEMÁTICA

Algunhas das actividades que máis éxito tiveron o curso pasado, foron as relacionadas coa lóxica-matemática. Por iso, este ano as retomamos, pero engadindo unha nova modalidade de xogo cos bloques lóxicos. Estes bloques permiten traballar de forma manipulativa distintos coñecementos básicos como son as cores, os tamaños, as formas... E este curso, entre outros xogos, usaremos estes materiais para seguir ampliando coñecementos ao mesmo tempo que o pasamos xenial.

CUBREMOS O PASAPORTE DA ESCOLA 

Durante as primeiras semanas de colexio, recorremos o colexio como tolos en busca das pegatinas necesarias para cubrir o noso pasaporte. Estas busquedas nos levaron a sitios tan variados como a clase de inglés, de música, a biblioteca da escola... Esas pegatinas foron acompadas de fotos para recordar estes primeiros días, e como non, para ter o noso pasaporte en vigor para viaxar por todo o colexio.

REDECORAMOS A AULA

Un curso novo, pide unha clase nova, e iso é tamén no que estamos a traballar. O primeiro que abordamos e a porta da clase, onde puxemos os nosos nomes escritos ao men, acompañados da tradicional foto que nos sacamos o primeiro día de clase. Pouco a pouco, imos decindo tamén que imos a cambiar e que imos a necesitar, poñendo a prioridade en aprender a reutilizar aquilo que cumpra as condicións para facelo.

ESTAMOS DE MUDANZA

Para dentro co novo! Coa axuda de todos os profes do cole, é especialmente da profe Zaira, renovamos todos os mobles da nosa aula; cambiando os vellos por uns máis accesibles e adaptados aos nenos e nenas. Pero estes detalles interesaron ben pouco no momento, xa que o que todos queriamos facer, era botar os mobles vellos fora. Polo que as nosas forzudas e forzudos de EI, sacaron os músculos a pasear para poñer os mobles fora da aula.

XOGAMOS COS FONEMAS, SÍLABAS E PALABRAS

Como parte do repaso do aprendido o curso anterior, tamén fixemos moitos xogos para traballar a conciencia léxica, silábica e fonémica. No caso das fotos, podemos ver aos nenos e nenas xogar, en primer lugar, con tapóns coas letras escritas nos mesmos. A cousa partiu como unha competición para ver quen era capaz de facer máis palabras, pero tamén deu pé a un montón de palabras inventadas e divertidas que se daban combinqando e xogando coas letras dos tapóns. Tamé, xogamos a un xogo da oca moi especial onde, para avanzar, tiñamos que pensar e poñer en práctica todo o que sabemos sobre as letras. Se queredes xogar na casa, podedes acceder a este recurso no apartado de xogos de Educación Infantil.

CELEBRAMOS OS CUMPLES DE SETEMBRO

Outras novidade de este curso, e que imos a retomar a cociña na aula. E que mellor momento para fácelo que celebrando os cumples de setembro? Nesta ocasión os homenaxeados foron Carlota e Diego, que non so elixiron unha tarta deliciosa, senón que ademais recibiron unhas camisetas e coroas chulisimas, feitas con agarimo polos seus compañeiros e compañeiras.

E isto e todo... por agora. En un mes volveremos con máis fotos e máis novas do que vai sucedendo na escola! Ata pronto.

No mes de setembro, nas primeiras semans deste curso, na nosa aula sucedeu todo isto, que xa vos comentamos en entradas anteriores:

• 09/09/22: (2022-2023) Xa estamos aquí de novo. Queres coñecer aos novos compañeiros e compañeiras?
• 19/09/22: (2022-2023) Damos a volta ó cole... nunha semana 
• 28/09/22: (2022-2023) Acordamos as normas da aula: dramatizámolas para crear un panel con elas
• 30/09/22: (2022-2023) Celebramos os aniversarios do mes de setembro 

Pero ademais tamén tivo lugar todo isto, que vos contamos de seguido:

Nos primeiros días axudamos ós novos compañeiros e compañeiras a descubrir todo o que podíamos facer na aula, establecendo novas relacións de amizade e complicidade con eles e elas.

Comezamos a levar a cabo as rutinas diarias da aula: lavado de mans, merendas, momentos de xogo, recoller o material... 

Creamos os nosos carnets QR, que empregaremos todo o curso para as rutinas do encargado, no calendario online, ou o préstamo de libros para casa coa aplicación online. Ambas podes atopalas no recanto de infantil desta mesma web.

Por quendas comezamos a completar as responsabilidades cando nos toca ser encargados: completar o calendario online, os rexistros da clase, darlle a comida á tartaruga "Raio", organizar a fila...

Creamos as nosas bandexas para a merenda, escollendo a imaxe que máis nos gustaba.

Organizamos o material da aula, aprendendo e lembrando como usalos e onde gardalos, para poder usalos todos e todas.

Cambiamos a foto de grupo que temos na porta, para incorporar ós novos compañeiros e compañeiras. 

Todos e todas asinamos na mesma, de seguro que nos sorprende ver os nosos nomes escritos "deste xeito", dentro dunhas semanas. 

E tamén creamos unha foto "máis peqena", para levar ás nosas casas, nas que escribimos o nome dalgún dos nosos "amigos e amigas" e "INFANTIL 2".

Comezamos a levar os venres, libros da biblioteca de aula para casa, usando os nosos carnets QR na aplicación online de préstamos; coa que podemos conseguir a portada, escribindo o número do libro...

... para usala logo no rexistro en papel. 

Finalmente tamén completamos un horario con "mini-fotos", dos mestres e mestras que veñen a nosa aula cada día.

Agora xa o temos nas nosa casas. Así podemos saber que sucederá cada día antes de vir ó colexio.

Nas vindeiras semanas continuaremos contándovos todo o que vaia sucedendo na nosa aula: como organizaremos os equipos cooperativos, que investigación queremos comezar, como participamos na festa do Samaín e do Magosto.

Neste mes de setembro cumprían anos os nosos compañeiros CARLOTA e DIEGO, polo que elas serían os encargados, coa axuda de todos e todas, de preparar unha tarta para convidar a tódolos compañeiros/as nunha fantástica festa.

Os compañeiros e compañeiras da súa aula preparáronlle unhas camisetas de agasalo fantásticas.

As homenaxeadas escolleron do libro de receitas a súa tarta favorita e, cos ingredientes que trouxeron, un día antes da celebración prepararon a súa a tarta seguindo os pasos da receita elexida. 

Despois dun día no frigorífico xa estaba a tarta lista para a celebración.

Non sen antes soprar as candeas correspondentes.

As homenaxeadas foron repartindo a tarta entre os seus convidados.

Como fin de festa, gusanitos, patacas fritidas e zume.

Xa queda menos para  a seguinte celebración, a finais do mes de outubro.

Despois duns días na aula, adicamos unha semana a decidir e actualizar o "panel das normas" da aula.

O primeiro foi decidir, a través do diálogo entre todos e todas, cales son as "cousas" que sí podemos, ou non podemos, facer na clase.

Unha vez decididas, e dictadas ó profe, preparamos o panel das normas pintándoo con témpera por equipos. Tivemos que chegar a acordos para "non mesturar as cores" e coordinar os nosos movementos.

Co traballo rematado, e mentras secaba o panel, adicamos un anaco a limpar as mesas que empregaramos para pintar. 

Tamén tivemos que "dramatizar" cada unha das normas acordadas, tomando "unha fotografía de cada unha delas" para, unha vez imprimidas; poder ir pegándoas no panel de cores que pintáramos entre todos e todas.

Novamente tivemos que acordar, a través do diálogo, onde poñer cada unha delas, contándoas a medida que as engadíamos ó panel.

Coas fotos xa pegadas, o seguinte foi "escribir" o texto da norma que se correspondía a cada unha delas.

Así quedou o panel das normas unha vez rematado.

Para poder explicar as normas ás nosas familias, fixemos a nosa versión "individual" das mesmas, pegando as fotografías na mesma orde e cor, en que se atopaban no panel.

Pegando algúns textos, e escribindo outros, rematamos tamén o noso panel de normas individuais.

Agora xa temos as nosas normas, decididas entre todos e todas, listas para seren consultadas cando as precisemos.