A finais do mes de maio participamos nunha experiencia onde a cociña, a literatura e o arte combinábanse dun xeito moi orixinal e creativo.

E o que mais nos gustou a todos: cos alumnos maiores do colexio, os nenos e nenas de 6º curso.

Esta proposta formou parte da nosa participación no Salón do Libro, no que nos regalaron un lote de libros para as nosas bibliotecas de aula e nos propuxeron facer este traballiño para presentalo os membros de OQO editora a nivel europeo.

E aquí comeza a nosa aventura!!!!

 

 

Sí, sí!! mirades ben!, andamos todos intrigados polo que estará escondido debaixo das bolsas amarelas....ésta é a clave da actividade!

Esta longuísima mesa estaba chea de todo tipo de alimentos..incluídas chuches..pero....

 

 

non eran para comer, non! eran para crear con eles as portadas de 6 contos de OQO, que os nosos compañeiros de 6º, distribuídos en diferentes equipos, previamente nos contarían.

Así, feitos os seis equipos,  e unha vez decidido onde contar as historias,comezamos!!!

E unha vez contadas as historias, pasamos a escoller os alimentos para darlle forma á portada do conto que a cada equipo lle correspondía.

 

 

E así nos quedaron as portadas..

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Qué traballiño nos deu! pero os resultados foron increíbles..

e feitas as portadas, o traballo continuaba pois tiñamos que volver a reunirnos para unha nova lectura do conto e tomar nota dos alimentos que nel aparecían para debuxalos ou recortalos en revistas, ademáis de decidir as pistas que escribiríamos.

 

 

 

 

 

 

 

 

En breve vos amosaremos cómo quedou o noso libro !!

 

 

O pasado xoves 13 de xuño fixemos a celebración dos cumpreanos de xuño. E tocoulle  soprar as  candeas a... Aroa, que cumpriu 6 anos e.....

David, que cumpriu 4.

              

Eles elixiron para celebralo as trufas de chocolate, así que o día anterior,con axuda dalgún compañeiro máis, as elaboraron.

E o xoves, as degustamos todos xunto coas patatiñas, gusaniños e zumes. 

 

E non tardamos en repetir pois na semana seguinte, con motivo do fin de curso e de que algúns compañeir@s cumpren anos no vran e algúns xa non estarán o próximo curso con nós pois pasan para primeiro, tamén tiveron a súa celebración de cumpreanos, o último día de clases.

Esta vez tocoulle celebralo a Carla e Iván, de Infantil 1 e Diego Heras, Diego Pitalis, e Laura, aínda que o día da celebración Laura púxose enferma e non puido vir. Pero non te preocupes Laura, que en setembro o celebramos!

Eles tamén elixiron trufas de chocolate, pero con distintas formas.

E tamén tiveron os seus axudantes, pois ademáis nesta ocasión fixemos máis cantidade por ser tamén a festa de despedida.

Xa desfeitos os sobaos e madalenas, pasamos a mezclalos coa leite, azucre e cacao, para darlles forma.

 

E aquí estamos soprando as 5 candeas Iván e Diego P.

e as 6 candeas Carla e Diego H.

E entre dedicatoria e dedicatoria para os compañeiros de 6º que viñan pola aula, celebramos a nosa festa como tan ben sabemos facer, comendo, rindo e cantando!

Felicidades rapaces e bo verán a tod@s!!!!

Ó longo dos últimos meses estivemos a desenvolver en ámbalas dúas aulas de infantil, tal como vos contamos en entradas anteriores, un proxecto de investigación sobre a prehistoria e os petroglifos, dos que podes atopar máis información aquí ou nos recantos de infantil 1 e 2.

Proxecto de investigación sobre a prehistoria: Os petroglifos.

11/05/14: [INFANTIL 2]  (2013-2014) Iniciamos o noso proxecto de investigación sobre os Petroglifos  

18/05/14: [Infantil xuntos] (2013-2014) Investigamos sobre os petroglifos: visita ó Parque Arqueolóxico  

07/06/14: [INFANTIL 2]  (2013-2014) Continuamos a investigar sobre os petroglifos e comezamos a preparar o noso museo 

08/06/14: [INFANTIL 1]   (2013-2014) Nós tamén andamos inmersos na prehistoria! - Así foi o inicio de proxecto 

21/06/14: [INFANTIL 2]   (2013-2014) Rematámo-la nosa investigación sobre os petroglifos e preparámo-lo noso museo e exposición  

21/06/14: [INFANTIL XUNTOS] (2013-2014) Contándolle ó mundo o que descubrimos: participamos na xornada de portas abertas "Descubrindo a prehistoria" [con vídeos] 

O obxectivo final era participar na xornada de portas abertas organizada no centro: "Descubrindo a prehistoria", de seguida contarémosvos cal e como foi a nosa presenza nas mesmas.

 

BENVIDOS E BENVIDAS Ó NOSO MUSEO: "OS PETROGLIFOS"

Despois de tanto investigar e de tanto traballo, por fin tiñamos listo o noso museo para comezar a recibir visitas.

 

 

Tiñamos tamén preparados, e axeitadamente identificados ós guías da nosa exposición-museo, dispostos a respostar calquera dúbida que puidese xurdir.

 

Uns últimos retoques á exposición de petroglifos antes da chegada do primeiro grupo de pais/nais visitantes... Teríamos ata catro grupos!!

 

Tamén estaba preparado o panel e mapa, que explicaba onde se atopaban os petroglifos da nosa exposición no mundo.

 

Outra das "salas" do museo estaba adicada ós petroglifos en "land-art" que creamos na natureza. Podes atopar máis información aquí.

 

Os visitantes poden tamén coñecer a "historia" do noso museo, que pasos demos ata chegar a construilo e de que xeito o fixemos.

Estaba todo listo, e despois de visita-las diferentes exposicións que fixeran os compañeiros e compañeiras de outros cursos no centro, ó longo de toda a mañá do día 19 de xuño, comezaron a chegar os catro grupos de pais/nais ó noso museo.

 

COMEZAN A CHEGAR OS GRUPOS Ó NOSO MUSEO:

En cada un dos catro turnos, a parella de guías foi cambiando, entre aqueles de nós que quixemos asumir esa gran responsabilidade.

En cada visita fomos explicando a nosa investigación, que eran os petroglifos, o land-art, onde estaban no mundo... e ata como usar, "cun exemplo práctico", os códigos QR que había ó lado de cada petroglifo. 

 

Pero cando remataba a visita ó noso museo non terminaba o noso traballo, aínda nos quedaba dar unha "conferencia" para tódolos visitantes, menos mal que nesta ocasión so había que repetila dúas veces :)

 

DAMOS UNHA CONFERENCIA SOBRE OS PETROGLIFOS:

Unha vez rematada a visita guíada polas exposicións de todo o colexio, na sala de usos múltiples, tivo lugar unha serie de actos: unha representación teatral sobre a prehistoria, unha sobre Stonehenge (en inglés) e ata unha charla-coloquio sobre "os ritos funerarios na prehistoria"... e entre elas tamén estabamos nós, cunha conferencia sobre os pretroglifos.

Tódolos compañeiros e compañeiras de infantil fomos os conferenciantes deste grande acontecemento, no que as nosas familias e compañeiros foron o público convidado.

 

Un a un fomos contando en primeiro lugar como decidimos comenzar a investigar sobre os petroglifos.

 

Para ir explicando, coa axuda duna presentación con imáxes e texto, todo o proceso que seguimos ata crear a nosa exposición.

 

Na metade da conferencia demos paso a uns "documentais de creación propia" nos que contabamos cousas sobre os petroglifos. O primeiro deles amosaba o que pensabamos que eran os petroglifos antes de comezar a investigación.

 

Algunha das nosas ideas previas fixeron moita gracia... queres velo?, aquí tes o vídeo que empregamos na nosa conferencia.

 

VÍDEO: QUE SABÍAMOS DOS PETROGLIFOS?

 

Cando rematamos este vídeo amosamos outro no que, unha vez rematada a investigación, contabamos todo que xa sabíamos agora dos petroglifos. Queres ver a diferencia entre ambos?, podes ver este segundo vídeo na seguinte ligazón.

VÍDEO: ESTO É O QUE SABEMOS AGORA DOS PETROGLIFOS

 

Rematada a proxección dos vídeos, explicámoslles ós visitantes como se chamaban os petroglifos que descubrimos e que estaban na nosa exposición.

 

O auditorio quedou moi sorprendido de cantos eran e en cantos países tan diferentes había petroglifos.

 

Recibimos un gran aplauso de todos por facer un traballo tan fantástico. 

 

Lembra que aínda que rematasen as clases, podes visitar o noso museo pola mañá durante esta última semana de xuño, eso si sen visitas guiadas :), que os nosos guías e conferenciantes desfrutan das súas merecidas vacacións despois de traballar a reo todo este tempo.

Este ano, como saída de fin de curso, visitamos Arboretum, un Xardín Botánico en Vigo. Pola tarde despois de comer pasámolo xenial no parque de bolas "Indiana Bill" en Nigrán. 

De seguido podes ver todo o que fixemos nesta fantástica saída de despedida de curso.

O autobús estaba agardándonos para comezar a nosa viaxe, xunto ós compañeiros e compañeiras de primeiro e segundo. Ía ser unha viaxe un pouco longa porque tiñamos que chegar ata Vigo.

 

Cando chegamos, o primeiro foi deixar a nosas mochilas e prepararnos para participar no obradoiro de plantación.

 

Explicáronnos que iamos plantar unha leituga chamada "folla de roble", porque as súas follas eran moi semellantes ás follas dos carballos.

 

Cada un de nos preparou o seu testo...

 

... que por quendas fomos enchendo con terra para poder prantar a nosa leituga.

 

Despois de plantar a nosa leituga, e do merecido descanso para a merenda, Olivier acompañounos na nosa visita polo Xardín Botánico contándonos cousas moi interesantes.

 

Como por exempolo que había unha árbore cunhas follas que cheiraban moi ben.

 

Tamén nos contou como as plantas ás veces tiñan que "pelexar" polo espacio para poder sobrevivir, empuxando ás outra ocupando o seu espazo.

 

Aprendimos que había prantas acuáticas que por dentro eran esponxas, outras que non tiñan raíces e ata algunhas tan grandes que poderíamos sentarnos enriba delas.

 

Descubrimos que un bosque de bambú podía convertirse nun labirinto fantástico.

 

Despois de despedirnos de todos e todas e de recoller as nosas macetas, voltamos ó autobús para dirixirnos a "Indiana Bill" onde, en canto chegamos, nos puxemos a comer... que xa eran horas ;)

 

Cando rematamos chegou o momento que todos e todas estabamos a agardar, por fin iamos xogar no parque de bolas.

 

Antes de marchar, unha foto de familia para despedir esta fantástica saída, como sempre diante da boca do crocodilo.

 

 

 

O pasado mércores 28 de maio recibimos unha visita super especial nas aulas de Infantil: os nenos e nenas da Galiña Azul de entre 2 e 3 anos, e que no próximo curso, a meirande parte de eles formarán parte xa das nosas aulas, e por suposto as súas profes, que con tanto cariño recordamos.

Pero esta visita  a estivemos preparando previamente da seguinte maneira.

-As dúas aulas xuntas falamos do tema,

e ante a preocupación dunha nena de saber cómo se chamaban os nen@s e cómo eran, vimos as súas fotos, que as profes da Galiña azul nos pasaran.

Pegamos as súas fotos en cartulinas xunto cos seus nomes, para telos a man en todo momento.

 

-Decidimos entre todos qué espazos do colexio lles ensinaríamos, e cada un dos nen@s de 5, por parellas encargaríanse de contarlles  o que sucedía nestes espazos e aulas.Tamén en gran grupo, llo fumos dictando aos profes, que o anotaban no ordenador.

 

-Cada equipo de cada unha das aulas escolleu a un neno ou nena da Galiña azul dos que se converterían en padriños e lles farían un regalo: un marco de fotos no que pegaríamos unha foto de grupo que nos faríamos ese día da visita.

O equipo dos renos escriben no seu corazón o nome do neno que apadriñarán e ao que lle farán o regalo.

 

  Aquí estamos nunha das aulas observando todo o material para elixir. A consigna era catro ou cinco materiais diferentes.

-Cada equipo, pintou o seu marco elixindo previamente dúas cores e escribiu os materiais que utilizaría para decoralo e finalmente o decorou.

 

Tamén fixemos un rexistro individual dos materiais, cores, nome do neno apadriñado e un debuxo del/a.

A medida que tiñamos os materiais elixidos os iamos tachando.

 

Tamén escribimos os nomes de cada un de nós por detrás do marco así como o nome do neno agasallado.

 

E chegou o día da visita:

Os nen@s de infantil esperábamos entusiasmados polos nosos futuros compañeir@s.

 

 

 

E como acordáramos, lles ensinamos algúns espazos do colexio..

 

 

En informática Sara e Yaiza lles contaron as cousas que facemos neste aula.

Aroa e Marcos lles presentaron a Dora Lectora a mascotada biblioteca e lles contaron algunha cousiña máis.

 

 

Tamén estivemos na aula de música, onde lles tocou o turno a Eva e David.

 

Xa nas aulas de novo, lles amosamos fotos sobre diferentes actividades na escola e tamén fora dela, como as saídas e excursións.

E finalmente, cada equipo, sentado co seu neno apadriñado, se encargou de recortar e pegar a foto de grupo que todos xuntos nos fixéramos ó comezo da visita, para que así os nosos compañeiros se leven un estupendo recordo.

 

 

 

 

 

 

A seguinte actividade era ir ao pabellón a facer xogos co paracaídas pero comezou a chover e tivemos que quedar nas aulas xogando por recantos, pero tamén o pasamos todos moi ben, especialmente os nosos visitantes que así se van familiarizando cos distintos recantos das aulas.

Encantounos que nos viñeran visitar e resultou unha xornada estupenda!!

 

 

 

 

No mes de maio tivemos de cumpreanos á nosa compañeira YAIZA de Infantil 2.

Yaiza escolleu do libro de receitas, a tarta de galletas así que trouxo de casa todo o necesario para a festa.

Como era ela soa a homenaxeada, tivo en todo momento axudantes que se ofreceron voluntarios para facer a receita.

 

Xa molladas as galletas en leite, había que extender as natillas de vainilla sobre a primeira capa.

 

E ó rematar, cubrila con chocolate fundido e decorala con lacasitos e froita, neste caso prátano.

 

Ó día seguinte, Yaiza soprou as 6 candeas e celebramos a festa como sempre facemos, con moitas cousas ricas e sobre todo con moita ledicia!!

 

Nesta ocasións  foron moitos os que quixeron repetir e Yaiza tiña que contar e recontar para que o que quedaba o repartíramos ben.

Xa estamos desexando que chegue pronto o próximo cumpre!! 

 

 

O 16 de maio celebramos no colexio o Día das Letras galegas e dos Maios. Como cada ano os de infantil participamos nestas celebracións, nesta ocasión facendo todo isto:

 

COÑECENDO A XOSÉ MARÍA DIAZ CASTRO:

Este ano o autor homenaxeado no Día das Letras galegas era "Xosé María Díaz Castro" que, tal como contaba na súa biografía, se inspiraba na natureza para escribir os seus poemas.

Nas dúas aulas, empregando equipos cooperativos, escribimos en "bocadillos de comic", en qué elementos da natureza podería estar a pensar o autor hemenaxeado.

E logo un representante de cada equipo leu aos demais as palabras que eles escolleron.

 

Cada equipo escolleu unha das súas palabras e escribiuna, dentro dun "bocadillo de comic" no mural sobre Xosé María Díaz Castro que estabamos a facer no corredor de infantil.

 

Así de fantástico quedou coas caricaturas, un poema e as palabras "DÍA DAS LETRAS GALEGAS" e "XOSÉ MARÍA DÍAZ CASTRO"

feitas con margaridas por cada un dos equipos de ámbalas dúas aulas.

                

              

 

A NOSA CONTRIBUCIÓN Ó "POEMA DE POEMAS" DE  XOSÉ MARÍA DÍAZ CASTRO:

Para homenxear ó autor o día da celebración, a biblioteca do centro organizou unha actividade que consistía en escribir entre tódolos cursos un "poema de poemas", formado por estrofas de diferentes creacións de Xosé María Díaz Castro. A nós tocábamos escribir a última estrofa do poema.

 

Escollimos unha estrofa dun poema do autor, e buscamos nel palabras relacionadas coa natureza, e debuxamos a súa caricatura.

 

Transcribimos a nosa parte do "poema de poemas" no gran papel que xa fora completado polo resto do colexio.

Agora tan só quedaba recitalo o día da celebración das letras galegas. O encargado sería DIEGO C.

 

COLABORAMOS NA CREACIÓN  DO  MAIO  DO COLEXIO:

Tamén colaboramos na creación do maio do colexio, como cada ano fomos os encargados de facer os colares de flores para a decoración.

Como sempre, o mellor era facer unha listaxe co material que iamos empregar no maio: flores, fiuncho, ovos valeiros, laranxas...

 

A medida que ía chegando o material a ámbalas dúas aulas, fómolo clasificando "poñendo xunto" aquelo que era igual.

 

 

Así era doado levarlles os ovos, laranxas e fiucho ás aulas que se encargaban de traballar con ese material.

 

Creamos entre as dúas aulas os nosos enormes colares de flores cooperando e traballando de forma organizada.

 

Nesta ocasión, como estabamos a investigar a prehistoria, decoramos o maio cos dous petroglifos que atopáramos en Campo Lameiro.

O PETROGLIFO CON FORMA ESPIRAL....

 

E O QUE TIÑA FORMA DE CERVO....

 

Así quedou o maio rematado, co traballo de tódolos compañeiros e compañeiras do centro.

 

Tan só faltaba cantar as coplas dos maios o día da celebración.  As nosas coplas cantaríanas EVA, DEIGO C. e SARA... e os demáis tocaríamo-los paus e faríamo-los coros.

 

CELEBRANDO O DÍA DOS MAIOS E AS LETRAS GALEGAS:

O día 16 de maio celebramos na sala de usos múltiples, xunto cos compañeiros e compañeiras de todo o centro, o día das Letras galegas e dos Maios.

Os de Infantil bailamos un baile moi divertido: "o baile da Carrasquiña"

 

DIEGO C. leu en representación de tódolos compañeiros e compañeiras de infantil, a nosa estrofa do "poema de poemas", xunto os representantes dos outros cursos.

 

EVA, DIEGO C. e SARA foron os encargados de cantar as nosas coplas, coa axuda de tódolos compañeiros e compañeiras de infantil que tocábamo-los paus e repetíamos as diferentes coplas.

 

Estas foron as nosas coplas destes ano, nas que contamos varios dos feitos que sucederon ó longo curso:

NON PUIDEMOS IR Ó PATIO

POLO MOITO QUE CHOVÍA

SO PODÍAMOS XOGAR

NA CLASE TÓDOLOS DÍAS.

 

PARA IR Ó SALÓN DO LIBRO

FIXEMOS UNHA COCIÑA

CON RECEITAS, UNHA PIZA 

E UN CALDO DE ADIVIÑAS

 

ENCHEUSE DE TROGLODITAS

O COLE POR UNHAS HORAS

NON NOS GUSTABA O MAMUT

PREFERIMOS AS FILLOAS

 

Lembra que ó finalizar o curso, xunto coa revista escolar "O Cervo" teredes nas vosas mans un DVD, no que poderedes ver esta celebración xunto con outras levadas a cabo ó longo do curso no noso colexio.

 

 

Como xa vos contamos, estamos a investigar nas aulas de Infantil sobre os Petroglifos, dentro do proxecto de centro sobre "A prehistoria".

Como unha das fontes de información que propuxemos foi a visita a museos, organizamos unha saída ó Parque Arqueolóxico da Arte Rupestre de Campo Lameiro.

Para non esquecernos da data marcámola nos calendarios das nosas aulas, así cada día podíamos contar cantos faltaban para visitalo.

 

Cando chegou o gran día, o 13 de maio, acompañados polos compañeiros e compañeiras de todo o colexio dirixímonos cara o Parque Arqueolóxico que, como xa miráramos en internet, estaba moi preto do noso colexio.

 

Cando chegamos recoñecimos o edificio de entrada, era igual ó que miráramos en internet, e estaba moi preto de onde vivíamos algúns de nós.

 

Primeiro visitamos a exposición sobre a prehistoria: alí puidemos ver diferentes obxectos e reproduccións da vida na prehistoria, e contáronnos moitas cousas sobre como vivían os humanos que crearon os petroglifos que estamos a investigar.

 

Descubrimos nun vídeo tódolos lugares do mundo nos que podemos atopar petroglifos, descubrimos diferentes teorías sobre a súa orixe e moito máis...  Non podemos amosarvos imaxes da nosa visita pola exposición xa que non estaba permitido tomar fotos dentrodo museo.

 

Cando rematou a visita pola exposición, e como era xa a hora da merenda, puxémonos mans á obra nun espazo que había dentro do Parque.

 

E mentras agardabamos a que viñera o noso guía, para facer a visita polos petroglifos, descubrimos que podíamos debuxar os nosos petroglifos sobre o cemento, empregando pedras.

 

Xa na visita polos petroglifos, o primeiro que miramos foi un "petroglifo falso", que fora creado polos "investigadores do parque", para "experimentar" se era posible facer petroglifos empregando ás técnicas dos nosos antepasados. Este petroglifo si podía tocarse, pero non así os de verdade xa que é moi importante conservalos para o futuro.

 

Continuamos a nosa visita acompañados pola nosa guía "Elena", quen nos foi contando cousas moi interesantes sobre os petroglifos.

Atoparíamos na nosa visita os dous petroglifos de Campo Lameiro que atopamos na nosa investigación? A espiral e o cervo.

 

Seguindo os diferentes indicadores, e continuando polo camiño do número de cada petroglifo, fomos atopando a ruta para chegar ata eles.

 

A primeiro que atopamos era enorme... e alí estaba o noso petroglifo con forma circular e de espirais... estivemos falando sobre o que críamos que significaban.

 

Elena contounos que unha das teorías era que facían círculos porque esa era a forma da súas casas nos poboados nos que vivían.

 

Outro dos petroglifos que atopamos tamén era enorme e representaba unha escena distinta.

 

Alí estaba o "cervo" que descubríramos na nosa investigación. Estivemos falando sobre que críamos que significaba e por que facían ese debuxo. Seguro que se trataba do cervo "EDUR"  do que nos falaran na exposición e que o fixeran para ter sorte na caza.

 

Aínda quedaban moitos máis petroglifos por descubrir, pero xa os visitaríamos coas nosas familias, porque agora chegaba o momento de visitar a reproducción dun poboado da prehistoria, onde vivían os creadores dos petroglifos.

 

Estivemos comentando diferentes aspectos sobre a vida dos "antigos humanos", entramos nas reproduccións das súas casas e exploramos o seu poboado.

 

Elena amosounos como se facía o lume na antigüedade, empregando dous paus, un arco e unha folla de carballo.

 

Despois dun anaco e de un pouco de esforzo...

 

... conseguimos facer lume. Había que soprar moi forte entre todos e todas para que prendese na palla.

 

Antes de dexiar o poboado demos unha última volta para coñecer todo o que alí había... ata tiñan un lugar para falar!!

 

Xa preto do final da nosa visita, pasámolo de medo xogando no labirinto con forma de petroglifo espiral que había na entrada.

 

E visitamos as maquetas de animais de madeira que había no recinto... seguro que eran os animais que cazaban os antigos humanos que crearon os petroglifos.

 

Foi unha visita moi interesante e agora xa temos moita información para empregar na nosa investigación. Estade atentos os recantos de Infantil 1 e Infantil 2 onde vos iremos contando como estamos a levar a cabo esta investigación.

 

 

 

O pasado martes 28 de abril, como remataba o mes, os compañeiros que estiveran de cumpreanos se reuniron para decidir que postre farían.

Nesta ocasión tocoulle o turno a GUILLERMO e DIEGO de Infantil 1 e da aula de Infantil 2.....pois ao profe OSCAR!

Elixiron as trufas de chocolate, con formas diferetes, así que unha vez reunidos os ingredientes, que eles mesmos trouxeron da casa, se puxeron mans á obra.

O primeiro paso foi abrir e desfacer os sobados, para o cal perdiron axuda a algúns compañeiros e así rematar antes.

 

 Despois de mezclar con azucre, cacao e un chisquiño de leite, había que xuntalo todo moi ben ata darlle consistencia.

E logo cos moldes con distintas formas, ir facendo as trufas individuais, que o día seguinte nos comeríamos todos.

Xa feitas, gardáronse no frigorífico para estar ben fresquiñas o mércorES.

 E ó día seguinte, despois de cantarlles e felicitalos e cando  os compañeiros e o profe sopraron as candeas, comezou a "degustación", xunto cos gusaniños, as patatiñas e o zume.

Quén  será  o  próximo  homenaxeado??

xa vos informaremos!

 

Este mes cumprían anos SARA, DAVID, MARCOS e AITANA, e como sempre celebrámo-lo cunha fantástica tarta que fixeron os homenaxeados cos ingredientes que trouxeron da súa casa.

Elexímos unha das receitas do noso libro (que podes ver  aquí), eso si con ingredientes sen gluten, e un día antes da celebración puxémonos mans á obra

Seguindo as instruccións da receita primeiro mollamos as galletas en leite.

 

Fómos alternando unha capa de galletas con unha de natillas e nata, e sobre elas unha capa de chocolate fundido.

Metimos a nosa tarta no frigorífico que había na sala de mestres e mestras, ó día seguinte xa nos encargaríamos de decorala con Lacasitos e anacos de plátano.

 

Preparamos unha pequena tarta especial para unha compañeira que é celíaca, e que non tiña a última capa de chocolate.

 

Ó día seguinte, despois de decorar a nosa tarta con Lacasitos e anacos de plátano, chegou o momento de soprar as seis candeas e de recibir as felicitacións dos nosos compañeiros e compañeiras.

 

Os homenaxeados foron repartindo anacos de tarta a aqueles compañeiros e compañeiras que querían probala.

 

Rematamos a nosa festa, despois de probar a tarta, con zume, gusanitos e patacas fritidas... que por suposto eran tamén sen gluten.

 

Como celebrarémo-los cumpreanos do mes de abril... xa o contaremos noutra entrada chegado o momento.