Este proxecto vai dirixido a alumnos de 4º de ESO e aos profesores responsables de Bioloxía e Xeoloxía e Inglés. O seu obxectivo é a xeración de vocacións científicas e o acercamento da ciencia en idades temperás.

Desenvolverase mediante un acuario na aula e unha ferramenta pedagóxica que pon a disposición do profesor e do alumno recursos educativos para o seu emprego na aula como información detallada, casuística, cuestionarios de autoavaliación, xogos, acceso a webs de interese, etc, apoiadas nun taller de formación ao profesorado impartido por profesores investigadores do Departamento de Xenética do grupo ACUIGEN (USC)

O prazo de inscrición remata o 7 de marzo de 2015

Para máis información visitar a web: http://www.unacebraenelagua.es/

Formulario de inscrición: http://unacebraenelagua.es/formulario_adhesion.php

Os organizadores proporcionan ideas e inspiración para apoiar o Día de Internet Seguro: organizar charlas e obradoiros sobre a seguridade na rede, programar debates co alumnado, seguir a campaña nas redes sociais e ver os vídeos publicados na súa canle, etc.

Os seguintes enlaces poden ser de utilidade para este evento:

· http://www.saferinternetday.org/web/guest

· http://www.protegeles.com/

No repositorio de contidos do espazoAbalar hai dispoñibles varios recursos que poden empregarse para traballar a seguridade na rede:

·  Novas formas de comunicación e seguridade na rede: secuencia didáctica creada por Red.es no marco do programa Internet na aula recomendada para 6º curso de Educación Primaria.

· Jesús Arribí creou tres obxectos dixitais para explicar o funcionamento de Internet en 1º de ESO nos que, entre outros temas, toca o tratamento da privacidade e seguridade na rede: Funcionamento e servizos de Internet, Web social e Busca de información en Internet.

· Internet: Obxecto de aprendizaxe para traballar o tema de Internet e os sistemas de comunicación en 2º de ESO creado por Mª Teresa Mancebo.

· Nas unidades didácticas para 1º curso de Bacharelato a distancia elaboradas polo IES San Clemente hai dúas nas que se traballa a seguridade en Internet: A sociedade da información e as súa oportunidades e riscos e Propiedade intelectual e seguridade no uso das TIC.

Tamén están dispoñibles as guías de navegación para familias, alumnado e profesorado do programa Navega con rumbo, cuxa 5ª edición está desenvolvéndose durante este trimestre con 240 sesións informativas programadas nos centros de ensino galegos.

A convivencia como factor de calidade nos centros educativos

Referencia: G1401067

Centro de formación e recursos: CAFI
Temporalización:  23/02/2015  -  06/05/2015 
Lugar: En rede             Enlace a platega: https://www.edu.xunta.es/platega2/course/view.php?id=47
Prazas:  100

Horas totais: 40 h.

Destinatarios:Todas as ensinanzas

590 - Profesores de ensino secundario
591 - Profesores técnicos de formación profesional
597 – Mestres

Obxectivos:

- Valorar a convivencia e o clima escolar positivo como factores de calidade nos centros educativos.

- Identificar as diferentes causas que orixinan a violencia escolar e analizar os factores básicos para a prevención de conflitos e problemas de convivencia nos centros educativos.

- Coñecer e aplicar técnicas de modificación de conduta e de resolución de conflitos no contorno escolar.

Orientación, titoría e construción da identidade libre de estereotipos de xénero

Referencia: G1401061
Centro de formación e recursos: CAFI
Temporalización:  09/02/2015  -  27/04/2015 
Lugar: En rede
Prazas:  54 

Horas totais: 30 h.

Destinatarios:preferentemente, os xefes e xefas dos departamentos de orientación

Obxectivos:

- Reflexionar sobre a influencia dos estereotipos e roles de xénero na construción da identidade.

- Fomentar a centralidade no emprego das rapazas e a corresponsabilidade dos rapaces.

- Promover a diversificación formativa e profesional e a toma de decisións libre de estereotipos de xénero.

Integración das TIC nos departamentos de orientación

Referencia: G1401039

Centro de formación e recursos: CAFI  

Temporalización:  20/02/2015  -  25/04/2015 
Lugar: En rede
Prazas:  50  //  Horas totais: 30 h

Destinatarios: Xefes e xefas dos departamentos de orientación

Obxectivos:

- Empregar novas ferramentas para mellorar a información facilitada polo departamento

- Axilizar a comunicación do departamento coa comunidade educativa do centro

- Potenciar o desenvolvemento das actividades do plan de orientación, utilizando as tecnoloxías da información e da comunicación.

Dende o 11 de febreiro ata o 11 de marzo, terá lugar no CFR de Vigo o curso: V1401021 Ferramentas Tic no deseño de tarefas nas linguas estranxeiras.

Dende o día 9 de febreiro, ata o 4 de marzo, terá lugar o curso V1401029-Integrando o uso de ferramentas colaborativas na aula, na biblioteca do CFR de Vigo.

Data de comezo: 9 de febreiro

Data de finalización: 4 de marzo

Lugar de celebración: Biblioteca do CFR de Vigo

FPROFE: www.edu.xunta.gal/fprofe

Aula virtual: http://www.edu.xunta.es/centros/cfrvigo/aulavirtual/course/view.php?id=429