ATENCIÓN, CONCURSO!  

Delia Vázquez, exalumna do instituto, coa colaboración do departamento de Plástica, organiza un concurso de cómic.

Elabora un cómic de 2 páxinas, entrégao na conserxería (data tope 19 de xaneiro) e gaña un premio incrible.

Na imaxe e nos carteis colocados polas aulas atoparás toda a información necesaria para presentarte.

Anímate a participar!

Alumnado que forma parte do grupo de Mediación do noso instituto participa, xunto con mediadores do IES As Mariñas, nun obradoiro no Espazo Xove de Betanzos organizado por Aventeira.

O alumnado de 1º de Bacharelato A organizou un campionato de fútbol entre o alumnado de 3º e 4º da ESO e 1º e 2º de BAC. Para os máis pequenos (1º e 2º da ESO) ademáis de fútbol tamén houbo partidos de brilé e unha exhibición de baloncesto.

O alumnado de 1º de Bacharelato participou nun campionato de voleibol que se enmarca dentro do Plan de Vida Activa e Deportiva (Plan Proxecta) no que participa o departamento de Educación Física.

Varias alumnas de 1º, 2º e 3º da ESO participan no Xogade de Fútbol Feminino, dentro do Plan de Vida Activa e Deportiva (Plan Proxecta) no que traballa o departamento de Educación Física.

Alumnado de Cultura Clásica de 3º e 4º e de Latín e Grego de 4º, 1º Bac e 2º Bac, BAC1-Latín e grego, BAC2-Latín e grego, acudrion a ver a obra de teatro Antígona na sala Xulio Cuns. A obra de Sófocles foi adaptada por J. R. Martin e representada pola Casa de Castilla la Mancha.

O alumnado de 2º ESO B e C foi ao rocódromo de Lugo, nunha actividade organizada polo Departamento de Educación Física, dentro do Proxecto de Vida Activa e Deportiva no que participa.

O departamento do Ciclo Superior organizou unha nova visita empresarial. Desta volta, á empresa Maruxas de Nata, en San Sadurniño.

O alumnado de 1º da ESO foi ao Teatro Alfonsetti a ver unha película en inglés subtitulada en español. A actividade, organizada polo departamento de inglés, tenta poñer en valor este tipo de visionado, xa que é unha maneira sinxela de afacer o oído aos sons estranxeiros e aprender vocabulario.

O alumnado de Historia da Arte de 2º BAC C visita Sta. María do Azougue, guiados por Julián Ferrer, exprofesor do noso instituto e voluntario na igrexa.