O xoves 21 de xuño o noso equipazo do Obradoiro de teatro Roberto Vidal Bolaño representou diferentes sketches do grupo Chévere, quen veñen de celebrar o seu 30 aniversario sobre as táboas e teñen, entroutros recoñecementos, o Premio Nacional de Teatro 2014.

Baixo a dirección de Sabela Hermida, os nosos xoves actores e actrices interpretaron cun bo pulso rítmico e nun rexistro sorprendentemente adulto, fragmentos de Big Bang, Annus Horribilis, Río Bravo, Testosterona, Citizen, Eurozone e Eroski Paraíso (a súa última obra, aínda en cartel).

Un ano máis, celebramos as Letras Galegas mesturando teatro, literatura, audiovisual e robótica a través do STARgal, o obradoiro de teatro e a romería popular. Tedes todas as fotos no noso Flickr!

Ademais, aproveitando que a figura conmemorada era a dunha muller (María Victoria Moreno) elaboramos un mural adicado a todas as literatas recoñecidas da nosa historia. A autora foi Rita Dosil, de 2º.

As representacións do Obradoiro RVB pospuxéronse para xuño, xa que varios intérpretes do elenco foron convocados pola selección de Volei. No seu lugar, representouse Manar, obra producida e interpretada por Sabela Hermida, a nosa profe de teatro.

Pola mañá tivo lugar o STARgal, a nosa mostra de audiovisual e robótica, na que todo o alumnado participou en grupos de 5 persoas, percorrendo as estacións e cumprimentando as seguintes fichas: