Outras actividades

AELG #libre o meu pensamento

#8M Día Internacional da Muller

Inspirándonos en textos tomados do poemario de Rosalía de Castro, pintamos as nosas pancartas denunciando a inxustiza social que aínda sofren moitas mulleres en pleno século XXI.

Actividade da AELG "Do XIX ao XXI: Libre o meu pensamento!"

Reportaxe gráfico da actividade na Galería de imaxes

$disfraces roald dahl$ Foi unha semana de celebración. De luns a xoves cumprimos cos mandados do meco. Como este ano estamos traballando no centro o proxecto documental integrado "Viaxamos ás Illas Británicas", todas as ordes ían dirixidas a converternos en verdadeiros/as turistas e viaxeiros/as do mundo.

O venres, 1 de marzo, celebramos o desfile e baile de disfraces. Cada clase escolleu un conto e/ou novela da literatura inglesa ou personaxes británicos con relevancia na historia.

Personaxes de contos como Peter Pan, O Grúfalo, As viaxes de Gulliver, Robinson Crusoe, personaxes das novelas de Roald Dahl, Alicia no País das Marabillas, A Illa do Tesouro, Mary Poppins... Incluso houbo un grupo de rapaces e rapazas que inspirados trala lectura do libro de Iria Misa, "Mamá quero ser Ziggy Stardust", se decantaron por este personaxe creado por David Bowie.

Seguide disfrutando do Entroido!

Galería de imaxes

O MECO VIAXA A...

O noso meco anda de turista

e o ancho mundo visita.

Di que para non desentoar,

o luns aparezas

con algo vistoso na cabeza.

Na súa viaxe disparatada,

o martes o meco manda:

Engade á túa vestimenta

unha nova prenda.

Ups! Pode que a talla

non sexa a axeitada.

Viaxar é estresante

e o meco vai moi extravagante.

O mércores co despiste,

o meco confundiuse…

De toda a roupa que tes,

pon unha prenda do revés.

A viaxe case remata,

o xoves, a ver como vés,

pon algo raro nos pés.

E xa, se queres sorprender

gafas, bolso ou cámara podes traer.

Non hai máis que dicir,

coma un verdadeiro turista vas lucir!

Así rapearon os mandados as rapazas e rapaces de 4º

día de rosalía Na entrada do colexio temos unha exposición que vai medrando cada día:
As rapazas e rapaces de E. Infantil expuxeron carteis onde demostraron as súas dotes plásticas e creativas.

En primaria, crearon cómics e ilustraron poemas inspirándose nas obras da autora.
Nas clases de robótica, alumnas/os de 6º, deseñaron unha infografía robótica --> Rosalía ReBOTada.

Na infografía aparecen os datos máis significativos da biografía e obras da poeta cun circuíto, para os mBots, cos lugares onde viviu. Cada robot portaba unha pancarta con mensaxes que xurdiron da lectura dos versos de Rosalía e asociados a situacións de inxustizas sociais que afectan as mulleres. #LibreOMeuPensamento_rdc_19 (AELG)

Programamos un piano virtual, para tocar cos robots cancións dedicadas a Rosalía como "Adios ríos, adios fontes" e "Parabéns para ti"

A celebración continúa, xa que acordamos desenvolver esta data conxuntamente co #8M día Internacional da Muller. Unirémonos á proposta da AELG "Do XIX ao XXI: Libre o meu pensamento!" participando nunha mani-FESTA-acción con pancartas elaboradas en cadansúa clase que reivindiquen os dereitos das mulleres ou que denuncien a inxustiza social que seguen a sufrir en pleno século XXI

Ver vídeo da actividade: Rosalía, unha feminista do S. XIX

Celebramos o día Escolar da Paz e da Non Violencia con orixinais e divertidas actividades que fomos desenvolvendo ao longo destas semanas.

- Deseño e elaboración colaborativa dun mural con palabras máxicas para decorar o centro.

mural paz

- Movamos o mundo. Inspirámonos nunha das cancións máis coñecidas de Queen, "We will rock you", para reescribir o noso himno pacifista e interprétamolo ao unísono todo o centro (Proxecto viaxamos ás Illas Británicas)

- Decoramos os chanzos das escaleiras cos versos do poema "O Reino" do libro "Longa noite de pedra" de Celso Emilio Ferreiro .

Palabras máxicas para abrazar a paz by Slidely Photo Gallery

- Recibimos mensaxes en botellas mentres cantabamos "Message in a bottle" The Police.

- Regalamos lecturas: contos, cantigas e poemas que levaron ás clases mensaxes de paz, de respecto aos dereitos humanos, de tolerancia, colaboración e convivencia.

Para ler máis visita o blog da biblio: A sombra do érbedo

Grazas por compartir con nós esta celebración, o seguinte vídeo recolle distintos momentos das actuacións:

EI- Representaron o conto “Un agasallo diferente”, cantaron a panxoliña “O Nadal e o Boneco” e “Snowflake”.

1º- Seráns de baile tradicional: “Auga leva o regadinho” (danza portuguesa) e a canción xogo en inglés: Hocky Pocky

2º- Bailaron e cantaron a panxoliña “Polo nadal turrón e mazapán!!”

3º- Cantan, acompañan con lingua de signos e bailan a panxoliña “O pelo roxiño”

4º- Interpretan con instrumentos de lámina “Jingle Bells” e bailan un "Twist de Nadal"

5º- Presentan a “Tarantela Napolitana”

6º- Interpretan a canción tradicional Irlandesa “I saw three ships” coa frauta e versionan a canción “Ob La Di Ob La Da” dos Beatles

Máis fotos na galería de imaxes

Esperámosvos!

Xa temos todo listo (ou case todo) para celebrar o Festival de Inverno que terá lugar o próximo venres día 21 de decembro ás 11 da mañá.

Será un día cargado de emoción, ledicia e ilusión que nos gustaría que gozarades con todos nós.

O programa é o seguinte:

Parabéns aos rapaces e rapazas polo esforzo: foron unhas semanas cheas de exames, traballos e ensaios; agradecemento aos mestres pola flexibilidade e a dedicación e a Mar, Belén e Alex pola súa colaboración.

Cartel: Pepe Vieito

Vaia festa do Magosto celebramos no cole! Foi unha mañá de xogos, bo rollo, música e por suposto non podían faltar os bolos preñados e as castañas asadas.

Festa do Magosto no CEIP Vistahermosa by Slidely Photo Gallery

Sabela e Rosa, coordinadora de AAEE e profe de EF, organizaron unha divertida mañá de xogos: carreiras de sacos, o pano, a ra, levar a castaña correndo ou cun pao de hockey, os zancos, xogos de corda e os birlos. Distribuíron aos rapaces e aos mestres do cole en 9 equipos ou estacións nos que había nenos/as de todos os cursos. Xogabamos durante 5 minutos a cada xogo e iamos rotando á seguinte estación. O obxectivo era pasalo ben colaborando e cooperando cos compañeiros/as e gozar a tope deste día de festa.

Os escolares ourensanos aprenden computación.

Dom, 2015-12-13 23:23 — miguel

Los escolares ourensanos aprenden computación

Acercar a los niños al mundo de la computación era el objetivo de la iniciativa «the hour of code»

Acercar a los niños al mundo de la computación era el objetivo de la iniciativa «the hour of code», un evento organizado a nivel mundial que hoy ha tenido como escenarios de la capital al colegio de Vistahermosa y al campus de Ourense. Los escolares del centro público, de entre 3 y 11 años, tuvieron la oportunidad de aprender nociones de programación de la mano de ingenieros informáticos, ya que el colegio gallego de este sector y la escuela de Informática del campus se han volcado de lleno en la iniciativa.