Esta semana continuamos cos xogos populares do Magosto. Durante os recreos e na área de Educación Física gozamos dos 25 xogos tradicionais elaborados de xeito artesanal que nos presta desinteresadamente o concello do Grove.
Este ano celebramos o SAMAÍN con múltiples actividades:
Exposición de cabazas
A partir do luns os nenos e nenas trouxeron ao colexio cabazas talladas e decoradas. Expuxémolas na entrada e cada aula puido ver estas marabillosas creacións.
Decoramos o colexio
Cada aula decorou a súa entrada da clase con murais do Samaín.
Investigamos o Samaín
Este ano seguindo coa temática do proxecto deste curso: A VOLTA AO MUNDO EN 80... traballamos os "samaíns" de varios países, comezando por Galicia, Irlanda, Estados Unidos e México.
Intercambio de Postais
Este ano fixemos intercambio de postais do Samaín co colexio Pérez Viondi, tamén enviamos unha postal vía dixital a todos os demais colexios do concello.
Estas postais foron as que nos enviaron:
Estas foron as nosas:
Merendas terroríficas
O venres, para celebrar o Samaín trouxemos ao colexio unhas merendas un tanto especiais.
Contacontos
Tivemos sesión de contacontos a cargo dos máis maiores do colexio.
Os alumnos de 5º elaboraron uns contos de medo e contáronllelo aos demais cativos do colexio.
Os nenos e nenas de 6º adaptaron un conto e teatralizárono.
Baile
Despois das sesións de contacontos, o tempo atmosfério deunos unha tregua e puxémonos a bailar no patio cancións do Samaín.
Nenos e nenas do CEIP Manuel Villar Paramá trouxeron onte para o taco de media mañá cadanseu plátano como mostra de solidariedade e apoio ao pobo canario nestes días tan tráxicos para a illa de La Palma.
Ata houbo quen se ataviou cunha camiseta en homenaxe a Canarias.
