A prensa do Deza

Día do Libro

Ven, 2023-04-21 18:04 — lestonparis

DÍA DO LIBRO

Este domingo 23 de abril, conmemórase o día do libro.

Nós comezamos celebrandoo cun apadriñamento e amadriñamento lector, creamos un carnés e elaboramos uns marcapáxinas.

Esta semana os máis grandes do colexio escolleron un libro para contarllo aos seus afillados e hoxe despois do recreo tivo lugar ese tempo de lectura onde grandes e pequenos disfrutan.

- Galería de fotos.

- Faro de Vigo.

APIs de Blogue

DÍA DA EDUCACIÓN FÍSICA NA RÚA

Ven, 2023-04-21 16:35 — admin

Mens sana in corpore sano

O noso alumnado de 5º e 6º de primaria, xunto con máis de 400 escolares da zona, tomarán as rúas do casco urbano da Estrada o vindeiro martes 25 de abril co gallo da celebración do Día da Educación Física na Rúa, unha iniciativa que naceu co fin de expoñerlle á sociedade os beneficios desta materia, dándolle visibilidade nos espazos públicos.

A proposta parte da Agrupación Deportiva Escola da Estrada, contando co apoio de todos os centros escolares do municipio, tanto de primaria como de secundaria.

A xornada comezará ás 11.00 e estenderase ata as 13.00 h.
Os centros escolares dividiranse por zonas, ocupando a praza do Concello, os xardíns municipais, a rúa Serafín Pazo e a rúa Calvo Sotelo, nas cales os escolares realizarán diferentes actividades deportivas.

- Faro de Vigo.

- La Voz de Galicia.

APIs de Blogue

XORNADA DE PIRAGÜISMO

Lun, 2023-04-17 13:42 — admin

O alumnado de 6º de primaria gozou hoxe, 17 de abril, dunha xornada de familiarización co piragüismo no encoro de Verducido (Pontevedra).

Navegaron en dragóns, embarcacións de vinte prazas cun tambor e un timonel que axudan a dirixir e coordinar o ritmo das paladas.

Esta actividade enmárcase no Plan de Vida Activa e Deportiva (PVAD) na modalidade de Xogade.

Botádelle un ollo ás fotos nas Galerías.

-Faro de Vigo.

-La Voz de Galicia.

APIs de Blogue

TEATRO E PASEO POR SANTIAGO

Ven, 2023-03-31 21:48 — admin

Onte, 12 de abril, o alumnado de infantil e de 1º, 2º e 3º de primaria viaxou a Santiago de Compostela para asistir no auditorio Abanca ao espectáculo de Caramuxo Teatro Feo!, inspirado en O patiño feo de Hans Christian Andersen.

Unha pequena fábrica de parrulos de goma produce todos os días centos e centos de parrulos do mesmo tamaño e cor, pero un día sae un diferente... Ao final, démonos conta de que todos os patiños de todas as cores son bonitos e válidos.

Feo! é un canto á diversidade e á esencia de un mesmo, unha comedia para toda a familia. Tamén obtivo o Premio María Casares 2017 ao mellor espectáculo infantil.

Despois do teatro, tocou merendar na praza de Mazarelos e xogar na alameda de Santiago.

Mirase as fotos nas Galerías.

- FARO DE VIGO.

- VOZ DE GALICIA.

APIs de Blogue

DÍA DA POESÍA

Mér, 2023-03-22 21:20 — lestonparis

O 21 de marzo celebramos o día da poesía no colexio.

A poesía esperta os sentidos mediante as palabras.

Escoitala fainos SENTIR!!

Por iso nos reunimos para recitar e escoitar poemas.

Cada aula escolleu poemas, tanto de poetas coñecidos/as coma de elaboración propia. E fómolos recitando desde os máis pequechos/as ata os maiores.

- Faro de Vigo.

APIs de Blogue

NINA NINETTE

Lun, 2023-03-20 10:33 — admin

Este mércores, 22 de marzo, o alumnado de infantil e de 1º e 2º de primaria asistiu a un espectáculo de danza moderna titulado Nina Ninette no Auditorio de Galicia en Santiago de Compostela.

Tamén visitaron a Cidade da Cultura.

Tedes fotos da saída nas Galerías.

- Faro de Vigo.

APIs de Blogue

SEMANA DA PRENSA

Mér, 2023-03-15 20:52 — lestonparis

Celebramos a semana da prensa no noso colexio e realizamos diversas actividades. Vimos as partes da noticia e creamos noticias propias. Ademais o alumnado de 5° está dentro do programa Prensa Escola, grazas a este programa recibimos xornais todo o ano e traballase a actualidade e a prensa a cotío.

- Faro de Vigo.

APIs de Blogue

SAÍDA AO AUDITORIO DE GALICIA E Á CIDADE DA CULTURA

Ven, 2023-03-03 10:54 — admin

Onte, 2 de marzo, o alumnado de 1º, 2º e 3º de primaria viaxou a Santiago para asistir no Auditorio de Galicia de Santiago de Compostela ao concerto Minimozart, da Real Filharmonía de Galicia, e para visitar a Cidade da Cultura.

Pasaron un día xenial!

- Fotos.

- Faro de Vigo.

- La Voz de Galicia.

APIs de Blogue

DÍA DE ROSALÍA

Dom, 2023-02-26 14:09 — lestonparis

O 23 de febreiro é o día de Rosalía. O noso colexio non quixo que pasara desapercibido este día e sumámonos á iniciativa FLORES PARA ROSALÍA, cada neno e nena elaborou unha flor e xunto cunha tarxetiña levárona para a súas casas.

Tamén quixémoslle dar visivilidade e colocamos o seu rostro nuhga ventá da fachada do colexio.

Polo serán fomos ao Teatro Principal de A Estrada ao acto de Rosalía, na que tamén participan os outros colexios da Estrada. Marcos, Esther e Celia recitaron dúas poesías do libro Cantares Gallegos.

- Faro de Vigo.

APIs de Blogue

VÍDEO DE ROSALÍA NA PRAZA DO CONCELLO

Mar, 2023-02-07 14:33 — admin

Jacqui Reimóndez enseñando la coreografía al alumnado de primaria de los centros estradenses. | // BERNABÉ/ BÁRBARA CUIÑA

Este venres, 10 de febreiro, todo o alumnado de primaria viaxou á Estrada para participar na gravación dun vídeo do Día de Rosalía organizado polo Departamento de Cultura do Concello da Estrada.

Por se alguén non coñece os vídeos que desde o concello levan facendo desde o 2016 para festexar o Día de Rosalía, deixámosvos un enlace onde poderedes velos todos:
Día de Rosalía -> https://youtube.com/playlist?list=PL09qJadSQ9_cGbbth_BrPpEQAdcTsMe76

Grazas a todas e todos pola vosa colaboración.

- Faro de Vigo.

- La Voz de Galicia.