Skip to Content

Novas

Recordatorio de realización do cuestionario

Xov, 25/04/2024 - 14:53 — admin

Estimada familia,

Dirixímonos a vostedes para recordarlles que o prazo para cubrir en liña o cuestionario de contexto das probas de avaliación de diagnóstico remata o 30 de abril de 2024.

Aproveitamos para recordarlles que, no caso de que solicitasen o cuestionario en papel, deben devolvelo ao centro, a través da súa filla, o antes posible.

Moitas grazas pola súa colaboración.

CEIP Plurilingüe das Vendas da Barreira, As Vendas da Barreira (Riós) 25/04/2024

Avaliación de diagnóstico: Cuestionarios de alumnado e familias

Ven, 19/04/2024 - 13:22 — admin

Estimada familia,
A súa filla vén de participar nas probas de avaliación de diagnóstico. No día de hoxe foille entregada unha carta dirixida a vostedes na que se solicita que respondan un cuestionario de contexto específico para o alumnado e as súas familias. Na carta indícase a páxina web: https://enquisas.edu.xunta.gal/649647 e a clave de acceso para cubrir o cuestionario en liña. O prazo para esta tarefa remata o 30 de abril de 2024. Para encher o cuestionario en liña, é preciso ter conexión a Internet e un dispositivo electrónico (ordenador, teléfono intelixente, tablet). Se o necesitan, o centro pon á súa disposición o equipamento informático necesario para cubrir o cuestionario. Ademais, se a vostedes non lles resulta posible realizar o cuestionario en liña, poden solicitar a súa versión en papel entregando cuberto o recortable da carta no centro educativo, a través da súa filla. Moitas grazas pla súa colaboración.

Avaliación de Diagnóstico 2023-2024

Ven, 22/03/2024 - 13:37 — admin

En cumprimento da nova lei educativa estatal, este curso está previsto en todas as comunidades autónomas a realización de probas de avaliación de diagnóstico para o alumnado de 4º de educación primaria e 2º curso de educación secundaria obrigatoria. No caso de Galicia, terán lugar os próximos días 10 e 11 de abril. 

Pode atopar máis información no seguinte documento dirixido ás familias: 

https://www.edu.xunta.gal/portal/sites/web/files/ad2324_faq.pdf

Período de vacacións de Semana Santa

Ven, 22/03/2024 - 10:21 — admin

Informamos que segundo o calendario escolar fixado pola Consellería de Cultura, Educación, Formación Profesional e Universidades o período de vacacións de Semana Santa abrangue dende o LUNS 25 DE MARZO ATA O LUNS 1 DE ABRIL ámbolos dous incluídos, polo que as clases reanudaranse o vindeiro MARTES 2 DE ABRIL, no horario habitual.

As notas correspondentes ao 2º trimestre publicaranse en Abalar o venres 22 de marzo ás 16:00 horas.

PROCESO DE ADMISIÓN DE ALUMNADO PARA O CURSO 2024-2025

Xov, 29/02/2024 - 13:51 — admin

PRAZO DE PRESENTACIÓN: Do 1 ao 20 de marzo de 2024, ámbolos dous incluídos para todo o alumnado que se matricula por primeira vez no sistema educativo, así como para aqueles alumnos/as que desexen cambiar de centro escolar sempre que existan prazas vacantes.

DOCUMENTACIÓN A PRESENTAR:

-Solicitude Modelo ED550B-G asinado obrigatoriamente polos dous proxenitores.

-Documento acreditativo do requisito de idade do alumno/a (fotocopia do libro de familia ou fotocopia do DNI do alumno/a).

-Certificado oficial do expediente académico (alumnado de primaria).

-Sentenza xudicial de separación ou divorcio e/ou convenio regulador onde conste a custodia do menor, de darse o caso.

-Para acreditar o criterio  "Familia monoparental" deberá presentarse a certificación de recoñecemento da Dirección Xeral de Familia, Infancia e Dinamización Demográfica da Consellería de Política Social e Xuventude da Xunta de Galicia ou da autoridade competente doutras administracións públicas. 

LUGAR DE PRESENTACIÓN:

Concurso De Recitado Poético "Rosalía Sempre Viva"

Lun, 26/02/2024 - 12:45 — admin

Mía, Arón e David participarán no recitado de poemas "Rosalía sempre viva" a partir das 11:30 da mañá (con previsión de remate ás 13:00 horas).

O número de participantes e a limitación de espazo do auditorio da Casa-Museo fai que sexa importante para a axilidade do acto e tamén para a vosa propia comodidade (nenos/as, profesorado e nais/pais que acompañen) que teñades en conta o seguinte:

-No momento do recitado poderán estar presentes un máximo de 2 acompañantes por participante ademais do seu mestre/a.

HORARIOS

-Ás 11:25 chegada e acomodación no auditorio

-Ás 11:30 presentación e comezo do recitado da primeira e segunda categoría

-Ás 12:15 alumnado e acompañantes poden facer unha visita á Casa-Museo mentres se reúne o xurado

-Ás 13:00 entrega de premios

-Ás 13:30 remate da sesión

*Para as persoas que nunca estivestes na Casa-Museo Manuel María podedes seguir as indicación do Google Maps: (poñer simplemente Casa-Museo Manuel María).

Xornada de portas abertas para novo alumnado curso 2024-2025

Mér, 21/02/2024 - 21:22 — admin

 

O vindeiro mércores 28 de febreiro ás 16:00 horas terá lugar a xornada de Portas Abertas para as familias do novo alumnado que queira incorporarse ao noso centro o curso 2024-2025.

A recepción das familias farase no hall de entrada, posteriormente faremos unha presentación dos servizos que brinda o centro, para a continuación facer unha visita polas instalacións do mesmo.

O proceso de admisión para o curso escolar 2024-2025 iniciarase o 1 de marzo de 2024 e permanecerá aberto ata o día 20 de marzo de 2024, ámbolos dous incluídos.

No arquivo adxunto atópase o documento de solicitude de admisión.

Información de interese: ESQUIOU 2024

Xov, 15/02/2024 - 21:34 — admin

Achégase o enlace coa información da Deputación de Ourense relativa á actividade ESQUIOU. Tamén atoparedes dous arquivos adxuntos con toda a información e a folla de inscrición.

https://deportes.depourense.es/actividade/esquiou-2024-7a-quenda-terra-de-caldelas-terra-de-trives/

 

Cancelación Desfile de Entroido Infantil e nova organización

Mar, 13/02/2024 - 17:27 — admin

Dende o Concello de Verín, hoxe martes recibimos a seguinte comunicación:

Dende a Concellería de Turismo, Cultura, Festexos e Conservatorio informamos que logo de comprobar as previsións meteorolóxicas da Axencia Española de Meteoroloxía (Aemet) para o xoves 15 de febreiro, confírmase que un prognóstico do 100% de probabilidade de choiva.

Ante esta situación, e segundo o acordado na reunión do mércores día 7 do mesmo mes sobre que se a predición superaba o 50% de probabilidade de choiva non sería posible levar a cabo o desfile, lamentablemente temos que comunicar a cancelación do mesmo por causas climatolóxicas adversas.

Por este motivo, dende o CEIP Plurilingüe das Vendas da Barreira, e debido a esta triste situación consideramos que cómpre facer visible o traballo levado a cabo e deixar que familias e alumnado gocen desta xornada polo que o xoves 15 ás 12:30 desfilaremos no pavillón do colexio. Este acto estará aberto ás familias. O acto rematará puntualmente ás 13:15 horas para que o alumnado poida facer uso do servizo de comedor escolar.

Novas en Relación ao Desfile Infantil de Entroido

Mér, 07/02/2024 - 16:32 — admin

Coa comunicación oficial da suspensión do Desfile de Entroido Infantil, non se fixo ningunha comunicación oficial dende o centro porque estivemos agardando polas decisións que se adoptaban na  reunión que se mantivo hoxe ás 14:00 horas no Concello de Verín para ver como se ía actuar.

O acordo que se adoptou na mesma foi o aprazamento do Desfile para o xoves día 15 de febreiro, se as condicións climáticas e organizativas o permiten. Polo tanto, mañá xoves o noso centro non fará o desfile previsto dentro do pavillón escolar  e estudaremos a participación na nova convocatoria que por parte do Concello de Verín nos fixeron para o Desfile Infantil de Entroido para a data citada anteriormente.

Mañá o alumnado poderá acudir disfrazado ao centro se así o desexa e reservaremos o disfrace feito (foguetes, alieníxenas e astronautas) para o próximo xoves 15.

O noso centro non considera oportuno participar na alternativa proposta polo Concello de Verín dado que no Pavillón Municipal de Deportes non ían poder acceder as familias.

Distribuir contido


by Dr. Radut