Educación Infantil

E hoxe tócalle a Christian!
Son xa cinco voltiñas ao sol, feito todo un homiño!
O  día 25 finalmente estivemos todos e puidemos celebrar o aniversario de Christian.
Foi moi valente e veu á festa porque aínda estaba algo convalecente pero soprou as velas, repartiu caramelos e xogaron do lindo.
Parabéns Christian!!

Rematamos o curso cunha celebración moi especial… Nesta ocasión, Mía celebrou as súas 5 voltas ao sol.

Como xa é costume, a homenaxeada amosounos fotos da súa vida, dende que era unha bebé ata agora, fotos cos seus pais, coa súa irmá pequerrechiña e celebrando os seus aniversarios cunhas tortas que abríronnos a todos/as o apetito.  

E, por si fora pouco, ademais das felicitacións dos compañeiros/as e de cantarlle os parabéns visionamos unha felicitación moi especial que emocionou moito a Mía e a tódolos presentes, a súa familia fíxolle un vídeo súper chulo que lle quedará para o recordo.
 
Feliz aniversario Mía! Segue namorándonos co teu sorriso por moito tempo.

Como xa sabedes, fai un tempo pedimos a vosa colaboración para que elixirades xunto os vosos fillos e fillas o nome para a revista escolar e por fin temos un gañador!

O nome da nova revista escolar do CEIP das Vendas da Barreira é "MINIREPORTEIROS DO NOSO".

Esta proposta recibímola da man de Erik de 6º de Educación Infantil e a súa familia. Non nos pode gustar máis este nome tan especial.

Tamén agradecer ao resto de rapaces e rapazas a súa participación.

O Día Internacional da Muller, orixinalmente coñecido como Día Internacional da Muller Traballadora, conmemorado cada 8 de marzo e recoñecido pola ONU como unha xornada para reivindicar a igualdade e de facer balance sobre a situación das mulleres na sociedade.

Na aula de Educación Infantil, igual que no resto do centro, celebramos o martes 8 de marzo o Día Internacional da Muller debuxando a muller máis importante nas nosas vidas, aínda que foi unha tarefa moi complicada xa que na vida dos nosos pequenos/as hai moitas mulleres incribles e custoulles moito elixir a quen debuxar. Ademais, fixemos unhas pulseiras de recordo para conmemorar este día tan especial. Preme aquí para ver as imaxes.

Como ben sabedes, na aula de educación infantil encántanos celebrar cousiñas bonitas e ultimamente isto é un “non parar”. Esta semana, celebramos o aniversario do noso neno máis pequeniño da aula: David.

Hoxe foi a súa quenda, David, cumpriu 4 anos! Os seus compañeiros e compañeiras estaban eufóricos, foi un día de moitas emocións para o grupo. David ensinounos fotos de cando naceu e era un bebe pequerrechiño e ben gordiño, cando cumpriu anos, gozando do Entroido, colaborando coa súa familia na matanza, con Papá Noel no Nadal… E lemos unha carta ben bonita escrita pola súa familia.
David, este é o teu primeiro aniversario no cole e estamos moi contentos/as de compartilo contigo, este e todos os que veñan!

Feliz volta ao sol, David!