Información para as familias de 5º de E.P.

Nas aulas do 3º ciclo de Educación Primaria temos claro que, como expón Edgar Dale na súa pirámide da aprendizaxe, aprendemos só un 5% do que nos din pero, pola contra retemos un 90% do que dicimos e facemos. 

Esta é unha das máximas que orientan as metodoloxías activas que empregamos no noso día na aula, xa que temos claro que a verdadeira aprendizaxe é aquela que nos obriga a activar tódolos nosos coñecementos e habilidades para dar resposta as cuestións cotiás.

Neste facer diario xorden iniciativas e proxectos tan interesantes e cargados de esforzo que nos gustaría compartir con todos vós.

Comezamos con "A Incubadora de LOIS", un alumno que, coa axuda do seu pai, construiu unha incubadora que montou na aula e que con traballo, coidado e algo de paciencia acabou aumentando a "ratio" da aula cunha ducia de pitiños.

Deixámosvos aqui o 1º vídeo do diario do proxecto que o propio alumnado gravou e editou. Si queredes ver o resto, están dispoñibles no enlace da nosa canle de Youtube.

Sabemos que non podedes gozar tanto véndoos como nós vivíndo o proceso, pero esperamos que vos gusten.

24 de Outubro Día das Bibliotecas Escolares

A Biblioteca Escolar é un dos elementos fundamentais da comunidade educativa, xa que nela conflúen tanto o interese pola lectura como a inquietude de aprender de xeito activo. No 1999 a Asociación Internacional de Bibliotecas Escolares (IASL) instaurou esta conmemoración co obxecto de destacar a importancia das Bibliotecas Escolares na educación dos nosos nenos e nenas. O lema para este 2018 é; "Bibliotecas Escolares: Portas á Vida". E así abrimos as portas da nosa biblioteca para levala ó patio de xogos, favorecendo a súa percepción como elemento lúdico e de gozo.

Xa non hai dúbida de que as nosas nenas e nenos forman parte dese mundo que debemos crear entre todos onde a solidariedade e cooperación teñan un lugar privilexado. E así o amosaron novamente este sábado xunto coas súas familias.

.

Con estas imaxes só nos queda dárvolas gracias!

E os libros que quedaron......

Doámolos a unha ONG en colaboración co IES de Oroso

Os nosos libros aíndan teñen moitas historias que compartir.

O noso valo de Seres Fantásticos non para de medrar!

Hoxe foi o alumnado de 6º A o que encheu de cor e imaxinación a pizarra do patio coas súas creacións.

Queres velos todos? só tes que clicar na imaxe

Etapa Superada!

O noso proxecto avanza ó mesmo ritmo que o fan as fichas de tódolos/as participantes polo taboleiro cada vez que superamos un reto. 

Nica está moi satisfeita do ben que tódolos equipos resolveron os seus retos superando así a primeira etapa.

Noraboa! 

Descubrimos tantos seres mitolóxicos e animais fantásticos que xa non hai ningún que se nos resista. E con eles, decoramos as paredes da biblioteca. Nica está encantada!

Gustáronnos tanto, que decimos deixar voar a nosa imaxinación e crear algún novo para engadir á larga lista dos xa coñecidos.

Aquí vos deixo un que  fixeron hoxe os alumnos de 2º. Si clicades na imaxe podedes ver todos os que vaiamos engadindo ó noso álbum. Isto sí que é fantástico!

Estimadas familias

Un ano máis dende o centro invitamos ao alumnado a participar na celebración do Samaín. Poden facelo decorando coas súas familias e do xeito máis orixinal que se lles ocorra, unha cabaza, espiga de millo, vasoira ou xesta coa que se varría antigamente. (Os nenos/as de Infantil traerán preferentemente vasoiras). O tema que estamos a traballar dende a nosa biblioteca é “A mitoloxía”, sobre o que pode versar a decoración. Deberedes traer as vosas creacións o luns 30 (lembrade poñerlle o voso nome para saber quen é o artista).

O martes, coincidindo coa festa do Samaín, celebraremos o magosto, para o que pedimos a vosa colaboración. Cada neno/a, traerá o luns unha ducia de castañas picadas. Serán os membros da ANPA os que veñan a asalas. Organizaremos unha sesión de xogos para todos os alumnos/as e para facilitar a participación nos mesmos, pedímosvos que non veñan disfrazados/as.

Estará con nós a Televisión de Galicia, programa “A Revista”, que fará un directo ás doce e media e outro entre a unha e a unha e media.

Grazas pola vosa colaboración.

Premendo na foto, veredes a exposición de cabazas, espigas de millo e vasoiras, así como as portas das aulas decoradas.

Este curso Nica empeza xoguetona!

As aventuras traspasan as páxinas dos libros e chegan ó noso centro en forma de pistas, vestixios, rastros, sinais....que o noso alumnado terá que atopar e interpretar para descubrir o tema que dende a biblioteca nos levará unha vez máis a afondar entre as páxinas cheas de historias, maxia e fantasía coas que enguedellarnos para seguir soñando.

Claro que Nica conta co intrépidos/as que son estes pequenos/as.

Ánimo, temos ata este venres para descubrilo.

Xa están listas as MOCHILAS VIAXEIRAS, comezamos unha nova viaxe.

A partir de mañán, e como levamos facendo os últimos cursos dentro das actividades de fomento e dinamización da biblioteca do centro, cada aula contará cunha recompilación de materiais gráficos e audiovisuais que o seu alumnado poderá levar á casa para gozar, xunto coa súa familia de.... 

ese conto que tanto nos gustou,

ese libro de poemas que ten palabras fermosas,

as imaxes dun álbum que tanto me abraiaron,

esa música que fai bailar ás pedras,

unha película,

un libro que fala do tema que andamos a estudar....

Se tedes algunha dúbida sobre o seu funcionamento non vos preocupes, porque Nica pensa en todo.

Cada mochila vai acompañada de toda a información precisa sobre o seu funcionamento.

"Os libros gustan da viaxe e da sorpresa, agardan nos andeis ou nos expositores por esa man que, ao abrilos, poña en funcionamento a maxia da lectura".