Equipo TICs

VISITA Á TORRE DE HÉRCULES E AO MUNCYT

 

Este mércores o alumnado de 5º e 6º viaxou a cidade da Coruña para visitar a Torre de Hércules e o Museo Nacional da Ciencia e Tecnoloxía

(MUNCYT). Neste último puideron ver, entre outras cousas, parte do avión que trouxo o Guernica a España, o Jumbo  Lope de Vega. Para

rematar fixeron un taller de Biodiversidade e Bioluminiscencia. Foi unha mañá moi aproveitada. 

  

 

2º SESIÓN DE TEATRO SOLIDARIO PARA AS FAMILIAS

 

Hoxe, dentro das actividades organizadas para a celebración das Letras Galegas, os alumnos do Club de Teatro de 2º A e B, representaron diante das súas familias dúas obras "A pelexa das cores" e "A bruxa Regañadentes". O evento tivo lugar no salón de actos do colexio e ten un fin solidario recaudar alimentos non perecedeiros para o Banco de Alimentos de Santiago(Balrial). Estes pequenos actores e atrices mostraron a súa paixón e talento nas obras que prepararon con esmero, nos recreos, ao longo do curso. Foron merecedores dos aplausos das súas familias, compañeiros e profesorado. Arte e solidaridade da man para axudar aos que máis o precisan. Ao mesmo tempo a Biblioteca segue co seu mercadiño solidario de libros, un libro un alimento.

 


 

REMATANDO A NOSA VIAXE!

E xa a piques de rematar a nosa Virtuvolta ao Mundo a secretaria do equipo sela os pasaportes da viaxe.

 

PREPARANDO O ENTROIDO

 

Xa chega o Entroido e o Meco deixounos os seu mandados, comezamos o luns 13 de febreiro.

 

                        Eu son o rei do Entroido,                                                                                Mércores

                         Meco danme en chamar.                                                                               Para rematar

                        Obedece as miñas ordes                                                                                o verán terás que anticipar,                                              

                        se ben o queres pasar.                                                                                  con gafas e gorro

                                                                                                                                           ao cole deberás chegar.

                        Eu ordeno e mando

                        que estes mandados                                                                                     Xoves

                        sexan encadenados                                                                                      Podes vir pintado

                                                                                                                                          e como ti queiras disfrazado

                          Luns

                                                                                                                                          Venres

                       O inverno xa chegou                                                                                                                                                                                      

                       e coma choqueiros ben abrigados                                                                 Xa chegou o gran día

                       con roupa doutros e mal combinados.                                                           do mundo coidar!

                       Roupa pola casa buscarás                                                                            Abellas, froitas, verduras, cabazas, paxaros,   

                       e toda ela reutilizarás.                                                                                 cabalos, peixes e algas

                                                                                                                                        polas rúas veredes pasar                                                 

                       Martes                                                                                                          para do ENTROIDO facervos gozar.

                      A primavera vai chegar

                      e para as abellas coidar,

                      na túa cara flores

                      terás que pintar.

                                                                                 

 

 

 

 

 

SEGUIMOS COAS TAREFAS DA VIAXE!

Proseguimos cos traballos para desenvolver o noso proxecto. Despois de revisar o panel de tarefas pendentes localizamos unha etapa da nosa viaxe e sinalámola no mapa. Despois calculamos a distancia, comprobamos o relevo e eliximos o medio de transporte.

 

PROXECTO "A VIRTUVOLTA AO MUNDO"

Damos comezo ao noso Proxecto "A Virtuvolta ao Mundo". A actividade base ou desafío é a elaboración dunha guía interactiva dunha viaxe. Para iso temos moitas actividades que levar a cabo: Crear a nosa ruta en MyMaps, elaborar etiquetas, xeolocalizar puntos de interese, programar itinerarios no Mboot, elaborar o diario de viaxe...

 

Secretaria e secretario do equipo organizando a carpeta e o portfolio dixital no DRIVE

 

A Incubadora de Lois

Nas aulas do 3º ciclo de Educación Primaria temos claro que, como expón Edgar Dale na súa pirámide da aprendizaxe, aprendemos só un 5% do que nos din pero, pola contra retemos un 90% do que dicimos e facemos. 

Esta é unha das máximas que orientan as metodoloxías activas que empregamos no noso día na aula, xa que temos claro que a verdadeira aprendizaxe é aquela que nos obriga a activar tódolos nosos coñecementos e habilidades para dar resposta as cuestións cotiás.

Neste facer diario xorden iniciativas e proxectos tan interesantes e cargados de esforzo que nos gustaría compartir con todos vós.

Comezamos con "A Incubadora de LOIS", un alumno que, coa axuda do seu pai, construiu unha incubadora que montou na aula e que con traballo, coidado e algo de paciencia acabou aumentando a "ratio" da aula cunha ducia de pitiños.

Deixámosvos aqui o 1º vídeo do diario do proxecto que o propio alumnado gravou e editou. Si queredes ver o resto, están dispoñibles no enlace da nosa canle de Youtube.

Sabemos que non podedes gozar tanto véndoos como nós vivíndo o proceso, pero esperamos que vos gusten.

 

 

 

Feira "Polos Creativos"

Esta semana, un grupo de alumnos/as de 5º de Primaria asistiu á Cidade da Cultura para representar ao noso centro nunha feira de ciencia e tecnoloxía. Alí presentaron o proxecto "Robot European Dance" que obtivera hai dous cursos os Selos de Calidade Nacional e Europeo eTwinning. Esta vez, o baile elixido foi un cachiño de Terra das Tanxugueiras que interpretaron os mBots vestidos de negro e dourado para a ocasión. 

Ademáis de atender ás autoridades e aos moitos mestres e alumnos/as de toda Galicia, que se interesaron polo noso proxecto, fomos entrevistados pola televisón, diferentes cadeas de radio e a prensa escrita. Tamén participamos nuns obradoiros e regaláronnos unhas mochilas e unhas camisetas. Foi un día moi intenso!

  

Foron varios os medios que se fixeron eco do noso proxecto. Fai clic sobre eles para ver, escoitar ou ler as súas reportaxes:

- Programa "Bos Días" da TVG (minuto 19:50)

- Cadena Cope

- Faro de Vigo

- Radio Galega

 

- Xornal comarcal Primeira Noticia

 

Álbum: Curso 2021 - 2022 -> Feira "Polos Creativos"

Charla da Garda Civil sobre ciberseguridade

Sabedes que é o "sexting", como usar as RRSS (redes sociais) con seguridade ou os perigos de internet? O alumnado de 5º e 6º de Primaria xa o sabe grazas á charla do Plan Director para a mellora da Convivencia nos Centros Escolares e os seus entornos da Garda Civil que hoxe impartiron no noso centro.

Fíxonos reflexionar acerca do número de seguidores das RRSS que non coñecemos persoalmente e cos que estamos compartindo imaxes ou informacións que poden poñernos en perigo a nós mesmos e tamén ás nosas familias. Pareceunos unha charla moi interesante e productiva. 

 

DÍA DE ROSALÍA

Neste Día de Rosalía o alumnado preparou e recitou uns poemas de "Cantares  Gallegos" e "Parece unha Rosa".  Olládeo neste vídeo:

 

Para completar o día participamos na lectura colectiva de poemas no Concello

 

    

 

O alumnado de Infantil plantou camelias para a nosa Rosalía.

  

No recreo do comedor 

os nenos e nenas fixeron un recitado de poemas de Rosalía